სახლის თუ ნებისმიერი სივრცის მოწყობა ბევრ სირთულესთანაა დაკავშირებული. თავდაპირველად, ინტერიერის დიზაინზე მუშაობა კარების არჩევით უნდა დავიწყოთ. სწორედ კარების მრავალფეროვანი არჩევანს გთავაზობთ ,,გენა ბილდი’’, რომლის შესახებაც დღეს გიამბობთ.
კომპანია ,,გენა ბილდი’’ 2019 წელს პანდემიის პერიოდში შეიქმნა. მიუხედავად ამ გამოწვევისა, მან მოახერხა ბაზარზე ადგილის დამკვიდრება და მომხმარებლისთვის ხარისხიანი პროდუქციის შეთავაზება, 2022 წელს კი კომპანიამ პირველი შოურუმი გახსნა, რასაც მალევე ადგილობრივი საწარმოს შექმნა მოყვა, რომელიც ექსკლუზიურად ამარაგებს ,,გენა ბილდის’’ მაღაზიას როგორც ადგილზე ისე ონლაინ.
,,თავდაპირველად ვაწარმოებდით იმპორტს, ბევრი ახალი პროდუქტი შემოვიტანეთ და ჩვენი პარტნიორები წამყვანი კომპანიები იყვნენ. ჩვენი მომხმარებლების მოთხოვნებიდან გამომდინარე მალე დავიწყეთ წარმოებაზე ფიქრი. ,,გენა ბილდის’’ გუნდმა ნაბიჯ-ნაბიჯ გავიარეთ წარმოებისკკენ მიმავალი რთული გზა, თითო დაზგა დანადგარის შეძენა სიხარულს გვანიჭებდა. დღეს წარმოებაში 10 ადამიანია დასაქმებული და აქტიურად ვმუშაობთ გაფართოებაზე.’’ – ამბობს კომპანიის დირექტორი, მაია შაიშმელაშვილი.
დღეს ,,გენა ბილდი’’ მომხმარებელს სთავაზობს შეღებილი მდფ-ის კარს სასურველი ზომებით, ფერით და დიზაინით.
როგორც მაია აღნიშნავს, ფასები ყოველთვის ბაზრის შესაბამისი უნდა იყოს და ხარისხზე აქცენტი აუცილებლად უნდა გაკეთდეს.
,,გენა ბილდის’’ ყველაზე მნიშვნელოვანი ნიშა არის ხარისხი. ვთვლი, რომ წარმოების მხრივ ქართული ბაზარი ჯერ-ჯერობით არ არის, კონკურენტები ისევ სტანდარტულ და იმპორტირებულ კარებს სთავაზობენ მომხმარელებს. ჩვენს შემთხვევაში წარმოებაზე გადავიტანეთ მთელი ძალისხმევა, გვინდა ავითვისოთ ამ მხრივ ბაზარი და შევთავაზოთ მომხმარებელს სასურველი დიზაინის კარები.’’
აღსანიშნავია, რომ კომპანია ცდილობს ფეხი აუწყოს თანამედროვე გამოწვევებს და მომხმარებელს მუდმივად განახლებადი კოლექცია შესთავაზოს.
,,ჩვენ თვალს ვადევნებთ ტექნოლოგიურ განვითარებას ამ სფეროში და ასევე ვითვალისწინებთ ინტერიერის დიზაინის თანამედროვე ტენდეციებს, რაც ჩვენი შეთავაზების დახვეწას და კლიენტის გემოვნებაზე მორგებას გულისხმობს.’’
