დიდი ბრიტანეთისა და ჩრდილოეთ ირლანდიის გაერთიანებული სამეფოს მმართველი დედოფალი – ელიზაბეთ II იუბილარია. მონარქი დღეს 95 წლის გახდა. იქიდან გამომდინარე, რომ რამდენიმე დღის წინ პრინცი პილიპის დაკრძალვის ცერემონია გაიმართა, დედოფალი დაბადების დღის სადღესასწაულო ცერემონია გაუქმნა, ელიზაბეტი მნიშვნელოვან დღეს ოჯახის წევრებთან ერთად, მყუდრო გარემოში შეხვდება.
ფილიპისა და ელიზაბეთის ლეგენდალური წყვილი ქორწინებაში 73 წლის განმავლობაში იმყოფებოდა, ისინი გახდნენ პირველები ბრიტანეთის სამეფო ოჯახის ისტორიაში, რომელთაც ერთად ყოფნის 70 წლისთავი აღნიშნეს.
ალბათ, წლების გასვლის შემდეგაც კი უცნობია ბევრი ადამიანისთვის ის ფაქტი, რომ სამეფო ოჯახის ყველაზე პოპულარული წყვილი ერთმანეთისთვის შორეული ნათესავები, კონკრეტულად კი დედოფალ ვიქტორიას შვილთაშვილები არიან.
18 წლის პრინცი ფილიპი ბრიტანეთის სამეფო საზღვაო კოლეჯში კადეტი იყო, როდესაც 13 წლის ელიზაბეთს ქორწილში პირველად შეხვდა. როგორც სამეფო ოჯახთან დაახლოებული წყარო აღნიშნავდა, მომავალ დედოფალს იმჟამინდელი პრინცი ერთი ნახვით შეუყვარდა.
დედოფალ ელიზაბეთზე დასაქორწინებლად პრინცმა ფილიპმა საკუთარ ტიტულზე უარი თქვა. შეყვარებულმა წყვილმა ნიშნობა 1947 წლის ივლისში გამოაცხადა, ურთიერთობა კი იმავე წლის 20 ნოემბერს ვესტმინსტერის სააბატოში ქორწილით დააგვირგვინა.
სამეფო ოჯახთან დაახლოვებული წყაროები ხშირად აღნიშნავდნენ, რომ მონარქის ნაბიჯები მეუღლესთან ერთად წინასწარ გათვლილი, შეთანხმებული და გააზრებული იყო. 1997 წლის 20 ნოემბერს ქორწინების 50 წლის იუბილესთან დაკავშირებით გამართულ წვეულებაზე დედოფალმა ელიზაბეთმა განაცხადა, რომ პრინცი ფილიპი მისთვის მამოძრავებელ ძალას წარმოადგენდა, რომელიც წლების განმავლობაში მის გვერდით იყო.
წარმოგიდგენთ დიდი ბრიტანეთისა და ჩრდილოეთ ირლანდიის გაერთიანებული სამეფოს მმართველის ბევრისთვის აქამდე უცნობ 7 ვინტაჟურ ფოტოს.
