რასთან ასოცირდება შენთვის სახლი?
სახლი ჩემთვის მაინც არის ბავშვობასთან ასოცირებული, ბავშვობაში რომ დროს ვატარებდი სახლში მას შემდეგ არ გამიტარებია.
რომელია შენი საყვარელი ადგილი სახლში და რატომ?
სამწუხაროდ სახლში ვატარებ ცოტა დროს, მაგრამ ყოველთვის ერთი სული მაქვს სახლში როდის დავბრუნდები და ალბათ საძინებელი არის საყვარელი ადგილი იმიტომ რომ ყველაზე მეტად მენატრება და მიყვარს ძილი. შემდეგ გარდერობი, როდესაც მაქვს საშუალება მიყვარს აქ რომ კარგად მოვემზადო ჩემთვის წყნარად, სიმშვიდეში.
რა არის ის რაც სახლში კომფორტს გიქმნის?
ძირითადად ყოველთვის მითუმეტეს ახლა იუთუბიდან გამომდინარე სულ ვმოგზაურობ და ყოველ კვირას სადღაც მიწევს წასვლა, სხვაგან ღამის გათევა, ისეთი რაღაც ის არ მაქვს რომ სადღაც ჩემი მყარი სახლია…
გაქვს თუ არა საყვარელი ფილმი, რომელსაც სიამოვნებით უყურებ დასვენების დროს?
ძირითადად ფრანგული და ამერიკული ძველი ფილმები. ოდრი ჰეპბერნის ფილმები ასევე ბრიჟიტ ბარდოს – ღმერთმა შექმნა ქალი. ჰიჩკოკის ძველი ფილმები – რებეკა იქნება თუ სხვა… ისეთი ფილმები მიყვარს რომელიც ესტეთიურად ლამაზია მშვიდია და ახერხებს რომ მოგწყვიტოს შენი ფიქრებისგან და იგრძნო თავი იმ სამყაროში.
როგორი იქნებოდა შენი ოცნების სახლი?
ჩემი სახლი იქნებოდა სადა, მინიმალისტური და უბრალოდ მყუდრო…
