OK! Decor Book ძალიან საინტერესო კომპანიის შესახებ გიამბობთ, რომელიც ინტერიერის არქიტექტურულ დეტალებს აწარმოებს და თამამად შეიძლება ითქვას, რომ ერთ-ერთი ლიდერი ბრენდია ევროპაში ამ მიმართულებით. მაშ ასე, წარმოგიდგენთ Mardom Decor-ს, რომლის პროდუქციაც პოლონეთში იწარმოება.
განვითარების პროცესში თბილისში შეიქმნა აღნიშნულ ბრენდზე მიძღვნილი მონობრენდული შოურუმი – Mardom Decor Georgia. მისი საგამოფენო სივრცე მდებარეობს ლისზე, მუხრან მაჭავარიანის 7 ნომერში.
შოურუმის მოწყობა მიმდინარეობს ეტაპობრივად. პირველი ნაწილი, რაც მოიცავს ძირითადი კედლების გამოფენას, დასრულდება წლის ბოლომდე, ხოლო მეორე ნაწილი, რომელიც მოიცავს დამატებითი საგამოფენო კედლების აღმართვას, განხორციელდება მომავალ სეზონზე და მიეძღვნება ახალ კოლექციებს, რომლებიც მუდმივად იქმნება Mardom Decor-ის გუნდის მიერ.
რაც ეხება კონკრეტულად Mardom Decor-ის პროდუქციას, მისი შეძენა შესაძლებელია აღნიშნულ მისამართზე არსებულ შოურუმში. მოთხოვნების გათვალისწინებით, სისტემატურად ახლდება საქართველოში არსებული სასაწყობო მარაგები, უახლესი მოდელებით. შესაბამისად, პროდუქციის მიწოდება შესაძლებელია უმოკლეს ვადებში, როგორც ქ. თბილისში არსებული საწყობიდან, ასევე სპეცშეკვეთის შემთხვევაში უშუალოდ Mardom Decor-ის ქარხნიდან.
როგორც წესი, შოურუმში შესაძლებელია მომხმარებელმა მიიღოს კვალიფიციური კონსულტაცია მასალების გამოყენებასთან დაკავშირებით.
რაც შეეხება მასალებს, რომლისგანაც მზადდება Mardom Decor-ის პროდუქცია – PolyForce®️ არის მაღალი სიმკვრივის ეკოლოგიური მასალა, გამოირჩევა მექანიკური ზემოქმედების მიმართ მდგრადობით.
ProFoam®️- პოლიურეთანი, მკვრივი, ამავდროულად მსუბუქი მასალაა, რომელიც იძლევა ორნამენტებისა და ჩუქურთმების ჩამოსხმის საშუალებას.
ისეთი უპირატესობები, როგორიც არის: მასალებში გამოყენებული დამატებითი ტექნოლოგიური პროცესები და დანამატები, პროდუქციას პრემიალურ ხარისხს ანიჭებს. ასეთებს მიეკუთვნება ტექნოლოგია ScratchShield®️ (დამატებითი გამკვრივება), LightGuard®️ (დანამატი, რომელიც ნაკეთობას შუქგაუმტარს ხდის. გამოიყენება ლენტური განათების პროფილებში). ნაკეთობები მზადდება მაღალი ხარისხის ევროპული სტანდარტების მოთხოვნების დაცვით.
OK! შოურუმის დიზაინერს, ლადო ბერიძეს ესაუბრა: „მიუხედავად იმისა, რომ „მარდომ დეკორის“ კოლექციის უმეტესი ნაწილი ასოცირდება კლასიკურ სტილისტიკასთან, ეს საერთოდ არ ნიშნავს, რომ არქიტექტორი ან დიზაინერი შეზღუდულია სხვა მიმართულებით იდეების გენერირებაში.
თუ უფრო მეტად ჩავუღრმავდებით და შევისწავლით მათ პროდუქტს, ჩვენ წინაშე წარმოჩინდება ფორმების უსაზღვრო კალეიდოსკოპი, რომელიც საშუალებას იძლევა, ნებისმიერი სტილის ინტერიერი მოვაწყოთ ისე, როგორც მოგვესურვება.
Mardom Decor Georgia-ს შოურუმის შექმნის პროცესში, სწორედ ამ მიდგომამ განაპირობა, რომ მეტი თავისუფლება გვქონოდა ჩვენი იდეების რეალიზებაში“.
Mardom Decor გთავაზობთ პროდუქციის სამოდელო ხაზის ფართო ასორტიმენტს – პლინტუსებს, მოლდინგებს, კარნიზებს, კედლის პანელებს, LED განათების პროფილების მრავალფეროვან არჩევანს. ასევე მულტიფუნქციონალურ პროფილებს.
კომპანია Mardom Decor Georgia-ს მუშაობის სპეციფიკა მოიცავს თანამედროვე ინოვაციური მასალების წარდგენას ქართულ ბაზარზე, მიისწრაფვის მაღალი დონის სერვისის მიწოდებისკენ ხარისხიანი და ესთეტიკური ინტერიერების შექმნით დაინტერესებულთათვის.
მისამართი: მუხრან მაჭავარინის 7 (ლისი),
+995 595 97 99 88
Instagram: mardomdecor_georgia
Facebook: facebook.com/mardomdecorgeorgia/
