რუბრიკა OK! ბავშვობის სტუმარია ყველასათვის საყვარელი მოდელი და ტელეწამყვანი მარიამ სანოგო. ვარსკვლავი OK!-თან ბავშვობის ყველაზე გამორჩეულ მოგონებებზე ისაუბრებს.
View this post on Instagram
© Instagram: Mariam Sanogo (@msanogo)
როგორი ბავშვი იყავით?
ძალიან ენერგიული, ცნობისმოყვარე და კომუნიკაბელური
საყვარელი მოგონება ბავშვობიდან
ოჯახური ტრადიცია გვქონდა, უქმეებზე ქალაქიდან გავდიოდით, სხვადასხვა ადგილებს ვათვალიერებდით და ბუნებაში ვსეირნობდით. ამ დროს ჩემთვის ბავშვობის საუკეთესო მოგონებები იქმნებოდა.
ყველაზე უსიამოვნო მოგონება
6-7 წლის ვიყავი, როდესაც ქუჩაში დედაჩემს უთხრეს ჩემზე რა ლამაზი ბიჭიაო, ძალიან განვიცადე.
ერთი მხიარული ამბავი
უამრავი სასაცილო მოგონება მაქვს ბავშვობიდან, ჩემი სიცელქიდან გამომდინარე, თუმცა, ეხლა მეცინება იმაზე, რომ მე და ჩემი მეგობარი 13-14 წლის ასაკში კიდევ ვთამაშობდით სათამაშოებით და ბარებით. დღეს ეს ყველაფერი ამ ასაკის თინეიჯერებისთვის ალბათ წარმოუდგენელია.
View this post on Instagram
საყვარელი სათამაშო
“კაჟო” იყო ფუმფულა მაიმუნი, რომელიც ძალიან მიყვარდა და დღემდე შენახული მაქვს.
საყვარელი შინაური ცხოველი
ჩემი დიდი ოცნება იყო ძაღლის ყოლა, თუმცა სახლში ყველა წინააღმდეგი იყო, ამიტომ დამოუკიდებელი ცხოვრების პირველივე კვირას ძაღლი მოვიყვანე.
ბავშვობის შიში და უცნაური ფობია
შიშები და ფობიები არ მქონდა. სტანდარტულად, სიბნელე არ მიყვარდა
სკოლა და მასწავლებლები
ძალიან ნათლად მახსოვს სკოლის პირველი დღე და პირველი დავალებების დაწერის სიხარული. დაწყებით კლასებში განსაკუთრებით მიყვარდა სკოლა. ძალიან მონდომებული ვიყავი სწავლაში და სხვა აქტივობებში. ქართული ენის გაკვეთილი განსაკუთრებით მიყვარდა. სწავლის ბოლო წლები ნაკლებად მხიბლავდა.
ბავშვობის ოცნება
ასაკის მიხედვით ოცნებები მეცვლებოდა, თუმცა, მახსოვს, რომ 5-6 წლის ასაკში ბალერინობაზე ვოცნებობდი.
რას ეტყოდი თინეიჯერ მარიამს
15 წლის ჩემს თავს ვურჩევდი, რომ გულთან ნაკლებად მიეტანა სხვადასხვა საკითხები. დღეს ძალიან მეცინება ჩემი მაშინდელი განცდების მიზეზებზე, მაგრამ ძალიან ვამაყობ 15 წლის მარიამით. ყოველთვის გამოვხატავდი ჩემს აზრს, ზოგჯერ ხისტიც კი ვიყავი, მაგრამ ძალიან პრინციპული და თავისუფალი და დღემდე ვცდილონბ ეს არ დავკარგო.
ბავშვობაში როგორ წარმოიდგენდით საკუთარ მომავალს და რამდენად ემთხვევა მაშინდელი წარმოდგენა დღევანდელობას?
ბევრად მრავალფეროვანი, სიურპრიზებით სავსე და საინტერესო აღმოჩნდა ცხოვრება, ვიდრე წარმომედგინა და ამით ძალიან ბედნიერი ვარ.
