საყოველთაოდ ცნობილია, რომ ტექნოლოგიების ინდუსტრია არის თანამედროვე ბიზნესის ყველაზე სწრაფად მზარდი სფერო. იგი მოიცავს უამრავ მიმართულებას და განშტოებას, სწორედ ამიტომ საჭიროა განვსაზღვროთ, რომელ მიმართულებებად იყოფა ინფორმაციული ტექნოლოგიები და რის შესწავლა გვსურს, რადგან ყველაფრის ფუნდამენტურად შესწავლა, უბრალოდ შეუძლებელია.
IT შეგვიძლია დავყოთ სამ ძირითად მიმართულებად: Hardware Development, System Software Development, და Application SoftwareDevelopment.
Hardware − ანუ აპარატურა, არის ნებისმიერი სახის ტექნიკა, რომელიც ე.წ. მანქანურ ენაზე მუშაობს, მაგალითად სმარტფონი, ელექტროავტომობილი, პერსონალური ან ლეპტოპ-კომპიუტერი, მეხსიერების მყარი დისკი და უამრავი სხვა ტექნიკა. Hardware Development მოიცავს ამ ტექნიკის გამოგონებას და ფიზიკურად აწყობას.
Application Software – ანუ პროგრამები, არის შედარებით მცირე ზომის, კონკრეტული დავალების გადაწყვეტის პროგრამები, რომლებიც პროგრამული უზრუნველყოფის ბაზაზე მუშაობს და განკუთვნილია საბოლოო მომხმარებლის საჭიროებებისთვის.
System Software − ანუ პროგრამული უზრუნველყოფა, არის მთავარი პროგრამა, რომელიც აპარატურას აძლევს ფუნქციონირების საშუალებას. იგი აკავშირებს Application Software-ს და Hardware-ს ერთმანეთთან. ყოველდღიურობაში ჩვენ ძირითადად 3 პროგრამულ უზრუნველყოფას ვიყენებთ: Windows, Mac OS, IOS, Android.
უპირველესად, უნდა განვსაზღვროთ, რის შექმნა გვინდა − Hardware, System Software თუ Application Software.
მაგალითად, Application Software-ის შექმნის პროცესი სამ ძირითად ნაწილად იყოფა: UI/UX Design, Back-End და Front-End.
UI/UX Designers − ისინი ქმნიან პროგრამის ვიზუალს და მასთან ინტერაქციის სცენარებს.
Back End − არის პროგრამირების ფუნქციური მხარე, რომელიც აკავშირებს პროცესებს მონაცემთა ბაზასა და ინტერფეისს შორის.
Front End − ქმნის, აწყობს პროგრამის ვიზუალურ ნაწილს და საბოლოო მომხმარებელთან ინტერაქციის ინსტრუმენტებს. მაგალითად, ღილაკები, ლინკები, ინტერფეისი და ა.შ.
IT-ინდუსტრია გამოირჩევა უხვი სასწავლო მასალით, რომლის მოძიება ძალიან მარტივია ინტერნეტის საშუალებით. პირადად მე შევისწავლე UI/UX-დიზაინი, რისთვისაც ძირითადად ვიყენებდი YouTube-გაკვეთილებს, ასევე, დეტალურად გავეცანი Apple-ისა და Google-ის UI/UX Design-ის რეკომენდაციებს.
Apple: https://developer.apple.com/design/human-interface-guidelines/guidelines/overview/
Google: https://grow.google/certificates/ux-design/#?modal_active=none
