თუ გსურთ დატკბეთ ზღვისა და მთის შთამბეჭდავი ხედებით, მშვიდ და კომფორტულ გარემოში გაატაროთ დასვენებისათვის განკუთვნილი დრო, აუცილებლად უნდა ეწვიოთ სასტუმროს „Miramar Luxury Residence” სადაც ყველა პირობაა შექმნილი იმისათვის, რომ დაუვიწყარი შთაბეჭდილებებით დაბრუნდეთ სახლში და მეტი ენერგიით გააგრძელოთ საქმიანობა. OK! ბათუმთან ,,Miramar Luxury Residence” სერვისებსა და უპირატესობებზე, სასტუმროს გენერალურმა მენეჯერმა ელენე დემჩენკომ ისაუბრა.
-რამდენი წელია ხართ ბაზარზე და რა სერვისს სთავაზობთ მომხმარებელს?
სასტუმრო ,,Miramar Luxury Residence”სტუმრებს მომსახურეობას სთავაზობს 2021 წლის 31 დეკემბრიდან. სასტუმრო მდებარეობს ჰილტონ ბათუმის გვერდით ბელევიუ რეზიდენსის შენობაში, მოიცავს 54 სასტუმრო ოთახს: ლუქსს და აპარტამენტის ტიპის ოთახს ( მე-11 დან მე-14-ე სართულის ჩათვლით). შენობაში სრულადაა დაცული საერთაშორისო სტანდარტებით გათვალისწინებული სახანძრო უსაფრთხოების ნორმები. ოთახებიდან თქვენს თვალწინ იშლება შავი ზღვისა და ქალაქის შთამბეჭდავი ხედები. რაც შეეხება დამატებით სერვისებს, ჩვენს სტუმრებს ეძლევათ საშუალება ისარგებლონ სასტუმრო ჰილტონის სერვისებით, როგორიც არის სპა პარკინგი და სარესტორნო მომსახურეობა.
რატომ უნდა გააკეთონ არჩევანი თქვენს სასტუმროზე, რა გამოგარჩევთ?
სასტუმროს ადგილმდებარეობა, დაუვიწყარი ხედები, უზარმაზარი პანორამული ვიტრაჟები, აივნები გარე ავეჯით, სტუმარზე ორიენტირებული გარემო და დახვეწილი ინტერიერი, გარემოს ხდის კომფორტულს და განაპირობებს დაუვიწყარ დასვენებას.
პანდემიის პერიოდის შემდეგ, როგორი სეზონი გქონდათ?
ფაქტობრივად პანდემიის დროს გაიხსნა სასტუმრო, რაც იყო ცოტა სარისკო და აროპროგნოზირებადი, თუმცა სეზონმა ყველანაირ მოლოდის გადააჭარბა და სასტუმრომ სრული დატვირთვით იმუშავა.
კონკურენტუნარიან გარემოში, რომ მოიპოვო მომხმარებლის ნდობა, საჭიროა?
სტაბილური და უსაფრთხო გარემო, ინდივიდალური მიდგომა, სწორი კომუნიკაცია, პრობლემების დროულად გადაჭრა, შეთავაზებული სერვისებით მოლოდინის გადაჭარბება – ნდობის უპირობო საწინდარია.
სასტუმროს მდებარეობა ალბათ განსაკუთრებულ ყურადღებას იწვევს უცხოელ სტუმრებში, როგორია მათი შეფასებები…
იცით, ძალიან სასიამოვნოა სტუმრების რეაქცია, როდესაც ისინი ვერ მალავენ აღფრთოვანებას, იმდენად უნიკალურია სასტუმროს მდებარეობა, შეუძლებელია დარჩე გულგრილი.ზღვის და ქალაქის პანორამული ხედები იშლება ყველა ოთახიდან, მზის დაისი, მთები, კაშკაშა ბათუმი თავისი ისტორიული რვაფეხათი, დელფინარიუმი თავისი შოუებით, 26 მაისის პარკის და ტბის ულამაზესი ხედები და ეს ყველაფერი ტოვებს დაუვიწყარ კვალს ჩვენს სტუმრებში, რაც მათი უკან დაბრუნების გარანტიაა.
