იდეალური კანი ხშირად არა გენების, არამედ ყოველდღიური რუტინის დამსახურებაა, რადგან სწორად შერჩეული საკვები, ძილის ხანგრძლივობა, ვარჯიში და თავის მოვლის
საშუალებები ყველაზე დიდ ზეგავლენას ახდენს კანის სტრუქტურაზე.
ხშირად ადამიანებს ჰგონიათ, რომ ლამაზი კანი მხოლოდ ძვირადღირებული
პროდუქტების მოხმარებისა და ქირურგიული ჩარევების შედეგად მიიღება. მიუხედავად
იმისა, რომ თითოეულ ადამიანს კანის განსხვავებული სტრუქტურა აქვს, რაც
ინდივიდიალურ მოვლას მოითხოვს, ცნობილი ადამიანების რუტინა მოწმობს, რომ
ვარჯიში, სახლში დამზადებული ნიღბები, და ჯანსაღი ცხოვრების წესი ზოგჯერ
სასურველი შედეგის მისაღწევად სრულიად საკმარისია.
ირინა შეიკი
ყოველდღიური რუტინა
“ჩემი რუტინა ძალიან მარტია. სახეს დღეში ირჯერ ვიბან, დილით მხოლოდ წყლით, საღამოს კი
გამწმენდი საშუალებებით. არ მიყვარს გამუდმებით ერთი და იგივე პროდუქტების მოხმარება.
ჩემი აზრით, თუ მთელი ცხოვრება ერთსა და იმავე დამატენიანებელს გამოიყენებთ, თქვენი კანი
ამ ყოველთვის გამომშრალი, ან ზედმეტად ცხიმიანი იქნება. მიუხედავად იმისა, რომ
დამატენიანებელი კრემი ჩემი რუტინის განუყოფელი ნაწილია, ზაფხულის ცხელ დღეებში
მსუბუქი კონსისტენციის შრატიც საკმარია. ამჯერად გამოვარჩევდი Mimi Luzon-სა და Barbara
Sturm-ის პროდუქციას.”
მაკიაჟი
“ყოველდღიური მაკიაჟი ჩემთვის ძალიან მინიმალისტურია. ვიყენებ ცოტაოდენ კორექტორს,
თუმცა არასდროს ტონალურს. ძალიან მომწონს Marc Jacobs-ის ქონსილერი, რომელსაც თვალებს
ქვეშ სიშავეების დასაფარად ვიყენებ. ასევე ვამოვარჩევდი ამავე ბრენდის ქოქოსის ჰაილაითერს.
მაკიაჟის პროდუქტებთან ერთად ჩემი ყოველდღიურობის განუყოფელი ნაწილი ტუჩის
ბალზამია, რომელსაც ჩანთით ყოველთვის თან ვატარებ.”
ირინა გვიზიარებს საუკეთესო რჩევას, რაც კი ოდესმე თავის მოვლის შესახებ მიუღია
“როდესაც სახე შეშუპებული გაქვთ და უძილობა გაწუხებთ, აიღეთ ყინულის კუბი კიტრით ან
გვირილით და თვალების გარშემო, შუბლის ცენტრში და კისრის ტერიტორიაზე წაისვით.
რამდენიმე წუთში კანის ბრწყინვალებას აუცილებლად შეამჩნევთ.”
დილა შესანიშნავი საშუალებაა დაიწყო დღე პოზიტიურად
“ვცდილობ დილა კარგი გაწყობით დავიწყო. არ მიყვარს სიჩქარე, ყოველთვის ვიტოვებ დროს
საკუთარი თავის მოსაწესრიგებლად. გაღვიძებისთანავე ვსვამ ლიმონიან წყალს და შხაპის
მიღების შედეგ პირველ რიგში გამომშრალ კანს ვიტენიანებ. თუ სამსახურში წასვლამდე დრო
მრჩება, ფიზიკური აქტივობით სახლშივე ვკავდები, ან სპორტდარბაზში მივდივარ. ვარჯიში
პოზიტიურ განწყობს მინარჩუნებს და ყოველთვის მაძლევს საჭირო ენერგიას.“
„დილისგან განსხვავებით, საღამოს სახის კანს განსაკუთრებულ ყურადღებას ვაქცევ, რადგან
მთელი დღის განმავლობაში დაგროვილი მტვრის ნაწილაკების მოშორება მხოლოდ საფუძვლიანი
წმენდის შედეგად შეიძლება.“
მაკიაჟის ხრიკები, რომლებიც პროფესიონალი ვიზაჟისტებისგან ისწავლა
„ბევრ ვიზაჟისტთან ვთანამშრომლობ და მათ ნამუშევრებს ყოველთვის გულდასმით
ვაკვირდები, გამუდმებით შეკითხვებს ვსვამ და თითოეული დეტალით ვინტერესდები. ერთ-
ერთი საუკეთესო რჩევა, რაც მიმიღია ეს არის: წარბის ფიქსაციისთვის თმის სპრეისა და კბილის
ჯაგრისის, ხოლო ტუჩების დასატენიანებლად თვალის კრემის გამოყენება.“
ბელა ჰადიდი
რა აზიანებს სახის კანს ყველაზე მეტად
“იქიდან გამომდინარე, რომ გადატვირთული გრაფიკი მაქვს, მაკიაჟის გაკეთება ხშირად მიწევს.
ფოტოსესიებისგან გადაღლილს მაკიაჟით ხშირად დამიძინია, რაც სახის კანისთვის მავნებელია.
ტონალურის საცხი ძალიან ბევრ მიკრობს აკავებს, რამაც შეიძლება კოლაგენის დეგრადაცია ან
კანის ნაადრევი დაბერება გამოიწვიოს. ალბათ ორგანიზმი გრძნობს ხოლმე ჩემს დანაშაულს და
ღამის პირველ ან ორ საათზე ყოველთვის მაღვიძებს, რის შემდეგაც აუცლებლად ვდგები, სახეს
ვიწმენდ და ვიტენიანებ, რათა მომდევნო დღისთვის უფრო ჯანსაღად გამოვიყურებოდე.”
ფავორიტი პროდუქტები
“ძალიან მომწონს DIOR HYDRA LIFE-ის გამწმენდი ქაფი, რაც შესანიშნავად ასუფთავებს კანს და
დატენიანებისთვის ამზადებს. იქიდან გამომდინარე, რომ ჩემი კანი ძალიან მშრალია, ქაფის
გამოყენებისთანავე სახეს ამავე ხაზის Sorbet Crème-ით ვიტენიანებ. ამ პროდუქციას იმდენად
თხელი კონსისტენცია აქვს, რომ ყოველთვის ისეთი შეგრძნება მაქვს, თითქოს არაფერი მისვია.”
მაკიაჟი
“ბევრი პროდუქტის გამოყენება არ მიყვარს, განსაკუთრებით ზაფხულში. ერთფეროვანი
ეფექტისთვის, როგორც წესი, თვალებ ქვეშ, ნიკაპსა და ცხვირზე კორექტორს ვიყენებ. ჩემი
ყოველდღიური მაკიაჟის განუყოფელი ნაწილია ასევე წარბის გელი და ბრონზერი. რაც შეეხება,
ტონალურს ძალიან იშვიათად, თითქმის არასდროს ვიყენებ. მომწონს ბუნებრივი ჭორფლები და
ვცდილობ ზედმეტი პროდუქტების გამოყენების გამო არ იმალებოდეს. თვალების გამოსაკვეთად
DIORSHOW-ის PUMP 'N' VOLUME HD მასკარას ვიყენებ, რომელიც იმდენად ეფექტურია, რომ
ხელოვნური წამწამებისგან რთულად გაარჩევთ. მისი წასმის შემდეგ უფრო ბუნებრივი
ეფექტისთვის წამწამების დამხვევ ხელსაწყოს ვიყენებ.“
რელაქსაცია
“რელაქსაციის საუკეთესო საშუალება ძილია. ამ დროს ისევე როგორც ორგანიზმი, ასევე სახის
კანიც ისვენებს. როდესაც გარეთ გასასვლელად ვემზადები ენერგიის მოსაზღვავებლად მუსიკას
ვუსმენ. არ მიყვარს მარტო გამზადება, ეს ჩემს ხასიათსა და შემართებაზე ძალიან მოქმედებს,
მაქსიმალურად ვცდილობ, მეგობრებთან ერთად მოვემზადო და პარალელურად ჩემი სტილის
შესახებ მათი აზრიც მოვისმინე.”
როუზი ჰანტინგტონი
დილის რუტინა
“პირველი, რასაც დილით ვაკეთებ, ეს არის სახის გაწმენდა. ნაჭერს თბილ წყალში ვალბობ და
სახის გარშემო ნელი მოძრაობით ვატრიალებ. ვიყენებ Resorè-ს პირსახოცს, რაც
ანტიბაქტერიულია და იმის შეგრძნება არასდროს მიჩნდება, რომ პირსახოცი ჭუჭყიანია. სახის
გასასუფთავებლად ZO Skin Health-ის ხაზის პროდუქციას ვიყენებ. ვიწყებ გამწმენდით, შემდეგ
გადავდივარ კანის ამქერცლავ კრემსა და ინტენსიურ სკრაბზე, რაც მკვდარი უჯრედების
მოშორებაში მეხმარება.”
მაკიაჟი
“როდესაც გადაღებები მაქვს, მძიმე მაკიაჟი მისვია და შესაბამისად კანის გასუფთავების პროცესი
უფრო დატვირთულია. სახის გასასუფთავებლად Kopari-ის ქოქოსის ბალზამს ვიყენებ. ზოგადად,
ქოქოსის ზეთი ბუნებრივია და მისი გამოყენება ბევრ რამეში შეიძლება, მე მაგალითად ამ
პროდუქტს არამხოლოდ სახის კანის, არამედ თმის ბოლოების დასატენიანებლად ვიყენებ.”
საუკეთესო რჩევა, რაც გასულ წლებში როუზი ჰანტინგტონმა პროფესიონალი ვიზაჟისტებისგან მიიღო
“გამუდმებით ვსწავლობ და ამ შემოქმედებაში ყველაზე მეტას სწორედ ეს მიყვარს. ჩემი კარიერის
განმავლობაში არაერთ ვიზაჟისტთან ვითანამშრომლე და მათგან ბევრი საჭირო რჩევა მივიდე.
მიუხედავად იმისა, რომ ყველას გამსხვავებული მიდგომა აქვს სილამაზის რუტინასთან, მაინც
არსებობს გარკვეული წესები, რომლებიც ყველასთვის საერთოა. ჩემთვის ბოლო დროის ყველაზე
სასარგებლო აღმოჩენა არაკომედოგენური პროდუქტების ვამოყენება იყო. ამ მიგნებამ ჩემი კანი
რადიკალურად შეცვალა და რაც მთავარია აკნესგან გაათავისუფლა.”
