Vorrei ნატურალურ და ბუნებრივ ინგრედიენტებზე შექმნილი ქართული წარმოების კოსმეტიკაა, რომელიც გათვლილია ყველა ტიპის კანისთვის. ბუნებრივ და ჯანსაღ ნედლეულზე დამზადებული პროდუქცია გამოირჩევა განსაკუთრებული შედეგებით და თავბრუდამხვევი არომატებით. კომპანია დაუღალავად შრომობს და ზრუნავს მომხმარებლების სილამაზესა და სიჯანსაღეზე. ამ და სხვა თემებთან დაკავშირებით, ჟურნალი OK! კომპანიის თანადამფუძნებელ მარიამ დოლიშვილს ესაუბრა.
მარიამ, გვესაუბრეთ Vorrei-ის, როგორც ბრენდის, ჩამოყალიბების იდეაზე.
თავდაპირველად, კოსმეტიკა მეგობრებისთვის, ანუ მხოლოდ ვიწრო წრისთვის მზადდებოდა, მაგრამ ფართო აუდიტორიამ პანდემიის პერიოდში გაგვიცნო და გაიგო ჩვენ შესახებ. მას შემდეგ აქტიურად ვმუშაობთ მე და ჩემი თანადამფუძნებელი ია შალიკაშვილი პროდუქციის წარმოებაზე და საზოგადოებისთვის ჯანსაღი, ნატურალური და ბუნებრივი პროდუქტის მიწოდებაზე.
კონკრეტულად, რა სახის პროდუქტებს მოიცავს ბრენდი?
საზოგადოებას ვთავაზობთ თავის მოვლის ფართო ასორტიმენტს, მათ შორის: თმის მოვლის პროდუქტებს, ტანისა და სახის კანის მოვლის საშუალებებს. ასევე, ჩვენთან წარმოდგენილია დეკორატიული კოსმეტიკა. მაქსიმალურად ვცდილობთ ერთ სივრცეში გავაერთიანოთ თავის მოვლის ყველა საჭირო პროდუქტი და კომფორტი შევუქმნათ ჩვენს მომხმარებლებს.
როგორია პროდუქციის დამზადების პროცესი?
პროდუქცია მზადდება მხოლოდ და მხოლოდ ხელით, და არა დანადგარებით. შესაბამისად, ყველაფერი არის ნატურალური კოსმეტიკური ცხიმებისგან დამზადებული, რომლებიც არ საჭიროებს ვადის გამახანგრძლივებელ ქიმიურ დანამატებს, არ შეიცავს მავნე ნივთიერებებს და ეს ხდის ჩვენს ბრენდს უნიკალურსა და სანდოს მომხმარებლებისთვის.
რა მიგაჩნიათ ბრენდის უპირატესობად?
განგვასხვავებს და უპირატესობას გვანიჭებს კონკრეტული დანამატები, რომლებსაც ჩვენ ვიყენებთ პროდუქციის დასამზადებლად, მათ შორის: კარკადე, მაჩა და სხვა მსგავსი საშუალებები.
სად არის პროდუქციის შეძენა შესაძლებელი?
ამ ეტაპზე პროდუქციის შეძენა შესაძლებელია ონლაინგამოწერის მეშვეობით, ჩვენს ფეისბუქ და ინსტაგრამგვერდებზე.
როგორია თქვენ მიერ დამზადებული პროდუქტებით მიღებული შედეგები?
შედეგებმა მოლოდინს გადააჭარბა, იმდენად კმაყოფილი და უკვე ერთგული მომხმარებლები ჰყავს ჩვენს ბრენდს. თუ მომხმარებლის კანის ან თმის სტრუქტურას მოერგო ჩვენი პროდუქცია, აუცილებლად ხდება ნატურალური პროდუქტების აქტიური მომხმარებელი.
როგორი ტიპის კანზე გამოიყენება პროდუქცია?
ჩვენთან წარმოდგენილია პროდუქცია როგორც მშრალი, ასევე ცხიმიანი და კომბინირებული კანისთვის.
გვესაუბრეთ სამომავლო გეგმებზე.
ახლო მომავალში ვგეგმავთ გაფართოებას და საზოგადოებისთვის მაღაზიის ან სტენდის შეთავაზებას. ასევე, იგეგმება ახალი პროდუქტების დამატება, მათ შორის − თმისთვის შამპუნებისა და ტანისთვის ზეთოვანი საშუალებების. გარდა ამისა, ვგეგმავთ ბავშვის პროდუქტების დამატებას, მამაკაცის ხაზის განვითარებას და გაფართოებას. მალე მომხმარებლებს აქსესუარებსაც შევთავაზებთ, რაც თავის მოვლასთან ახლო კავშირშია. მაგალითად, კოსმეტიკის ჩანთას, საზაფხულო ნაკრებს.
FB: Vorrei • ვორეი
Insta: vorrei_cosmetics
Tel: 592 39 46 46
