დასვენებისთვის დროის გამოყოფა არასდროს არის ურიგო, განსაკუთრებით კი დღევანდელ რეალობაში, როდესაც ყველა ფიზიკურად თუ მორალურადაა დაღლილი. OK! გიამბობთ იმ სასტუმრო კომპლექსის შესახებ, რომელიც რელაქსაციისთვის ფართო არჩევანს გთავაზობთ.
Magnika Resort & Spa მდებარეობს შეკვეთილში, კერძოდ კი კაპროვანში. აქ დასვენებას განსაკუთრებით კომფორტულს ხდის კომპლექსის გამორჩეული არქიტექტურა, დახვეწილი დიზაინი და უმაღლეს სტანდარტებს მორგებული მომსახურება. აღნიშნული სასტუმროს ღირებულებათაგან უმნიშვნელოვანესია რბილი კლიმატი და კომპლექსის მდებარეობა – სამკურნალო მაგნიტური სანაპირო.
Magnika Resort & Spa-ში ჩამოსულ დამსვენებლებს დახვდებათ თანამედროვედ აღჭურვილი კომფორტული ნომრები; რესტორანი, რომელშიც წარმოდგენილი იქნება ქართული და ევროპული კერძების ფართო ასორტიმენტი; 40-მეტრიანი საცურაო აუზი თავისი გათბობის სისტემით; საცურაო აუზი ბავშვებისთვის; Pool ბარი; ველო/სარბენი ბილიკი; მოსასვენებელი ზონა (ჰამაკები, პუფები); ფიტნეს დარბაზი; გასართობი სივრცეები ყველა ასაკისა და გემოვნების სტუმრისთვის (მაგიდის ჩოგბურთი, სანაპირო ფრენბურთი, საბავშვო სასრიალოები); მყუდრო და ეკოლოგიურად სუფთა გარემო.
აღსანიშნავია, რომ Magnika Resort & Spa იკავებს 11 ჰექტარ ულამაზეს ფიჭვნარსა და 400 მეტრ შავ ქვიშიან სანაპიროს, 34% მაგნეტიტის შემადგენლობით, რომელსაც აქვს სამკურნალო-გამაჯანსაღებელი მაგნიტური თვისებები. ყოველივე ეს კი იძლევა შესაძლებლობას დასვენებასთან ერთად დატკბეთ ულამაზესი ხედებით, რაც თავის თავში ჯანმრთელობაზე ზრუნვასაც მოიაზრებს.
მნიშვნელოვანია ისიც, რომ Magnika Resort & Spa ერთ-ერთი პირველია კერძო სექტორში, რომელსაც ავტოსადგომის ფუნქციის შეთავსებით, ყველაზე მასშტაბური მზის ელექტროსადგური აქვს. პროექტის ფარგლებში კი იგეგმება სასტუმრო კომპლექსის განვითარება, რაც მოიაზრებს დამატებით 120-ნომრიან ველნეს სპა სასტუმროს, 20 „ლაქშერი“ ვილასა და საერთაშორისო სტანდარტების ბუნგალოს სანაპიროზე.
აღსანიშნავია ისიც, რომ პროექტი მნიშვნელოვან როლს ასრულებს რეგიონში ტურიზმისა და ეკონომიკის განვითარების კუთხით.
ტექსტი: მარიამ მთივლიშვილი
