OK! გიამბობთ „კოტონის“ შესახებ. მისი ისტორია 1988 წელს სტამბოლიდან იწყება, რომელიც თურქი ცოლ-ქმრის მიერ 25 კვ.მ ფართის მქონე მაღაზიის გახსნით დაიწყო. დღესდღეობით, „კოტონს“ 500 მაღაზია აქვს თურქეთსა და მის გარეთ, რომელიც 28 ქვეყანაშია წარმოდგენილი. წელიწადში 60 000 პროდუქტს აწარმოებს და 250 მილიონ მომხმარებელს ემსახურება ყოველწლიურად.
პროდუქცია მოიცავს ქალის, მამაკაცისა და ბავშვის ტანსაცმელსა და აქსესუარებს. თითოეული მაღაზიის მინიმალური ფართი 800 კვ.მ-ია. ყველაზე დიდი მაღაზია საქართველოში, პეკინის 4 ნომერშია წარმოდგენილი (2000 კვ.მ). ასევე, დიდი მაღაზიები გვაქვს ქუთაისსა და ბათუმში. სეზონური მაღაზიების გარდა, თბილისში 2 აუთლეტი გვაქვს, რომელიც „გლდანი მოლსა“ და „ქარვასლას“ სავაჭრო ცენტრებშია გახსნილი. ტანსაცმელი მოიცავს თითქმის ყველა კატეგორიას, ესენია: ყოველდღიური, თავისუფალი სტილი, ბიზნესსტილი, სპორტული, თინეიჯერული და სადღესასწაულო კოლექცია.
„კოტონისთვის“ ყველაზე მეტად დიზაინერის ხაზია საინტერესო, რომელიც ყოველწლიურად სხვადასხვა თურქ დიზაინერთა მიერ არის წარმოდგენილი „კოტონის“ დიდ მაღაზიებში. ასევე, წლის განმავლობაში იქმნება სხვადასხვა სახის პროექტების პროდუქცია: ლიცენზირებული, გმირებით, „დააფასე სიცოცხლე“, ცხოველების მოყვარულთა თუ სხვა, რაც მრავალ თემატიკას მოიცავს და ძალიან საინტერესო კოლექციებით არის წარმოდგენილი. ყველა პროექტს თავისი აღმნიშვნელი სტიკერი აქვს იარლიყზე, რათა ადვილად გასაგები იყოს მომხმარებლისთვის.
პროდუქციის ხარისხი სავსებით დამაკმაყოფილებელია და ასევე, ჩვენთან მრავლად არის წარმოდგენილი ყოველდღიური სტილის 100%-იანი ბამბა და ბუნებრივი ქსოვილით დამზადებული მაისურები თუ შიდა მოხმარების პროდუქცია. განსაკუთრებით გვინდა აღვნიშნოთ ბავშვისა და ჩვილის ხაზი, რომლებიც საკმაოდ მაღალი ბიოხარისხია.
რაც შეეხება ფასებს, ძალზე მისაღები და ხელმისაწვდომია ყველა ფენისთვის. ფასდაკლებები წელიწადში ორივე სეზონს ეხება და ეტაპობრივად იგეგმება, რაც გულისხმობს თავიდან 50%-მდე და შემდეგ 70%-მდე ფასდაკლებას. ამჯერად მაღაზიებში ზაფხულის კოლექციაზე გვაქვს 70%-მდე ფასდაკლება და ასევე, შუასეზონური, 30%-იანი ფასდაკლება. ხშირად ვაწყობთ სხვადასხვა აქციას სადღესასწაულო დღეებში.
თამამად შეგვიძლია გითხრათ, რომ „კოტონი“ არის ადგილი, სადაც ყველაფერი ერთადაა თავმოყრილი მთელი ოჯახისთვის და ყველა სახის გემოვნებიან მყიდველს დააკმაყოფილებს როგორც ხარისხით, ასევე ფასებითა და დიდი არჩევანით.
