Travel Book გაგაცნობთ ტურისტულ კომპანია Travelista-ს, რომელიც 3 წელია ბაზარზე გამოჩნდა და სრულად დაკომპლექტებულია გამოცდილი კადრებითა და მსოფლიოს წამყვან ტურისტულ კომპანიებთან თანამშრომლობის რესურსით, რათა მომხმარებლებს ხარისხიანი და ფასთან შესაბამისი სერვისი შესთავაზოს. კომპანია საზოგადოებას სთავაზობს ყველა სახის მომსახურებას, რაც მოგზაურობასთანაა დაკავშირებული. ამ და სხვა საინტერესო საკითხებთან დაკავშირებით ჟურნალი OK! კომპანიის დამფუძნებელს, მარიამ ნაროუშვილს ესაუბრა.
გვიამბეთ Travelista-ს შესახებ. რამდენი ხანია, რაც კომპანია ტურისტულ ბაზარზე გამოჩნდა?
ტურისტული კომპანია Travelista დაარსდა 2020 წელს, ზუსტად მაშინ, როდესაც მსოფლიოში პანდემია დაიწყო. მიუხედავად ბევრი პრობლემისა, რაც ტურიზმის სექტორს ხვდა წილად, Travelista-ს ლოქდაუნის შემდეგ არცერთი დღე არ შეუწყვეტია მუშაობა. ჩვენს მომხმარებლებს ვთავაზობდით დასვენებასა და სხვადასხვა აქტივობას ქვეყნის შიგნით, ცხადია, ყველა წესის დაცვით. კოვიდის დასრულებისთანავე ახალი ხედვებითა და მისწრაფებებით განვაგრძეთ მუშაობა.
რა სახის მომსახურებას სთავაზობთ საზოგადოებას?
მიუხედავად იმისა, რომ კომპანია Travelista მხოლოდ 3 წელია, რაც ბაზარზე გამოჩნდა, სრულად დაკომპლექტებულია გამოცდილი კადრებითა და მსოფლიოს წამყვან ტურისტულ კომპანიებთან თანამშრომლობის რესურსით, რათა მომხმარებლებს ხარისხიანი და ფასთან შესაბამისი სერვისი შესთავაზოს. კომპანია travelista საზოგადოებას სთავაზობს ყველა სახის მომსახურებას, რაც მოგზაურობასთანაა ასოცირებული. ესენია: ავიაბილეთებისა და სასტუმროს მოძიება, ტრანსფერით უზრუნველყოფა, საექსკურსიო ტურების გაწერა, სავიზო პროცედურებში დახმარება, კონფერენციებსა თუ ტრენინგებზე დასწრება. თამამად შეიძლება ითქვას, კომპანია მსოფლიოს ნებისმიერ წერტილში ნებისმიერ სერვისს გაგიწევთ.
რა მიმართულებებით გეგმავს ტურებს კომპანია?
ამ ეტაპზე ყველა მიმართულებაზე თანაბრად ვართ ორიენტირებული. ჩვენთვის ყველა საინტერესოა და ვცდილობთ ჩვენს მომხმარებლებს დავანახვოთ ის რეალობა, რაც ადგილზე დახვდებათ, ცხადია, ჩვენი კოლეგების ან მათი სამუშაო პრაქტიკიდან გამომდინარე. ამ ეტაპზე ვაპირებთ მასობრივად დავიწყოთ ჯგუფური ტურები ევროპისა და აზიის მიმართულებით, რადგან ვფიქრობთ, ჩვენს ბაზარზე საკმაოდ მოთხოვნადია პროდუქტი, როდესაც წინასწარ არის გათვლილი და გაწერილი ყოველი დღე, ყველა აქტივობით.
რა შედის ტურის ღირებულებებში?
მოგეხსენებათ, ყველა ტურის სპეციფიკა განსხვავებულია. არსებობს ორი სახის ტური: ჯგუფური და ინდივიდუალური. ინდივიდუალური ტურების ღირებულება უმეტესად მოიცავს: ავიაბილეთებს, სასტუმროს, კვებას სასტუმროს კონცეფციიდან გამომდინარე, აეროპორტის ტრანსფერს და სამოგზაურო დაზღვევას. რაც შეეხება ჯგუფურ ტურებს, ღირებულებაში შედის იქ ყოფნის პერიოდში სრული მომსახურება: როგორიცაა გიდის მომსახურება, ქალაქში გადაადგილება, მუზეუმის ბილეთები, საექსკურსიო ტურები, ტრანსპორტირება და სხვა.
რა უნდა გავითვალისწინოთ სამოგზაუროდ წასვლამდე?
პირველ რიგში, გირჩევთ, თუ ახლა იწყებთ მოგზაურობას, თავიდანვე არ შეეჭიდოთ დიდ ქალაქებს, რადგან პატარა ქალაქების მონახულებით საუკეთესო გამოცდილებას დააგროვებთ, რაც შემდგომ დაგეხმარებათ, უფრო გაზარდოთ სამოგზაურო ქალაქების მასშტაბები. ჩვენი კომპანია მზადაა ნებისმიერ დროს, ნებისმიერ მომენტში იყოს თქვენი მოგზაურობის გზამკვლევი.
რატომ უნდა ავირჩიოთ Travelista? გვესაუბრეთ კომპანიის უპირატესობებზე…
კომპანიის მიზანია მოგზაურობა იყოს ყველასთვის ხელმისაწვდომი. ჩვენი გუნდი ყოველდღე მუშაობს იმისთვის, რომ მომხმარებლებს მაქსიმალურად შევუქმნათ ყველანაირი პირობა, რათა მათი მოგზაურობა მაქსიმალურად კომფორტული გავხადოთ. ასევე, Travelista ყოველთვის მზადაა, საკუთარ მომხმარებლებს მსოფლიოს ნებისმიერ წერტილში, განურჩევლად მათი ადგილსამყოფლისა, შესაბამისი სახის დახმარება გაუწიოს.
როგორია კომპანიის სამომავლო გეგმები?
კომპანია „თრეველისტა“ მუდმივად მუშაობს კადრების განვითარებაზე. ამჟამინდელი და უმთავრესი მიზანია, გაიზარდოს მომხმარებლების რაოდენობა, რათა კიდევ ბევრმა გაგვიცნოს. რაც შეიძლება მეტ ადამიანს მიეცეს საშუალება, ისარგებლოს იმ დახვეწილი და მაღალი დონის სერვისებით, რომელსაც ჩვენი კომპანია სთავაზობს.
