BBC-ს ინფორმაციით, ამერიკელი მსახიობი და სექს-სიმბოლო, რაქელ უელჩი თავის სახლში გარდაიცვალა, მიზეზი ხანმოკლე ავადმყოფობაა.
მას სამსახიობო კარიერაში მრავალი ჯილდო აქვს მიღებული, მათ შორის არის:
1974 წელს მოიპოვა ოქროს გლობუსის ჯილდო საუკეთესო მსახიობი ქალი, ფილმში – „სამი მუშკეტერი“. 1994 წელს გაუხსნეს ვარსკვლავი – ჰოლივუდის დიდების ხეივანში, ჰოლივუდის ბულვარში. 2001 წელს მას მიენიჭა Imagen Foundation Lifetime Achievement Award ჯილდო ამერიკელების პოზიტიური პოპულარიზაციისთვის მთელი თავისი კარიერის განმავლობაში.
სამსახიობო კარიერის გარდა, მისი მოღვაწეობა დასამახსოვრებელი იყო, როგორც მუსიკალურ ასევე მოდის სფეროშიც:
1972 წელს უელჩი სიმღერის დებიუტი შედგა ლას ვეგასის ღამის კლუბში, Las Vegas Hilton-ში.
2007 წლის იანვარში უელჩი აირჩიეს MAC Cosmetics Beauty Icon სერიის სახედ. მის ხაზს აქვს რამდენიმე შეზღუდული გამოშვების მაკიაჟის ჩრდილი პრიალა შავი და ვეფხვის პრინტით შეფუთვაში. კოლექციის ვეფხვის პრინტის მოტივი ხაზს უსვამს უელჩის კატისებრ იმიჯს: „ძლიერი და ველური, მაგრამ მძაფრი და ეგზოტიკური“.
რაც შეეხება პირად ცხოვრებას, 1959 წლის 8 მაისს უელჩმა იქორწინა თავის საშუალო სკოლის სიყვარულზე, ჯეიმს უელჩზე, რომელთანაც შეეძინა ორი შვილი, დეიმონ უელჩი და ლატან „ტაჰნე“ უელჩი. ჯეიმსი და რაკელ უელჩი 1962 წელს დაშორდნენ, თუმცა 1964 წელს განქორწინდნენ, მაგრამ ჯეიმსმა შეინარჩუნა უელჩის გვარი სიკვდილამდე.
იგი დაქორწინდა პროდიუსერ პატრიკ კერტისზე 1967 წელს და გაშორდა მას 1972 წელს. 1980 წელს იგი დაქორწინდა პროდიუსერ ანდრე ვაინფელდზე, გაშორდა მას 1990 წელს. უელჩი დაქორწინდა რიჩარდ პალმერზე, Mulberry Street Pizzeria-ის მფლობელზე, 1999 წელს, მაგრამ შემდეგ დაშორდა მას 2003 წელს.
