სილამაზისა და ესთეტიკის ცენტრი „ემ ემ’ს ესთეტიკი“ ის სივრცეა, სადაც თავს იყრის დღესდღეობით მოთხოვნილების მიხედვით ყველაზე აქტუალური პროცედურები, რომლებიც აუცილებელია ნებისმიერი ადამიანისთვის, რათა მუდმივად ლამაზად, ახალგაზრდულად და ჯანსაღად გამოიყურებოდეს. OK! Health and Beauty Book-ი „ემ ემ’ს-ის“ პიარმენეჯერს ანუკა შამუგიას ესაუბრა, რომელმაც უფრო ვრცლად გვიამბო იმ პროცედურების შესახებ, რომლებითაც შეუძლიათ ისარგებლონ მომხმარებლებმა.
გაგვაცანით MM’s Aesthetic Clinique. რამდენი ხანია რაც ბაზარზე ოპერირებს?
კლინიკა ბაზარზე გამოჩნდა 2023 წლის აპრილის თვიდან. „ემ ემ’ს ესთეტიკის“ გახსნამდე ვაკვირდებოდით და ვიკვლევდით ბაზარს, რათა გვცოდნოდა, რომელ პროცედურებზე იყო ყველაზე დიდი მოთხოვნა და რა სიახლე შეგვეძლო შეგვეთავაზებინა მომხმარებლისთვის.
და რა სახის მომსახურებები შესთავაზეთ საზოგადოებას?
პროცედურები, რომლებსაც ჩვენ ვთავაზობთ მომხმარებლებს, არის: ლაზერული ეპილაცია სამსხივიანი უახლესი აპარატით, ბოტოქსი, გელი, პლაზმოლიფტინგი, მეზოთერაპია, მეზოძაფები, ბიორევიტალიზაცია, კონტურული მაკიაჟი და კრიოთერაპია ანუ იგივე მოყინვა. სამომავლოდ ვგეგმავთ დავამატოთ სხვა პროცედურებიც და ჩვენი მომსახურება უფრო მრავალფეროვანი გავხადოთ.
როგორია თქვენი მიდგომები?
„ემ ემ’ს ესთეტიკის“ მთავარი ფილოსოფია არის შინაგანი სილამაზის ასახვა გარეგნობაზე, უსაფრთხოების სრული დაცვითა და მაღალი ხარისხის მომსახურებით.
რატომ უნდა ავირჩიოთ MM’s Aesthetic Clinique?
ჩვენს კლინიკაში დაგხვდებათ ძალიან სასიამოვნო გარემო, პროფესიონალი ექიმები, ულტრათანამედროვე აპარატურა და პრეპარატები. ასევე მუდმივად ვცდილობთ დავგეგმოთ სხვადასხვა ტიპის აქციები და გათამაშებები იმისათვის, რომ ხარისხიანი და კვალიფიციური მომსახურება მეტი ადამიანისთვის იყოს ხელმისაწვდომი. ჩვენი სლოგანიც ამაზე მიუთითებს – „განავითარე შენი სილამაზის პოტენციალი“.
გვესაუბრეთ გუნდზე.
როგორც მოგახსენეთ, გუნდი დაკომპლექტებულია გამოცდილი კადრებით. გვყავს კოსმეტოლოგი, ლაზეროთერაპევტი, ადმინისტრატორი და PR მენეჯერი. უახლოეს მომავალში ვგეგმავთ ესთეტიკური მედიცინის სხვადასხვა მიმართულების დამატებას და ამით ჩვენი გუნდი კიდევ უფრო გაიზრდება.
გვიამბეთ აპარატურასა და პრეპარატებზე, რომლებსაც იყენებთ.
კრიოს აპარატი – არის უახლესი აპარატი. სხვა აპარატებთან შედარებით, პირველ რიგში ხდება ცხიმის +45 გრადუსზე გახურება და მხოლოდ ამის შემდეგ გაყინვა და დაკრისტალება მინუს 10 გრადუსამდე, რაც გვაძლევს 2-ჯერ უფრო ძლიერ შედეგს. მომზადებული ცხიმები უფრო კარგად იყინება. ასევე ამ აპარატს აქვს დამატებითი ფუნქცია RF + კავიტაცია.
კავიტაცია – ჩაკირულ ცხიმებს შლის, RF-ის საშუალებით კი იშლება ლიმფური ჯირკვლები და სხეულიდან გამოიდევნება. ეს პროცედურა ხელს უწყობს კანის ელასტიკურობასა და სიმკვრივეს.
ლაზერული ეპილაცია – ჩვენ გვაქვს 2023 წლის აპარატი, არის 3-სხივიანი. მისი გამოყენება შესაძლებელია ნებისმიერი ფერისა და ტიპის კანზე. პროცედურა უმტკივნეულო და ძალიან ეფექტურია.
რაც შეეხება არაინიექციურ პროცედურებს, როგორიც არის: სახის ზედაპირული თუ ღრმა წმენდა, სახის ნიღბები, სახის მოვლა, სახის მასაჟი და პილინგი.
ვიყენებთ Soskin paris დერმატო-კოსმეტოლოგიურ ხაზს, რომელიც მიმართულია გაახალგაზრდავებისა და კანის ბუნებრივი რეგენერაციის სტიმულაციისკენ.
ეს არის უსაფრთხო, ეკოლოგიურად სუფთა, ნატურალური კოსმეტიკა, რომელშიც გვხვდება 120-ზე მეტი დასახელების პროდუქტი, 5 პროფესიული ხაზი, რათა საშუალება გვქონდეს დავაკმაყოფილოთ ნებისმიერი მომხმარებლის მოთხოვნა.
რაც შეეხება არაინიექციურ პროცედურებს, სახის თუ ტანის, რასაც „ემ ემ’ს ესთეტიკი“ გთავაზობთ, არის სუფთა ჰიალურონით, მინერალებითა და ვიტამინებით გაჯერებული. წარმოდგენილია მსოფლიოს წამყვანი ბრენდები ნებისმიერ ინიექციურ და აპარატურულ პროცედურაზე.
- ბუსტერი
- მეზოთერაპია
- ბიორევიტალიზაცია
- შემავსებელი ფილერი (FullFace)
- პლაზმოთერაპია
- მეზოძაფები
- ლიპოლიტიკი (Fullface, Body)
- მიმიკური ბლოკირება, ტოქსინი (ბოტოქსი)
მოგეხსენებათ, დღეს ძალიან ბევრი კარგი პრეპარატი არსებობს, რაც საშუალებას აძლევს მომხმარებელს, მრავალფეროვანი არჩევანი ჰქონდეს. ჩვენი კლინიკა სთავაზობს შემდეგი ქვეყნების პრეპარატებს: კორეა, იტალია, ესპანეთი, საფრანგეთი, შვეიცარია.
გაგვიზიარეთ თქვენი სამომავლო გეგმები.
სამომავლოდაც მრავალფეროვანი გეგმები გვაქვს. გვინდა ხალხი გვიცნობდეს არა მხოლოდ თბილისში, არამედ საქართველოს ყველა დიდ ქალაქში. ასევე გვსურს მომხმარებელს შევთავაზოთ სხვა მომსახურებებიც, როგორიცაა მასაჟი, მაკიაჟი და ფოტოგაახალგაზრდავება. ჩვენთან შექმნილი კომფორტული, სალონური გარემო საშუალებას მისცემს მომხმარებელს, სასიამოვნოდ გაატაროს დრო მეგობართან ერთად და ამავდროულად ჩაიტაროს მნიშვნელოვანი პროცედურები.
