მას მთელი მსოფლიო იცნობს, ის არის ლეგენდარული მომღერალი, მსახიობი და დიზაინერი, პოპკულტურის ერთ-ერთი ყველაზე გავლენიანი ფიგურა − მადონა ლუიზა ჩიკონე, ქალი, რომელმაც თავისი საქმიანობით მუსიკაში, მოდასა და კინემატოგრაფში გადატრიალება მოახდინა.
მიუხედავად იმისა, რომ საკუთარ სფეროში მადონა ყოველთვის იდეალურად ასრულებდა თავის მოვალეობას, როგორც აღმოჩნდა კარიერის პარალელურად პირადი ცხოვრება და ოჯახი მადონასთვის რთული სამართავი აღმოჩნდა. როგორც პოპუს დედოფალი აღნიშნავს, მისთვის დედობა დიდი გამოწვევაა.
“დღეს, მე ვიბრძვი იმისთვის, რომ ვიყო შესანიშნავი დედა. არ აქვს მნიშვნელობა ვინ ხარ და რას აკეთებ, დედობა ნამდვილი ხელოვნებაა. არავინ გაძლევს წესების კრებულს, შენ თავად უნდა ისწავლო შენივე შეცდომებისგან. გყავდეს ჩემნაირი დედა დიდი გამოწვევაა, ვიცი, რომ შეიძლება უჭირდეთ ჩემს შვილებს ჩემთან მოსვლა და საუბარი, მაგრამ მე ყოველთვის ვეუბნები მათ, რომ იყვნენ ჩემს მიმართ გულწრფელები და ყველაფერში გავუგებ მათ. დედობა ძალიან რთული და დამღლელია, რადგან დასვენება თითქმის არასდროს გაქვს”. – მადონა.
