ამერიკელ მსახიობს, მიკი რურკს ლოს-ანჯელესის სახლიდან გაძევება ემუქრება – ინფორმაციას Dailу Mail ავრცელებს.
გამოცემის ინფორმაციით, მიკი რურკს 18 დეკემბერს ლოს-ანჯელესის სასამართლოს შეტყობინება გადაეცა, რომლითაც მას 60 000 დოლარის ოდენობის ვადაგადაცილებული ქირის გადახდა ან შენობის დაცლა ევალება.
2025 წლის აპრილში მიკი რურკი უხამსი საქციელის გამო სატელევიზიო შოუდან „Celebrity Big Brother“ გააძევეს. თავდაპირველად, მან შოუს ერთ-ერთი მონაწილის სექსუალური გემოვნების შესახებ რამდენიმე შეურაცხმყოფელი კომენტარი გააკეთა. გაფრთხილების შემდეგ, მან შოუს წამყვანის მიმართ „მუქარის შემცველი და აგრესიული“ საქციელი გამოავლინა. საბოლოოდ, მსახიობს შოუ დაატოვებინეს.
შეგახსენებთ, რომ მიკი რურკმა სახელი ეროტიკული დრამით „9½ კვირა“ გაითქვა.1980-იანი წლების დასაწყისში ის ჰოლივუდის ერთ-ერთი ყველაზე მიმზიდველი მსახიობი იყო, თუმცა 1991 წელს ჰოლივუდი დაატოვა და ახალგაზრდობის დროინდელ გატაცებას – კრივს დაუბრუნდა. კრივში, სახეზე მიღებული დაზიანებები რომ დაეფარა, მიკი რურკმა რამდენიმე პლასტიკური ოპერაცია გაიკეთა, რომლებიც წარუმატებელი აღმოჩნდა.
მსახიობმა სამუდამოდ დაკარგა სახე, რომელიც მის უამრავ თაყვანისმცემელს აღაფრთოვანებდა და სახესთან ერთად, კინოში როლებიც. დღეს ჰოლივუდის ყოფილი სექს-სიმბოლოს ცნობა თითქმის შეუძლებელია – დიდება მისთვის გამოცდად იქცა, რომელსაც ვერ გაუმკლავდა.
73 წლის მიკი რურკი ფოტოგრაფის ობიექტივში მაშინ მოხვდა, როდესაც მარკეტიდან შეკვეთა მიუტანეს.
ასევე დაგაინტერესებთ
#OK! ამერიკელი, რომელსაც სხეულზე 273 ტატუ-ავტოგრაფი აქვს, გინესის წიგნში მოხვდა
