პროდიუსერი, დათო ფორჩხიძე ნოე სულაბერიძის გადაცემაში იმყოფებოდა სტუმრად, სადაც ერთ-ერთი კითხვა სოფო ბათილაშვილს ეხებოდა, ნოემ დათოს სთხოვა სოფო ბათილაშვილის სიტუაციის შეფასება:
„ცუდი რამე მოხდა, გუშინაც ვნახე, მე მინდოდა ეგ ბავშვი ამეყვანა, მაგრამ ბლოკის ღილაკს დააჭირა სტეფანემ. ძალიან ძნელი იყო მაგ ბავშვის მხარდაჭერა. იმიტომ რომ თითქოს დარბაზი, ახლობლები და ნათესავები ამადლიდნენ რომ შენ ხომ უკვე მოიგე, ახლა ჩვენ გვაცალე. რა ეყოფა, გუშინ დაიწყო ბავშვმა, ვერ მივხვდი. თითქოს მისი დანაშაული იყო რომ ოდესღაც რაღაც მოიგო. თითქოს ორჯერ არ შეიძლება. ვხვდებოდი, რომ ბავშვი იჩაგრებოდა. მე არ ვამბობ, რომ ფინალამდე გავიყვანდი, მაგრამ შეიძლება მექნა. სოფოს ტოროშელიძეს სხვა არჩევანი დაუდგა. მე ის ბავშვი მეცოდებოდა, ვუთანაგრძნობდი, არ მინდა ეწყინოს.“
დათოს მსგავს შეფასებაზე სოფო ბათილაშვილი გაღიზიანდა და საჯაროდ სოციალურ ქსელში პასუხი გასცა:
„ნოე სულაბერიძე გვარით რომ მომიხსენიებს, ალბათ ბოტანიკის მასწავლებელია ჩემი. ან ქეისი შევიდა ისტორიაში როგორც “ბათილაშვილის საქმე” და მოვლენებს ჩამოვრჩი.
დათო ფორჩხიძეს და მის კოლეგებს რაც შეეხება, მეტი გულწრფელობა, ან საერთოდ დუმილი იქნებოდა ჩემი რჩევა. ერთი უნდა ითქვას, დათო ფორჩხიძეს ადამიანურად მოუკვდა გული ჩემზე და ეს საცოდავი ესაო, დამიცვა.
მართლა ეს საცოდავები-მეთქი, ვფიქრობდი, რომ გავიგე რა ტრიალებდა და მაინც ყველა ბოლომდე თავმომწონედ განაგრძობდა ჟიურის თუ არაჟიურის სკამებზე ჯდომას, სიმღერას და ცეკვა-თამაშს.
სულ სხვისი ბრალია, იმიტომ რომ სულ თავის მოტყუებაა. თავის მოტყუებაში დიდი სიმშვიდეა და პატარა საჯდომი. ხოდა, ჩემო ლამაზო სამშობლო, ძაან მიყვარხარ, მაგრამ რავი.
ა, და ხო, დათო ფორჩხიძე, თქვენი, ძველების ენაზე გეტყვი: შენი “ბავშვი” ტყეში დარბის.“
იხილეთ დათო ფორჩხიძის სრული ვიდეო:
