პოპულარულ ქართულ სერიალში „დოჩის“ როლის შემსრულებელმა მსახიობმა, ნანუკა გულუამ ცოტა ხნის წინ საზოგადოება სასიამოვნოდ გააოცა. Facebook-ზე მან პოსტი განათავსა, საიდანაც ვიგებთ, რომ მსახიობი და ტელეწამყვანი გათხოვდა, მისი რჩეული კი კახაბერ კაშიაა.
„კახაბერ კაშია – არ უყვარს ბევრი ხატოვანი საუბარი მასზე და სულ მიკრძალავს რომ ვაქებ, ჩემი „ოცდაყველა“კი არა „ასყველა“ წელი ღირდა რომ დავლოდებოდი! ძალიან მოვუფრთხილდი რომ ოთხი დღე გადაგიმალეთ :)) მიყვარხართ ყველა და დიდი მადლობა !!! რა კარგია, რომ “როდის თხოვდები” დავასრულეთ“,- წერს გულუა.
აქვე შეგახსენებთ, რომ სერიალ ჩემი ცოლის დაქალებში ნანუკას პერსონაჟი, დოჩი დაოჯახებულია და მისი მეუღლე ტონი ოჩიგავაა, რომელსაც მსახიობი გია სურნავა თამაშობს.
