„ერთ-ერთი ყველაზე განსაკუთრებული ნიჭით დაჯილდოებული და წარმატებული მუსიკოსი ამერიკის ისტორიაში“ – სწორედ ასე მოიხსენიებენ ხოლმე ლეგენდარულ კომპოზიტორს, დირიჟორსა და მუსიკის ლექტორს ლეონარდ ბერნსტაინს, რომელსაც ნეტფლიქსის ახალ ფილმში Maestro ამერიკელი მსახიობი და რეჟისორი ბრედლი კუპერი განასახიერებს.
მიუხედავად იმისა, რომ ფილმის თრეილერი საზოგადოებას ჯერ არ უნახავს, ფილმის გადასაღები მოედლიდან გავრცელებულმა უახლესმა კადრებმა მაყურებელზე წარმოუდგენელი შთაბეჭდილება მოახდინა.
47 წლის ვარსკვლავმა სამსახიობო ოსტატობის, შემოქმედებითი ჯგუფისა და ნიჭიერი makeup არტისტების დახმარებით იმდენად კარგად მოირგო ლეონარდ ბერნსტაინის როლი, რომ მისი ცნობა თავად ბრედლი კუპერის გულშემატკივრებისთვისაც კი რთული გახლდათ.
არსებული ინფორმაციით ლეგენდარული კომპოზიტორის შესახებ გადაღებული ფილმი Maestro 2023 წელს გამოვა.
ლეონარდის მეუღლეს ფილმში ოსკაროსანი მსახიობი Carey Mulligan თამაშობს.
