კლინიკა „პი ეს დენტალი“ 2009 წელს გამოჩნდა ქართულ ბაზარზე და მას შემდეგ წარმატებით ოპერირებს, ფეხს უწყობს ყველანაირ ინოვაციას. კომპანიის გუნდი ორიენტირებულია და მუდმივად ცდილობს საქართველოში დანერგოს მსოფლიო თანამედროვე სტომატოლოგიური სიახლეები. ამ და სხვა საინტერესო საკითხებთან დაკავშირებით, OK! Health and Beauty Book „პი ეს დენტალის“ ექიმ-სტომატოლოგ სოფიო ჯინჭარაძეს ესაუბრა.
გვესაუბრეთ გუნდზე.
კლინიკაში მომუშავე ექიმები ჩაბმულნი ვართ უწყვეტი განათლების სისტემაში და მუდმივად ვესწრებით ადგილობრივ თუ ევროპულ და ამერიკულ ლექციებს, მასტერკლასებს − ამჟამად ონლაინრეჟიმში.
ნამდვილად დამეთანხმებიან ჩვენი პაციენტები, რომ ჩვენთან მართლაც მეგობრული და სასიამოვნო გარემოა, რათა თავი კომფორტულად იგრძნონ ექიმთან ვიზიტისას. ყველამ ვიცით, რომ სტომატოლოგთან ვიზიტი იშვიათად მიიჩნევა საყვარელ საქმედ.
რა სახის მომსახურებებს სთავაზობთ მომხმარებლებს?
ჩვენს ერთგულ პაციენტებს ვთავაზობთ სტომატოლოგიური მომსახურების სრულ სპექტრს, მათ შორის: თერაპია, ქირურგია, იმპლანტაცია, პაროდონტოლოგია, ორთოდონტია და ორთოპედია. კლინიკაში ადგილზე მზადდება ციფრული ტექნოლოგიით, თანამედროვე ესთეტიკურ სტომატოლოგიაში მოთხოვნადი e MAX ლითიუმ-დისილიკატის ვინირები.
გვესაუბრეთ ხარისხზე.
თამამად შემიძლია პასუხისმგებლობა ავიღო ჩვენი მომსახურების ხარისხზე. კლინიკა „პი ეს დენტალს“ აქვს საკუთარი სატექნიკო ლაბორატორია „პი ეს ლაბ“, სადაც ახალგაზრდა და ენერგიული ტექნიკოსები ქმნიან იმ ლამაზ, დახვეწილ ღიმილს, რომელსაც ვთავაზობთ ჩვენს პაციენტებს – გერმანული ცირკონოკერამიკისა და მეტალოფაიფურის გვირგვინებს. 10 წელზე მეტია, მუდმივ სიახლეებს ვეძებთ და ვნერგავთ კლინიკაში, ვასაქმებთ ახალგაზრდა და ნიჭიერ ექიმებს.
რომელი პროცედურაა დღესდღეობით ყველაზე მოთხოვნადი?
საზოგადოებაში ძალიან მოთხოვნადი გახდა იმპლანტაცია. დიდი კონკურენციიდან გამომდინარე, ხარისხი გადამწყვეტია.
საქართველოში ხელმისაწვდომია ძალზე ბევრი ტოპ-კლასის იმპლანტი. ჩვენს პაციენტებს ვთავაზობთ მრავალი სახეობის იმპლანტს, მათ შორის მსოფლიო ტოპ-ხუთეულში შემავალ გერმანული წარმოების იმპლანტს – CAMLOG, რომელიც გერმანიაში #1 გაყიდვადი ბრენდია. მალე კიდევ მრავალ სიახლეს შევთავაზებთ ჩვენს პაციენტებს.
„პი ეს დენტალი“ ჯანმრთელობას და ბედნიერ ღიმილს გისურვებთ!
