6 მაისს ბრიტანეთის სამეფო ოჯახის უმცროსი წევრი – პრინცი არჩი იუბილარი გახლდათ! ორი წლის იუბილე მშობლებმა პატარა პრინცთან ერთად კალიფორნიაში მდებარე სახლის ეზოში აღნიშნეს და სოციალურ ქსელებში არჩის რამდენიმე ფოტოც გამოაქვეყნეს.
გამომდინარე იქიდან, რომ წყვილი არაერთ საქველმოქმედო საქმიანობაშია ჩართული, ამ დღესაც არ ჩაუვლია გამორჩეული დეტალის გარეშე. საქმე ორგანიციას “Make Give Live” ეხება, რომელიც შემდეგი სქემით მუშაობს – “იყიდე ერთი – გაეცი ერთი”, შესაბამისად, აქ შეძენილი თითოეული ნივთით მყიდველი იმავე ნივთს ფაქტობრივად უსასყიდლოდ გადასცემს საჭიროების მქონე ბავშვსაც.
შესაბამისად, მეგან მარკლმა და პრინცმა ჰარიმ 200 ცალი იდენტური ქუდი იყიდეს, რის გამოც ფონდმა მათ მადლობა საჯაროდ გადაუხადა,
“მადლობა ჰარისა და მეგანს, რა თქმა უნდა, არჩისაც მათი ფაფუკი ქველმოქმედებისთვის – მათი წყალობით 200 ცალი ქუდი ჩვენს მეგობრებს გადაეცემათ დედამიწის სხვა ნაწილში – ახალ ზელანდიაში,”- ნათქვამია განცხადებაში.
