კომპანია „კნაუფი“ სამშენებლო მასალებისა და სისტემების ერთ-ერთი წამყვანი მწარმოებელია. კნაუფის ქარხნები 80-ზე მეტ ქვეყანაშია წარმოდგენილი, მათ შორის საქართველოში – „კნაუფ გიპს თბილისი“ , რომელიც აწარმოებს თანამედროვე მშრალი მშენებლობის სისტემებს, თაბაშირისა და ცემენტის ბაზაზე მშრალ ნარევებს და შესაბამის ინვენტარს, თბოიზოლაციის ერთიან სისტემებს, საღებავებს, დასასხმელ იატაკებსა და იატაკის სისტემებს. „კნაუფი“ ქართულ ბაზარზე ასოცირდება ხარისხთან, სანდოობასთან, და ასევე აერთიანებს პროფესიონალ ადამიანებს, რომლებიც მოწესრიგებულ სერვისს გვთავაზობენ, რაც ასევე აუცილებელია მშენებლობისას. საბოლოო შედეგის – სრულფასოვანი სისტემის მისაღებად მხოლოდ „კნაუფის“ პროდუქცია არ კმარა, მნიშვნელოვანია ამ მასალების სწორი გამოყენება, რამდენად კვალიფიციურია ხელოსანი ან მემონტაჟე. სწორედ ამ მიზნით, Knauf-ის სასწავლო ცენტრი ნებისმიერ მსურველს სთავაზობს პროფესიულ გადამზადებას სამშენებლო სექტორში. „კნაუფის“ სასწავლო ცენტრსა და პროდუქციის უპირატესობებზე #OK!-ს „კნაუფის“ სასწავლო ცენტრის დირექტორი, ნუგზარ ხადური ესაუბრა.
გვესაუბრეთ კნაუფის პროდუქციის უპირატესობებზე.
მოგეხსენებათ, რომ „კნაუფი“ გერმანული ბრენდია, ამიტომ მისი პროდუქცია აკმაყოფილებს ევროსტანდარტებს. არ აქვს მნიშვნელობა, თუ რომელ ქვეყანაშია საწარმო, როგორც გერმანიაში, ისე საქართველოში, პროდუქცია მოწმდება ერთნაირად.
ჩვენი ქარხნის „კნაუფ გიპს თბილისის“ ძირითადი პროდუქცია თაბაშირ-მუყაოს ფილებია, თუმცა, ასევე, ვაწარმოებთ თაბაშირის მშრალი ნარევების, ლითონის პროფილებისა და დასაგრუნტი მასალების რამდენიმე სახეობას. ჩვენი ქარხნის ამუშავებამდე ბაზარზე ბევრი საეჭვო ხარისხის თაბაშირ-მუყაო იყო გაყიდვაში. ჩვენი საწარმოს გამოჩენის შემდეგ, ბაზარზე უხარისხო თაბაშირ-მუყაოს რაოდენობა შემცირდა. თამამად შემიძლია გითხრათ, რომ ბაზარზე ლიდერები ვართ.
აღსანიშნავია, რომ ჩვენ არ ვყიდით უბრალოდ პროდუქტებს, მომხმარებელს ვთავაზობთ სისტემებს მათი დამუშავების ტექნოლოგიებთან ერთად. ყოველთვის უნდა გვახსოვდეს, რომ საბოლოო კარგი შედეგის მისაღებად მაღალი ხარისხის პროდუქციასთან ერთად სწორი ტექნოლოგიების გამოყენებაა აუცილებელი.
სეისმურად აქტიურ საქართველოში უაღრესად დიდი მნიშვნელობა ენიჭება მშენებლობაში მსუბუქი და მაღალი ხარისხის პროდუქციის გამოყენებას. ამიტომ გირჩევდით, როდესაც გადაწყვეტთ თქვენი ახალი სახლის ან ძველი ბინის მოპირკეთებას, აირჩიეთ „კნაუფის“ პროდუქცია და მისი სისტემები შიდა და გარე მოპირკეთებისთვის, რომლებიც არის სეისმომედეგობის, ხანძარმედეგობის, თბოიზოლაციისა და ხმის იზოლაციის გარანტი. სწრაფად და ხარისხიანად თქვენ შეგიძლიათ მიიღოთ უმაღლესი ხარისხის შიდა მოპირკეთება − სწორედ ისეთი, რომელსაც იყენებს თანამედროვე მსოფლიო.
იმისთვის, რომ გარემოსადმი მიყენებული ზიანი მინიმუმადე დავიყვანოთ, მნიშვნელოვანია, უფრო მეტი გადამუშავებადი, ეკოლოგიურად მეგობრული მასალა გამოიყენებოდეს მშენებლობისას…
გარემოზე ჩვენი წარმოების მავნე ზემოქმედება მინიმალურია. ე.წ. თაბაშირის ხარშვისას ვიყენებთ ბუნებრივ გაზს, რომლის წვის შედეგად გამოიყოფა ნახშირორჟანგი – წყლის ორთქლი და უმნიშვნელო რაოდენობით მტვერი. ამასთანავე, „კნაუფი“ მსოფლიო მასშტაბით აპირებს განახლებად ენერგიებზე გადასვლას.
გვესაუბრეთ კნაუფის სასწავლო ცენტრის შესახებ, რას სთავაზობთ საზოგადოებას?
„კნაუფის“ სასწავლო ცენტრი 5 წელზე მეტია წარმატებით პოზიციონირებს ბაზარზე, ჩვენი მიზანია, მომხმარებლებს „კნაუფის“ პროდუქტების მიმართ გაუჩინოს ლოიალობა, გავუღრმაოთ ცოდნა ხელოსნებსა თუ მემონტაჟეებს. მოხდეს მათი გადამზადება და კვალიფიკაციის ამაღლება.
აღსანიშნავია, რომ ჩვენს უმაღლეს სასწავლებლებში მომავალი არქიტექტორები და მშენებელ-ინჟინრები მასალათმცოდნეობაში არ სწავლობენ თაბაშირ-მუყაოს, როგორც სამშენებლო მასალას, მიუხედავად იმისა, რომ თაბაშირ-მუყაო 25 წელზე მეტია, რაც ბაზარზე გამოჩნდა. ერთადერთი სექტორი პროფესიული განათლების სისტემაა, სადაც ხდება მისი შესწავლა. ჩვენ მათთან აქტიურად ვთანამშრომლობთ, თუმცა ზოგიერთი უმაღლესი სასწავლებიდანაც მოჰყავთ ჩვენთან სტუდენტები.
ჩვენ ნებისმიერ დაინტერესებულ პირს თუ ორგანიზაციას სრულიად უანგაროდ შეგვიძლია გავაცნოთ მშრალი მშენებლობის სისტემები და ტექნოლოგიები.
