ჟურნალი OK! გიამბობთ ქართული კომპანიის „ტიტესიას“ შესახებ, რომელიც 2021 წლიდან ხელნაკეთ, სურნელოვან დეკორატიულ სანთლებს აწარმოებს და სთავაზობს საზოგადოებას. აღნიშვნას იმსახურებს ის ფაქტი, რომ პროდუქცია მზადდება მცენარეული ცვილისგან, რომელიც წვის შედეგად არ გამოყოფს მავნე ნივთიერებებს და უზრუნველყოფს ხანგრძლივ და სუფთა წვას. კომპანიას ჩვენი მკითხველისთვის სასიამოვნო სიახლეები აქვს, რომელთა შესახებაც დამფუძნებელ მაშო დათაშვილს ვესაუბრეთ.
„ტიტესია“ პირველად არ არის ჟურნალი OK!-ის ობიექტივში. ამჯერად რა სიახლეებით დაუბრუნდით ჩვენს მკითხველს?
მოგესალმებით! პირველ რიგში მადლობა, რომ ისევ მოგვეცა საშუალება, აუდიტორიას გავაცნოთ ჩვენი კომპანიის საქმიანობა, მიუხედავად იმისა, რომ უკვე ძალიან ბევრი ერთგული მომხმარებელი გვყავს.
ამ ეტაპზე საზოგადოებისთვის ძალიან კარგი სიახლე გვაქვს. დეკორატიულ სანთლებს დაემატა ე. წ. ტერაზო და პოლიმერული თიხისგან დამზადებული დეკორები.
გვიამბეთ თქვენს წარმოებასა და პროცესზე. რისგან მზადდება სანთლები?
„ტიტესიას“ სანთლები, სინთეზირებული პარაფინისგან განსხვავებით, მზადდება მცენარეული ცვილისგან, რომელიც წვის შედეგად არ გამოყოფს მავნე ნივთიერებებს და უზრუნველყოფს ხანგრძლივ და სუფთა წვას.
ამასთან ერთად, თითოეული სანთლის ხელით კეთება მათ ინდივიდუალობას და უნიკალურობას სძენს.
როგორც ვიცით, კომპანია კიდევ უფრო გაფართოვდა და ამჯერად მეტ ლოკაციაზე შეგვიძლია თქვენი ნაწარმის შეძენა. გვიამბეთ ამის შესახებ.
დიახ, რაც შეეხება სიახლებს, მინდა გითხრათ, რომ „ტიტესიას“ პროდუქცია განთავსებულია 7 ლოკაციაზე, სადაც შესაძლებელია ადგილზე ყიდვა, ვინაიდან ამ მხრივ ძალიან დიდი მოთხოვნილება იყო.
როგორია „ტიტესიას“ არომატები?
სურნელები, რა თქმა უნდა, თავბრუდამხვევია. არ მოიძებნება სურნელი, რომელიც არ გვაქვს. ვმუშაობთ მხოლოდ ნატურალურ ზეთებზე, არანაირი შენარევებით, ამიტომ ჩვენს სანთლებს ისეთი არომატები აქვს, რომ მადის აღმძვრელია, რასაც მომხმარებლები ყოველთვის აღნიშნავენ.
რით არის თქვენი პროდუქტი სხვებისგან გამორჩეული?
როგორც უკვე აღვნიშნე, მასალა, რომელსაც სანთლების დასამზადებლად ვიყენებთ, 100%-ით ორგანული მცენარეული ცვილისგან შედგება. ასევე, გვაქვს განსხვავებული მოდელები, რომელიც საქართველოს ბაზარზე არ არის წარმოდგენილი. და, რა თქმა უნდა, „ტიტესიას“ დაუვიწყარი სურნელი, რომელსაც თითოეული სანთელი ატრიალებს.
ძირითადად ვინ არიან თქვენი მომხმარებლები?
ჩვენ ყოველთვის მაქსიმალურად ვცდილობთ, მომხმარებელს მრავალფეროვანი არჩევანი შევთავაზოთ, აქედან გამომდინარე, ყველა ასაკისა და პროფესიის ადამიანი გვწერს და კმაყოფილია ჩვენი პროდუქტით, რაც ყველაზე დიდ სტიმულს მაძლევს. გვყავს არაერთი პარტნიორი კომპანია, რომლებთანაც სისტემატურად ვთანამშრომლობთ სხვადასხვა პროექტსა და ღონისძიებებზე, რასაც დიდი წარმატება და აღფრთოვანება მოჰყვება, რის შედეგადაც მეგობარი კომპანიების რიცხვი არის მზარდი.
როგორია „ტიტესიას“ სამომავლო გეგმები?
„ტიტესია“ სამომავლოდ ძალიან ბევრ სიახლეს გეგმავს.
ერთ-ერთი ყველაზე დიდი მიზანია მომხმარებელს შევუქმნათ მაქსიმალური კომფორტი, სადაც შესაძლებელი იქნება, თვალი ადევნონ პროდუქტის დამზადების პროცესს და შეიძინონ „ტიტესიას“ მიერ წარმოებული ნებისმიერი პროდუქტი.
ასევე წლის ბოლოს კიდევ ერთი პროექტი ჩაეშვება, რომელიც მოიცავს თვით ყალიბების დამზადებას. ახლა უშუალოდ სწავლისა და სხვადასხვა ცდის ეტაპებს გავდივართ, რომელიც კარგად მიმდინარეობს და იმედი გვაქვს, რომ ეს პროექტიც ისევე გაამართლებს, როგორც სხვა დანარჩენი.
