34 წლის როუზი ჰანტინგტონმა გასულ თვეს გაგვიმხილა, რომ მეუღლისგან, ჯეისონ სტეტჰემისგან მეორე შვილს ელოდება. თუმცა ფეხმძიმობა სულაც არ უშლის ხელს წარმატებულ სუპერმოდელს, საკუთარი ბიზნესი აწარმოოს. ახლახანს მან ლონდონში, კერძოდ კი Space NK-ში საკუთარი კოსმეტიკური ბრენდის, Rose Inc-ის მაღაზია გახსნა.
გახსნისთვის მოდელმა მონოქრომული იმიჯი მოიხდინა. მას თეთრი ფერის სამოსი, აბრეშუმის კაბა, თრენჩი და ამავე ფერის მაღალქუსლიანი ფეხსაცმელი ეცვა, რომელსაც ჩანთა და ოქროს აქსესუარები მოარგო.
