დახვეწილი, გემოვნებიანი და მკაცრი სტილი − ეს არის ის მთავარი ნიშა, რომელიც Feminine-ის სამოსს გამოარჩევს. ბრენდი მომხმარებელს მუდმივად ანებივრებს ახალი. ე.წ. კაფსულა-კოლექციებითა და ინდივიდუალურად შექმნილი ტანისამოსით. იგი მუდამ ერთგულ პარტნიორობას გაგიწევთ სხვადასხვა საღამოსა თუ საქმიან შეხვედრებზე. დეტალური ინფორმაციისთვის OK! გაესაუბრა Feminine-ის დამფუძნებელ დედა‑შვილს, ბრენდის მთავარ დიზაინერ ირმა ციქუბაძეს და ბრენდის კრეატიულ დირექტორ გვანცა ხელაშვილს.
გვიამბეთ Feminine-ის შექმნის ისტორია.
Feminine ქალის ტანისამოსის ქართული ბრენდია, რომელიც აწარმოებს ექსკლუზიური დიზაინის ტანსაცმელს და რომლის ინსპირაცია არის ქალი, როგორც პიროვნება და ინდივიდი. „ფემინინის“ კონცეფცია დამყარებულია გამორჩეული ხარისხისა და სტილის სამოსის შექმნაზე, საქმიანი, გემოვნებიანი და ძლიერი ქალბატონებისთვის. ბრენდი სრულად ორიენტირებულია მხოლოდ კაფსულა-კოლექციების წარმოებაზე, რომლის შექმნის იდეა გაჩნდა სულ რაღაც სამი წლის წინ, 2018 წელს. თავდაპირველად, იქმნებოდა საჩვენებელი კოლექციები, რაც უფრო კარგად გამოავლენდა მომხმარებლის ინტერესებს და მოთხოვნებს. ზუსტად ამაზე დაყრდნობით, პირველი სრულყოფილი კოლექცია 2020 წლის იანვარში წარმოვადგინეთ. პანდემიისა და მასთან დაკავშირებული რისკ-ფაქტორებიდან გამომდინარე, ბრენდის წარმოება დროებით შეჩერებული იყო, რადგანაც რთული აღმოჩნდა ადაპტირება ადგილობრივ ბაზართან, თუმცა atelier feminine აგრძელებდა ინდივიდუალურ შეკვეთებზე მუშაობას. შემოდგომიდან უფრო ბევრი იდეითა და გამოწვევით დავიწყეთ ზამთრის კოლექციაზე მუშაობა, რასაც ძალიან მალე წარვადგენთ Feminine-ის შოურუმში.
რა სახის პროდუქციას სთავაზობთ მომხმარებელს?
ჩვენთან წარმოდგენილია ქალის დიზაინერული შარვლები და პიჯაკები, პერანგები, ჩანთები, და უკვე გაზაფხულიდან დაგვემატება სრულიად ახალი სადღესასწაულო კაბების ხაზი მომხმარებელთა მოთხოვნიდან გამომდინარე. Feminine-ის არცერთი მოდელი არ მეორდება, რადგანაც იქმნება მხოლოდ ექსკლუზიური დიზაინის კაფსულა-კოლექციები. ამასთანავე, გარდა ჩვენი წარმოებული პროდუქციისა, მომხმარებელს საშუალება აქვს ისარგებლოს atelier feminine-ით და შეუკვეთოს მისთვის სასურველი ნებისმიერი დიზაინის ტანსაცმელი, რაშიც დაეხმარება ბრენდის დიზაინერი და შეარჩევინებს როგორც სასურველ სტილს, ასევე შესაბამის ქსოვილს.
მთავარი ნიშა, რომელიც „ფემინინს“ გამოარჩევს.
Feminine-ის პროდუქციას ყველაზე მეტად გამოარჩევს ქალური, ფერადი, განსხვავებული და დახვეწილი სტილი. ჩვენი კოლექციები დეტალებზეა ორიენტირებული. ყველა მოდელი ექსკლუზიური დიზაინისაა. დატვირთულია ბევრი ორიგინალური შტრიხით, მათ შორის სხვადასხვა ფორმისა და დიზაინის ნაქარგით, რომელიც ატარებს თავის ისტორიას. ეს კი უფრო მეტ ინდივიდუალიზმსა და მრავალფეროვნებას სძენს სამოსს, რაც ასე მნიშვნელოვანია ქალბატონებისთვის.
სად არის თქვენი პროდუქციის შეძენა შესაძლებელი?
ბრენდის სრული კოლექცია წარმოდგენილია Feminine-ის შოურუმში, სადაც იმავე სივრცეში მდებარეობს Atelier feminine და მომხმარებელს შესაძლებლობა აქვს იხილოს როგორც პროდუქციის წარმოების პროცესი, ასევე შეუკვეთოს მისთვის სასურველი ნებისმიერი დიზაინი. ამასთანავე, გარდა ჩვენი შოურუმისა, შეძენა შესაძლებელია ონლაინ, Feminine-ის Instagram და Facebook-გვერდებიდან, რომლის მიწოდება ხდება „საქართველოს ფოსტის“ დახმარებით ნებისმიერ ადგილზე, მათ შორის საქართველოს ფარგლებს გარეთაც.
სამომავლო გეგმები…
Feminine-ის სამომავლო გეგმებში, საინტერესო და ახალ კოლექციებთან ერთად, აუცილებლად შედის ბრენდის ცნობადობის გაზრდა და პროდუქციის ექსპორტზე გატანა.
საკონტაქტო ინფორმაცია.
მაღაზია − ზ. ფალიაშვილის ქ. 44/5
ატელიე − ზ. ფალიაშვილის ქ. 44/5
Facebook: Feminine • ფემინინი
Instagram: feminine.official
