Peack Design ინტერიერის დიზაინის სტუდიაა, რომელიც მეხუთე წელია მომხმარებელს ინტერიერის დიზაინპროექტის შექმნას და მის რეალიზებას სთავაზობს. მაღალი ხარისხი და ესთეტიკის განსაკუთრებული შეგრძნება მათი მთავარი საავტორო შტრიხია. უფრო ვრცლად კომპანიის უპირატესობებსა და სამომავლო გეგმებზე ჟურნალ OK!-ის მისი დამფუძნებელი ირი ღუღუნიშვილი ესაუბრა.
როგორია peak Design-ის შექმნის ისტორია და რა სთავაზობთ საზოგადოებას?
პროფესიით ვარ ინტერიერის დიზაინერი და ამ სფეროში მრავალწლიანმა გამოცდილებამ გადამაწყვეტინა შემექმნა ჩემი სტუდია, რომელიც მომხმარებელს სრულ დიზაინერულ მომსახურებას შესთავაზებდა.
უპირველესად, Peak design საზოგადოებას სთავაზობს კომფორტულ მომსახურებას, უფრო კონკრეტულად კი აზომვითი ნახაზების მიხედვით სასურველი პროექტის დაგეგმარებასა და მის სისრულეში მოყვანას.
რა არის ის მთავარი ნიშა, რაც ბაზარზე სხვებისგან გამოგარჩევთ?
ინტერიერის დიზაინი დიდ როლს თამაშობს თითოეული ადამიანის განწყობასა და გადაწყვეტილებებზე. Peak design-ის ერთ-ერთი უპირატესობა მომხმარებლის მოთხოვნების მაქსიმალური გათვალისწინებაა. თავის მხრივ, ჩვენი პროფესიონალთა გუნდი დამკვეთს ტრენდულ და საინტერესო იდეებს სთავაზობს.
ეს არის გუნდი, რომელიც ორიენტირებულია ხარისხიან შედეგზე. თითოეული პროექტი ჩვენთვის ახალი გამოწვევაა და შანსი იმისა, რომ უფრო მეტად გავიზარდოთ.
არის შემთხვევები, როდესაც დამკვეთისთვის მისაღებია დისტანციურად, ონლაინმუშაობა. Peak design გუნდი ცდილობს მოერგოს მომხმარებლის მოთხოვნებს და მას მაქსიმალურად მისაღები პირობები შესთავაზოს.
როგორია მუშაობის პროცესი?
მუშაობის პროცესი იწყება ტიხრების დაგეგმარებით, ვიზუალიზაციით, დამკვეთთან შეთანხმებით ავეჯისა და დეკორაციის განლაგებით. ზედამხედველობას ვუწევთ როგორც რემონტის პროცესს, ასევე მასალების შესარჩევ ეტაპს.
რაც შეეხება ხანგრძლივობას, დამოკიდებულია პროექტის მოცულობაზე, სპეციფიკასა და საჭიროებებზე.
როგორც დიზაინერი, რას აქცევთ ყველაზე დიდ ყურადღებას − ფუნქციას თუ ესთეტიკას?
ვფიქრობ, რომ ფუნქცია და ესთეტიკა ერთად უნდა იგრძნობოდეს ინტერიერში.
რას ურჩევდით საზოგადოებას, სანამ ინტერიერის მოწყობას შეუდგებიან?
საზოგადოებას ვურჩევდი, სანამ ინტერიერის მოწყობას დაიწყებენ, აუცილებლად წინასწარ, 2 თვით ადრე დააგეგმარონ ყველა დეტალი. რაც მთავარია, კარგად გაერკვნენ საკუთარ სურვილებში, რა უნდათ და ასევე, არ შეუშინდნენ ახალ იდეებსა და ექსპერიმენტებს.
როგორია Peak Design-ის სამომავლო გეგმები?
გეგმები, რა თქმა უნდა, გრანდიოზული გვაქვს, თუმცა ამ ეტაპზე სიურპრიზად დავტოვებ.
ტექსტი: სოფიო მალანია
ფოტო: ალექსეი სეროვი
