ამერიკელი მსახიობის ლეონარდო დიკაპრიოსა და მისი მეგობარი გოგონას, იტალიელი მოდელის ვიტორია ჩერეტის ურთიერთობა ბოლო პერიოდის განმავლობაში ტაბლოიდებისა და უცხოური გამოცემების განხილვის საგანია. წყვილი რომანტიკულ სიტუაციაში პაპარაცებს აქამდე დაფიქსირებული არ ჰყავდათ, თუმცა ამჟამად გავრცელებულმა ფოტოებმა საზოგადოება დიდად ვერ აღაფრთოვანა. ინტერნეტში 48 წლის მსახიობისა და 25 წლის მოდელის შესახებ არაერთი კრიტიკული კომენტარი დაიწერა.
