ახალგაზრდა მომღერალი, მარიამ კოტრიკაძე, რომელიც ბავშვობიდან სცენაზე დგას და საკონკურსო ცხოვრების ძალიან დიდი გამოცდილება აქვს, ბერძნულ ვოისში შემთხვევით აღმოჩნდა – არ იცოდა, ისე შეუვსო მეგობარმა აპლიკაცია „The Voice Greece“-ში, თუმცა შემდეგ თავად იყოჩაღა, სიმღერა “Natural Woman (You make me feel like) შესანიშნავად შეასრულა, სცანეზე ცეცხლი დაანთო და ჟიურის სამი წევრი შემოაბრუნა.
„The Voice of Greece“-ის შემადგენლობაში შედიან: პანოს მუზურაკისი, ქრისტოს მასტორასი, გიორგოს მაზონაკისი და ელენა პაპარიზუ. მარიამმა მენტორად პანოს მუზურაკისი აირჩია.
„ჩემო ძვირფასო მეგობრებო და გულშემატკივრებო, მინდა გაცნობოთ ჩემი ახალი გამოწვევის შესახებ, რომელიც უკავშირდება საბერძნეთის The Voice of Greeceს. ეს მოგზაურობა ძალიან ემოციური და განსაკუთრებულია. თქვენი მხარდაჭერა ძალიან მნიშვნელოვანია. ეს მხოლოდ დასაწყისია“.
„მე მარიამ კოტრიკაძე ვარ – ვმონაწილეობ „The Voice Greece“-ში. გამოვაქვეყნე ახალი ვიდეო და ძალიან გამიხარდება, თუ თქვენს გვერდზე განათავსებთ. ახლა ყველაზე მეტად მჭირდება თქვენი და ქართველების გვერდში დგომა“ – მიმართავს მარიამი გულშემატკივრებს.
