„მედ დიაგნოსტიკა“ ამიერკავკასიაში ერთ-ერთი ყველაზე დიდი ცენტრია, სადაც ყველა სახის ლაბორატორული კვლევაა შესაძლებელი. ლაბორატორიები, რომლებიც ეროვნული სტანდარტით არის მოწყობილი, მომხმარებელს სთავაზობს ონკოლოგიურ კვლევებს, დაავადებისა და განწყობების დიაგნოსტირებას. აქ მაღალ ხარისხს ქმნის პროფესიონალი გუნდი. კვლევები ტარდება უახლესი აპარატურით, რომელიც მსოფლიო ჯანდაცვის ორგანიზაციის მიერ არის რეკომენდებული და სერტიფიცირებული. „მედ დიაგნოსტიკაში“ მოსულ თითოეულ ადამიანს დახვდება თბილი გარემო და მათ მოთხოვნებზე ორიენტირებული მომსახურება. OK! გთავაზობთ ინტერვიუს იმ თანამშრომლებთან, რომლებიც დღემდე ერთგულად ემსახურებიან „მედ დიაგნოსტიკას“ და მუდმივად ზრუნავენ გუნდის კარიერულ განვითარებაზე.
ნათია ცაბუტაშვილი – დამფუძნებელი, გენერალური დირექტორი
მე ვარ „მედ დიაგნოსტიკის“ გენერალური დირექტორი. ჩემთვის მნიშვნელოვანი პრინციპი და ბრენდის ფილოსოფია გახლავთ ღირებულებაზე დაფუძნებული ადამიანის სიცოცხლე და ჯანმრთელობა. მთავარი არსი, რის გამოც „მედ დიაგნოსტიკა“ შეიქმნა, იყო საქართველოში დნმ-ზე და რნმ-ზე დაფუძნებული კვლევების დანერგვა. აქამდე მსგავსი ანალიზები საზღვარგარეთ იგზავნებოდა, რაც დიდ თანხებთან იყო დაკავშირებული და ბევრი დრო სჭირდებოდა ბიოლოგიური მასალის ტრანსპორტირებას, ახლა კი ამ გამოკვლევების ჩატარება ჩვენთან მოკლე დროში და შეღავათიან ფასად არის შესაძლებელი. გუნდის იდეა იყო ის, რომ საქართველოში შექმნილიყო სერვისი, რომელიც ხელს შეუწყობდა სხვადასხვა მიმართულებას და ეს გახლდათ ეკონომიკისთვის მნიშვნელოვანი ხელშემწყობი ფაქტორი. სამომავლოდ, ვგეგმავთ უფრო გაფართოებას და საერთაშორისო ბაზარზე გასვლას.
და რაც მთავარია – სწორი დიაგნოსტიკა ადამიანისთვის სასიცოცხლოდ მნიშვნელოვანია. თუ იცი გზა, რომელზეც უნდა იარო, ყველა დაბრკოლებას გადალახავ.
თამუნა ასანიძე – სამედიცინო მიმართულების დირექტორი
2 წელზე მეტია, რაც „მედ დიაგნოსტიკის“ სამედიცინო მიმართულების დირექტორი ვარ. მუშაობის დროს ჩემი ძირითადი პრინციპია ის, რომ კომპანია იყოს კიდევ უფრო წარმატებული, რისთვისაც აუცილებელია თავდაუზოგავი მუშაობა, კეთილგანწყობილი ურთიერთობა თანამშრომლებთან და მოტივირებული გუნდი. ყოველივე ამის არსებობის შემთხვევაში, წარმატება გარდაუვალია. თბილისის გარდა, ლაბორატორიები გვაქვს სხვადასხვა რეგიონში. ჩვენთან კვლევების ჩატარება შესაძლებელია, როგორც ადგილზე, ისე გამოძახებისა და დრაივ-სერვისის მეშვეობით. ასევე აღსანიშნავია ის, რომ გენეტიკური დიაგნოსტიკა პანდემიამ უფრო პოპულარული გახადა და ჩვენი გუნდი მომზადებული შეხვდა „კოვიდ“-პანდემიას.
ლევან არჯევანიძე – გენერალური დირექტორის მოადგილე
2 თვეა, რაც „მედ დიაგნოსტიკის“ ჯგუფს დირექტორის მოადგილის ამპლუაში შევუერთდი. აქტიურად ვმონაწილეობ კომპანიის განვითარებისა და სტრატეგიის დაგეგმვაში. ყველაზე მეტად რაც ამ დიაგნოსტიკურ კლინიკაში მომწონს, არის განვითარებისკენ მუდმივი სწრაფვა, შედეგზე ორიენტირებულობა და მომხმარებლის ინტერესების გათვალისწინება. აქ მოსული თითოეული ადამიანი იგრძნობს ჩვენთან არსებულ მეგობრულ გარემოს, თანამშრომლებს შორის კარგ ურთიერთობას და მათდამი კეთილგანწყობას, რითაც ჩვენი მიზნები უფრო მარტივად მიიღწევა. ლაბორატორია მუშაობს რამდენიმე მიმართულებით და ახორციელებს ყველა სახის ლაბორატორიულ და გენეტიკურ კვლევას. შეგიძლიათ 200-ზე მეტი სხვადასხვა კვლევის ჩატარება.
გიორგი კაკაბაძე – საოპერაციო დირექტორი
წელიწად-ნახევარია, რაც „მედ დიაგნოსტიკის“ საოპერაციო დირექტორი ვარ. ჩემ ძირითად პრინციპად მივიჩნევ ოპერატიულობას, უშუალო გარემოს და ოჯახურ სიტუაციას, რაც მუშაობის პროცესს სასიამოვნოს ხდის. ვინაიდან „მედ დიაგნოსტიკა“ ჯერ კიდევ განვითარების ეტაპზეა, დაგვიგროვდა არაერთი საინტერესო გეგმა. აღსანიშნავია ისიც, რომ „კოვიდ“-პანდემიიდან გამომდინარე, ბევრი სხვადასხვა მიმართულებით განვვითარდით. კერძოდ, შევცვალეთ მომსახურების სტილი და აქტიურად ჩავერთეთ „კოვიდ-19“-თან დაკავშირებული გამოკვლევების პროცესში.
დავით კაკაბაძე – სტრატეგიული განვითარების დირექტორი
2 წელზე მეტია, რაც „მედ დიაგნოსტიკის“ ჯგუფს შევუერთდი სტრატეგიული განვითარების დირექტორის პოზიციაზე. ჩემი ძირითადი პრინციპია საქმისადმი ერთგულება, კოორდინირება თანამშრომლებთან და გუნდთან ერთად ეფექტურად მუშაობა. ჩვენ მუშაობა გვიწევს კონკურენტუნარიან გარემოში, თუმცა მოტივაციას გვაძლევს გუნდური გარემო. ჩვენი ლაბორატორია მუშაობს 24 საათის განმავლობაში. გვყავს 70 პროფესიონალი ეპიდემიოლოგი, ასევე, მოლეკულური ბიოლოგები, გენეტიკოსები, ქიმიკოსები, რომლებსაც მსოფლიოს სხვადასხვა ქვეყანაში აქვთ განათლება მიღებული.
