Netflix-ის ბოლო დროის ერთ-ერთი ყველაზე გახმაურებული სერიალი “უცნაური ამბები” არის პროექტი, რომელმაც არამარტო Netflix-ის, არამედ ზოგადად კინემატოგრაფიის ისტორიაში არსებული არაერთი რეკორდი მოხსნა. სერიალის ვარსკვლავები, მოზარდი ბავშვები არიან, რომლებიც წლების განმავლობაში ფაქტობრივად მაყურებლის თვალწინ გაიზარდნენ და ჩამოყალიბდნენ. რამდენიმე დღის წინ სერიალის ერთ-ერთმა ყველაზე კაშკაშა ვარსკვლავმა, ნოა შნაპმა განაცხადა, რომ მის პერსონაჟს, უილს ძალიან დაემსგავსა და აღიარა, რომ გეია.
“შიშში 18 წლიანი ცხოვრების შემდეგ, როგორც იქნა ოჯახის წევრებსა და მეგობრებს ვუთხარი, რომ გეი ვარ. მათ კი მხოლოდ ის მიპასუხეს – “ვიცითო”. – როგორც ჩანს, მსახიობის აღნიშვნით, ეკრანზე მიღებული მრავალწლიანი გამოცდილების შემდეგ, საკუთარი პერსონაჟის იდენტობამ დიდი წვლილი ითამაშა ნოას პიროვნების ჩამოყალიბებაში, რაც როგორც მან, ასევე მისმა ოჯახის წევრებმა, მეგობრებმა და საყვარელმა ადამიანებმაც შენიშნეს.
