31 წლის ვარსკვლავი, ტეილორ სვიფტი შესანიშნავი ჰიტების შექმნით ნამდვილად გამოირჩევა. წლების განმავლობაში მომღერალმა უდიდეს წარმატებას მიაღწია და არა ერთი პრესტიჟული ჯილდოს მფლობელი გახდა. ახლა კი ის გრემის რიგით 63-ე დაჯილდოებაზე ისტორიაში შევიდა და ახალი რეკორდი დაამყარა.
მომღერალმა ნომინაციაში „წლის ალბომი“ გაიმარჯვა და გახდა პირველი ქალი შემსრულებელი, რომელმაც ამ ნომინაციაში გამარჯვება სამჯერ მოიპოვა. შეგახსენებ, რომ გრემის დაჯილდოებაზე ტეილორი ექვს ნომინაციაში იყო წარდგენილი.
ტეილორ სვიფტი გრემის წითელ ხალიჩაზე შესანიშნავი, ფლორალური იმიჯით წარსდგა. მას Oscar De La Renta-ს 9294 ფუნტის ღირებულების კაბა და Christian Louboutin-ის ვარდისფერი, მაღალქუსლიანი ფეხსაცმელი ეცვა.
პრესტიჟული ჯილდოს მოპოვების შემდეგ ტეილორი სცენაზე კვლავ წარსდგა, თუმცა ამჯერად მან საკუთარი ჰიტები, Cardigan, August და Willow ალბომებიდან სახელწოდებით Folklore და Evermore შეასრულა.
https://www.youtube.com/watch?v=KNzHDIEfE90
