ქართულმა ბრენდმა „კაბამ“ 23 წლის განმავლობაში არაერთხელ დაამტკიცა სანდოობა, რომელიც აისახა მომხმარებლების მისდამი სიყვარულსა და ერთგულებაზე. იგი მუდმივად ზრუნავს, რომ სასიამოვნო სიახლეებით გაანებივროს ქალბატონები. „კაბაში“ მოსულს, დაგხვდებათ კომფორტული გარემო, ხარისხიანი და დახვეწილი ტანისამოსის, აქსესუარებისა და თავის მოვლის საშუალებების ფართო არჩევანი. დეტალური ინფორმაციისთვის OK! გაესაუბრა ბრენდის შემქმნელს, ხათუნა ჯინჭარაძეს.
გვესაუბრეთ „კაბას“ შექმნის შესახებ.
„კაბას“ ისტორია სათავეს 23 წლის წინ იღებს. მოდის სფერო ყოველთვის მიზიდავდა, თუმცა ყველაფერი ერთი ესკიზიდან დაიწყო. პირველი ნამუშევრების მიმართ გამოხატულმა მოწონებამ და მოთხოვნამ ეს ყველაფერი ჩემს ერთადერთ, ძირითად საქმიანობად აქცია. ჩამოყალიბდა „კაბა“, როგორც ქალის ტანისამოსის ბრენდი, და გაიხსნა მაღაზიათა ქსელი.
რა სახის პროდუქციას სთავაზობთ მომხმარებლებს?
„კაბა“ მომხმარებლებს სთავაზობს როგორც ყოველდღიურ, ასევე სადღესასწაულო, მაღალი ხარისხის ტანისამოსს. პროდუქციას ქმნის დიზაინერთა ჯგუფი, მოდის ტენდენციებისა და ქართველი მომხმარებლების მოთხოვნის გათვალისწინებით. „კაბა“, როგორც კონცეპტუალური მაღაზია, ქალბატონებსა და გოგონებს სთავაზობს ნებისმიერ ნივთს, რომელიც შეიძლება დასჭირდეთ − იქნება ეს ფეხსაცმელი თუ აქსესუარები: ჩანთა, საფულე, შარფი, სამკაული, ბროშები, თმის სამაგრები და თავის მოვლის საშუალებები. რაც მთავარია, ეს ყველაფერი არის ქართული და ნაწარმოებია საქართველოში. აღსანიშნავია, რომ „კაბა“ მუდმივად თანამშრომლობს ქართულ ბრენდებთან. კერძოდ, კონცეფციიდან გამომდინარე, სთავაზობს კოლაბორაციას და გასაყიდ სივრცეებს.
მთავარი ნიშა, რომელიც თქვენს კომპანიას გამოარჩევს…
მთავარი ნიშა, რომელიც ჩვენს ბრენდს ბაზარზე გამოარჩევს, ჩვენი განსხვავებული და უმაღლესი ხარისხის ქსოვილებისგან შექმნილი მოდელებია. ჩვენს მაღაზიაში შემოსულმა თითოეულმა მომხმარებელმა იცის, რომ მოდელი, რომელსაც აქ მოირგებს, იქნება გამორჩეული და კომფორტული ნებისმიერ სიტუაციაში. ბოლო წლებში, ქართული პროდუქციისადმი გაზრდილმა ინტერესმა გარემო უფრო კონკურენტული გახადა. შესაბამისად, მომხმარებელიც მეტად მომთხოვნია. ჩვენთან შექმნილი ტანისამოსის თითოეული დეტალი მაქსიმალურად დახვეწილად და სუფთადაა დამუშავებული. ამის გარანტი ჩვენი 25-წლიანი გამოცდილების მქონე საწარმო და ადამიანური რესურსია.
სად შეუძლია მომხმარებელს თქვენი პროდუქციის შეძენა?
„კაბას“ პროდუქციის შეძენა შესაძლებელია ჩვენს მაღაზიაში, პეკინის 19 ნომერში. ასევე, ონლაინ, სოციალური არხებისა და სხვადასხვა გასაყიდი პლატფორმის საშუალებით.
რა ტიპის სიახლეთა შეთავაზებას აპირებთ თქვენი მომხმარებლისთვის?
უკვე დაწყებულია წარმოება და თვის ბოლოსთვის ჩვენს მომხმარებელს შევთავაზებთ ქალის თეთრეულის ხაზს, რომელიც იქნება უმაღლესი ხარისხის ქსოვილებისგან შექმნილი. უახლოეს მომავალში იგეგმება ასევე ბავშვის ხაზის წარმოება და მასობრივ გაყიდვაში ჩაშვება.
სამომავლო გეგმები…
სამომავლოდ, „კაბა“ გეგმავს გაფართოებას, გაზაფხულისთვის ახალი მაღაზიის გახსნას. ასევე, დღის წესრიგში დგას ექსპორტის საკითხი. კომპანიის გამოცდილებიდან გამომდინარე, ვფიქრობთ, რომ „კაბა“ ნამდვილად არის ის ბრენდი, რომელიც საქართველოს, ქართული წარმოების სახელს ღირსეულად წარმოაჩენს სხვა ქვეყნების ასპარეზზეც.
საკონტაქტო ინფორმაცია:
პეკინის გამზ. 19, მაღაზია „კაბა“
ტელ: 599 460 469
