OK! Fashion Book წარმოგიდგეთ ყველასთვის კარგად ნაცნობ ბრენდს Duchi, რომელიც მოგეხსენებათ, პირველად არ არის ჟურნალ OK!-ის ობიექტივში. ბრენდი უკვე მრავალი წელია, რაც ქართულ ბაზარზე წარმატებულად ოპერირებს და საზოგადოებას გამორჩეული აქსესუარების მრავალფეროვან არჩევანს სთავაზობს. გთავაზობთ ინტერვიუს Duchi-ს დამფუძნებელ თემო ყანჩაველთან და მის მეუღლესთან, დიზაინერ ანა ყანჩაველთან, რომლებიც უფრო ვრცლად გვიამბობენ ბრენდის საქმიანობის შესახებ.
თემო, ანა, უპირველესად გვიამბეთ, როდის და როგორ დაგებადათ ბრენდის დაარსების იდეა?
ქართული ბრენდი Duchi უკვე მეშვიდე წელია, რაც ჩვენი ქვეყნის ბაზარზე გამოჩნდა და წარმატებით ოპერირებს. ბრენდის დაარსების იდეა ჩემს მეუღლეს გაუჩნდა, როდესაც ერთ ჩვეულებრივ დღეს გამოხსნა კარადა და თავისი ძველი ქამრისგან შექმნა საყურე. ძალიან ლამაზი გამოვიდა და გადავწყვიტეთ სერიოზულად მოვკიდებოდით ამ საქმეს. თავდაპირველად, მივედით ქართველი დიზაინერების შოურუმში და შევთავაზეთ ჩვენი იდეა, რაც მათთვისაც მისაღები აღმოჩნდა და მას შემდეგ დავიწყეთ მათთან თანამშრომლობა. შემდგომი ეტაპი იყო გაყიდვების გაზრდა, მომხმარებლების მხრიდან პროდუქციაზე მოთხოვნა. დავიწყეთ ახალი თანამშრომლობები და ჩვენი ნამუშევრების საზღვრებს გარეთ გატანა.
გვესაუბრეთ პროდუქციაზე, რომელსაც მომხმარებელს სთავაზობთ.
მომხმარებელს ვთავაზობთ საყურეს, ყელსაბამებს, ბეჭდებს… ეტაპობრივად გადავდივართ ისეთი აქსესუარების წარმოებაზე, რომლებსაც მსოფლიოს ნებისმიერ გამოფენასა თუ Fashion Week-ზე კიდევ უფრო თამამად გავიტანთ, რადგან მოვერგებით იმ სტილსა და თემატიკას, რომელსაც მსოფლიო ბაზარი ითხოვს ამ მიმართულებით. დავამატებთ უფრო კლასიკურ სტილს.
როგორ ფიქრობთ, რა განასხვავებს Duchi-ს სხვებისგან?
მომხმარებელს განსაკუთრებულად იზიდავს ბრენდის ქართული თემატიკა, რომელსაც ყოველთვის ვგრძნობთ და ჩვენი პროდუქციისადმი მოთხოვნაც ამას ადასტურებს.
Duchi არ ჰგავს ბევრი სხვა ბრენდის პროდუქციას, რადგან განსხვავებული სტილი და ნიშა გვაქვს. ინსპირირება ხდება ყოველი დღით, წუთით, მომენტით. არ ვართ მოქცეული ჩარჩოებში, გახლავართ სრულიად თავისუფალნი და ვქმნით იმას, რაც ჩვენ გვსურს. ვფიქრობ, სწორედ ეს ხდის ჩვენს სამკაულებს უფრო საინტერესოსა და ინდივიდუალურს.
რომელ მასალას იყენებთ სამკაულებში?
ჩვენ ძირითადად ვმუშაობთ ვერცხლზე, ოქროზე, თითბერზე. ასევე, ვიყენებთ ნატურალურ მარგალიტს, ბრილიანტსა და ცირკონს.
როგორია ბრენდის ცნობადობა ქართულ ბაზარზე?
სიმართლე გითხრათ, ბოლო რამდენიმე წლის განმავლობაში განსაკუთრებულად გაიზარდა ბრენდის ცნობადობა და მოთხოვნა ჩვენს პროდუქციაზე, რასაც ჩვენი სოციალური ქსელების გამომწერებისა და გაყიდვების რაოდენობაც ადასტურებს.
როგორია ბრენდის სამომავლო გეგმები?
მომავალი წლიდან ვგეგმავთ შოურუმის გახსნას, სადაც წარმოდგენილი იქნება Duchi-ს სრული კოლექცია.
ასევე მინდა აღვნიშნო, რომ საცხოვრებლად გადავედით ქალაქიდან ცოტა მოშორებით – ქალაქგარეთ, სადაც ავაშენეთ სახლი, რომელიც გვაძლევს საშუალებას, ერთი სართული დავუთმოთ ჩვენს ბრენდსა და წარმოებას. გვსურს გავაკეთოთ ისეთი მოსასვენებელი, სადაც ჩვენს მომხმარებლებს საშუალება ექნებათ ყოველ შაბათ–კვირას მოვიდნენ და დაათვალიერონ ჩვენი პროდუქცია.
FB: duchi_official
Insta: duchi_official
Mail: duchisinventionofficial@gmail.com
Tel: 551 11 00 10
დამფუძნებელი: თემო ყანჩაველი
დიზაინერი: ანა ყანჩაველი
