დატვირთული გრაფიკი ყოველდღიურობად იქცა, ჩვენი სტუმრები განსაკუთრებულად განიცდიან დროის დეფიციტს, მაგრამ ჯანმრთელ და ნოყიერ საკვებს არ ღალატობენ. მაშ ასე, რუბრიკას ამჯერად ყველასთვის საყვარელი წამყვანები – ზურა გორგაძე და თაკო ჩორგოლაშვილი სტუმრობენ. დავალება მარტივია – ერთნაირი ინგრედიენტებით თეფშის აწყობა, რისთვისაც ქართული პროდუქცია „ნიკორასგან“ შევარჩიეთ.
ზურა, როგორია თქვენი დილის საუზმე?
ძალიან მიყვარს „ნიკორას“ ხორცპროდუტები. ძირითადად დილაობით გეახლებით ხოლმე, ნოყიერი და კარგი საუზმეა – სწრაფი, კომფორტული და გემრიელი მოსამზადებლად. ჩემი „კულინარიული სამოთხე“ ზუსტად ისეთია, რაც მაგიდაზე დაგვახვედრეთ ამ გადაღებისთვის: ბევრი ბოსტნეული, ყველი, ძეხვი, შაშხი, ლორი. საღამოს უფრო მსუბუქად ვვახშმობ ხოლმე.
კულინარიასთან რამდენად ახლოს ხართ?
არ ვარ ადამიანი, რომელსაც რაიმე დაეზარება. მუდმივად სიახლის ძიებაში ვარ და სამზარეულოც ჩემთვის ერთგვარი შემოქმედებაა. ძალიან მიყვარს ახალი მიგნებები და პროცესში იმპროვიზაცია. თუმცა გადატვირთული რეჟიმიდან გამომდინარე, ვეღარ ვმეგობრობ სამზარეულოსთან. მიუხედავად ამისა, უნდა ითქვას, რომ კარგად მეხერხება კერძების მომზადება. არა მგონია რამე ისეთი იყოს, ხელი მოვკიდო და არ გამომივიდეს.
ახლა მარტის ნომერია, ქალების თვეა მარტი. რას ეტყოდით მათ?
ქალები ძალიან ძლიერები არიან. მათ ბევრი რამის გაკეთება შეუძლიათ და ეს ყოველდღიურობაში კარგად ჩანს. მე ჯერ არ მყავს მეუღლე, მაგრამ ნამდვილად ვიცი, რომ ის რეალიზებული იქნება და ამაში მეც ყოველთვის შეძლებისდაგვარად დავეხმარები. მომხრე ვარ, ოჯახში საოჯახო საქმეები გადანაწილებული იყოს.
ჩემთვის არ არსებობს ტაბუდადებული საქმე, რასაც ვერ გააკეთებს გინდ კაცი, გინდ ქალი.
ეს იქნება ჩვენს შეთანხმებასა და სურვილებზე დამოკიდებული. მიმაჩნია, რომ თუ ადამიანი საკუთარ საქმეში არ არის რეალიზებული, ეს ხელს უშლის პირად ურთიერთობებშიც. ამიტომ ხელი უნდა შევუწყოთ ერთმანეთის განზრახვებსა და მიზნებს.
თაკო, მოგვიყევი შენს ამჟამინდელ საქმიანობაზე.
ძალიან დატვირთული რეჟიმი მაქვს. გარდა იმისა, რომ ტელეწამყვანი ვარ, პარალელურ რეჟიმში ჟურნალისტი ვარ „რუსთავი 2“-ზე. ვმუშაობ სამ გადაცემაზე – „დილა მშვიდობისა, საქართველო“, „ექიმები“, „გამომწვევი თამაშები“, რომელიც სულ ახლახან დავიწყეთ მე და ზურამ. სახალისო გადაცემაა და გამოხმაურებაც ძალიან პოზიტიური ჰქონდა საზოგადოების მხრიდან. ეს ყველაფერი დიდ დროს და შრომას მოითხოვს, მაგრამ ეს არის საქმე, რომლის კეთებაც გვიყვარს, გვახარებს და ემოციურად გვავსებს.
როგორ ანაწილებ დროს ამ ყველაფრისთვის?
მყავს 5 წლის შვილი, რომელსაც ასევე ძალიან დიდი დრო და რესურსი სჭირდება, სამსახურს მიღმა დარჩენილი დრო სრულად მას ეთმობა.
როგორ ფიქრობ, ქალებს მეტი ვალდებულებები აკისრიათ კაცებთან შედარებით?
ქალები მეტად ვფიქრობთ ყველაფერზე. რა თქმა უნდა, ძალიან რთულია ერთიანად გამკლავება, მაგრამ დროის სწორი მენეჯმენტი გამოსადეგი რამ აღმოჩნდა. შესაძლოა ეს ყველაფერი ბევრი გათენებული ღამეების ხარჯზე ხდება, მაგრამ მთავარია შედეგი.
დავრწმუნდი იმაში, რომ თუ ადამიანს რამე უნდა, არც სქესს და არც ასაკს არ აქვს მნიშვნელობა. თუ გჯერა საკუთარი თავის, გამორიცხულია არ გამოგივიდეს. ყველა ქალი წელში გამართული უნდა იყოს და ამაში მხოლოდ საკუთარი თავის იმედი ჰქონდეს.
რამდენად მნიშვნელოვანია შენთვის ცხოვრების ჯანსაღი წესი?
ვცდილობ ვიცხოვრო ცხოვრების ჯანსაღი წესით. ვვარჯიშობ როგორც გარეგნული, ასევე შინაგანი მდგომარეობის გაჯანსაღებისთვის. გადამწყვეტად მნიშვნელოვანია ფიზიკური აქტივობა. ჩემი ფსიქოლოგიური მდგომარეობა პირდაპირ კავშირშია ვარჯიშთან.
როგორ იკვებები?
ვერიდები ცხიმიან საკვებს. სხვათა შორის, „ნიკორას“ პროდუქციაში არის საჩემო საკვები – საექიმო ძეხვი, ქათმის სოსისი, შაშხი. როგორც ყველა დაკავებულ ადამიანს, დიდი დრო არ მაქვს სამზარეულოსთვის. ბევრი ბოსტნეული და ზემოთ ხსენებული პროდუქტით კი მშვენიერი კომბინაცია გამოდის.
„კულინარიული შერკინების“ შედეგი ფოტოებზე კარგად ჩანს. თაკო და ზურა ერთ რამეში ნამდვილად ერთსულოვანნი იყვნენ − ქართულ, ხარისხიან პროდუქტს ირჩევდნენ და საინტერესო კომბინაციას გვთავაზობდნენ.
დაფების ძირითადი ინგრედიენტებია შაშხებიდან: შეიკა, ჩალაღაჯი, პროშუტო, ბეკონი. ძეხვებიდან – ნედლად შებოლილი ძეხვეული: სალიამი ორიგინალური, სალიამი პიკანტური, ბრაუნშვაიგურის რამდენიმე სახეობა − რა თქმა უნდა, „ნიკორას“ ბრენდის. თანაპროდუქტები − თქვენი გემოვნებით.
