„ლაიონსების თვალის დიაბეტური კლინიკა − საქართველო“ ახალ პროექტში მონაწილეობს. პროექტის მიზანს წარმოადგენს დიაბეტით გამოწვეული ყველაზე მძიმე გართულების − დიაბეტური რეტინოპათიის ადრეული გამოვლენა და იმ აუცილებელი ღონისძიებების განხორციელება, რომელიც ხელს შეუწყობს პირველადი ჯანდაცვის სექტორში მომუშავე სამედიცინო პერსონალის როლის გაძლიერებას ამ პრობლემის მართვაში. დეტალური ინფორმაციისთვის OK! გაესაუბრა თსსუ თვალის სნეულებათა დეპარტამენტის ასოცირებულ პროფესორს; ა(ა)იპ, „ლაიონსების თვალის დიაბეტური კლინიკა − საქართველოს“ გენერალურ დირექტორს და თანადამფუძნებელს, ექიმ ოფთალმოლოგსა და პროექტ „დიაბეტის გართულებების ადრეული პრევენციისა და მართვის გაუმჯობესების ხელშეწყობა“ ხელმძღვანელ ნინო კარანაძეს.
„კოვიდ“-პანდემიით გამოწვეული მომართვიანობის შეზღუდვის გამო, კლინიკაში დაინერგა პაციენტთათვის ექიმი-ოფთალმოლოგის ბინაზე მომსახურების სერვისი. გვსურს აღვნიშნოთ, რომ „ლაიონსების თვალის დიაბეტური კლინიკა − საქართველო“ „ლაიონს ქლაბს ინტერნეშენალის“ ერთადერთი კლინიკაა რეგიონში. ჩვენი კლინიკა აღჭურვილია თანამედროვე ოფთალმოლოგიური აპარატურით და დაკომპლექტებულია მაღალი კვალიფიკაციის მქონე ქართველი ექიმებით.
გვიამბეთ თქვენი კლინიკის საქმიანობის შესახებ.
„ლაიონს ქლაბს ინტერნეშენალის“ ერთ-ერთი პრიორიტეტული მიმართულება დიაბეტთან და სიბრმავესთან ბრძოლაა. მსოფლიოში დიაბეტით დაავადებული მოსახლეობის მზარდმა მაჩვენებლებმა განაპირობა ა(ა)იპ „ლაიონსების თვალის დიაბეტური კლინიკა − საქართველოს“ დაფუძნება. კლინიკის საქმიანობის სფეროს წარმოადგენს როგორც დიაბეტით გამოწვეული თვალის გართულებების გამოვლენა, ასევე თვალის ყველა დაავადების დიაგნოსტიკა, მკურნალობა, მართვა, სოციალურად დაუცველი მოქალაქეებისთვის და მიზნობრივი ჯგუფებისთვის უფასო და შეღავათიანი სამედიცინო მომსახურების გაწევა. „კოვიდ“-პანდემიით გამოწვეული მომართვიანობის შეზღუდვის გამო, კლინიკაში დაინერგა პაციენტთათვის ექიმი-ოფთალმოლოგის ბინაზე მომსახურების სერვისი. გვსურს აღვნიშნოთ, რომ „ლაიონსების თვალის დიაბეტური კლინიკა − საქართველო“ „ლაიონს ქლაბს ინტერნეშენალის“ ერთადერთი კლინიკაა რეგიონში. ჩვენი კლინიკა აღჭურვილია თანამედროვე ოფთალმოლოგიური აპარატურით და დაკომპლექტებულია მაღალი კვალიფიკაციის მქონე ქართველი ექიმებით.
გვესაუბრეთ იმ პროექტის შესახებ, რომელშიც ამჟამად მონაწილეობთ.
ამჟამად კლინიკა ახორციელებს „ლაიონს ქლაბს ინტერნეშენალის“ და დიაბეტის მსოფლიო ფონდის ერთობლივ პროექტს − „დიაბეტის გართულებების ადრეული პრევენციისა და მართვის გაუმჯობესების ხელშეწყობა“.
პროექტის ამოცანებს წარმოადგენს:
- საქართველოში დიაბეტის ეროვნული რეგისტრის შექმნა;
- საქართველოს 6 რეგიონში დიაბეტით გამოწვეული მხედველობის ნაწილობრივი ან სრული დაკარგვის შემთხვევათა რიცხვის შემცირების მიზნით, დიაბეტისა და დიაბეტური რეტინოპათიის მქონე პაციენტების დახმარება, პრევენცია, ადრეული დიაგნოსტიკა, ხარისხიანი მკურნალობა და ცნობიერების ამაღლება;
- საქართველოს 6 რეგიონში (აჭარა, იმერეთი, სამეგრელო და ზემო სვანეთი, რაჭა-ლეჩხუმი და ქვემო სვანეთი, შიდა ქართლი, ქვემო ქართლი) დიაბეტური თვალის 10 კაბინეტის გახსნა და აღჭურვა (8 უკვე გაიხსნა და აღიჭურვა);
- თვალის ექიმებისა და ენდოკრინოლოგების ერთობლივი მობილური ჯგუფის ოპერირება მუნიციპალური ცენტრებიდან დაშორებულ დასახლებებში;
- პირველადი ჯანდაცვის სამედიცინო პერსონალის ტრენინგები რეგიონებში;
- საგანმანათლებლო და საინფორმაციო მასალების მომზადება და გავრცელება;
- პროექტის წარმატებით განხორციელება ძალზე მნიშვნელოვანია, ვინაიდან ეს არის დიაბეტის მსოფლიო ფონდისა და „ლაიონს ქლაბს ინტერნეშენალის“ პირველი ერთობლივი პროექტი რეგიონში.
გვესაუბრეთ ამ პროექტის პარტნიორ/სპონსორ კომპანიებთან დაკავშირებით.
როგორც მოგახსენეთ, კლინიკა ახორციელებს „ლაიონს ქლაბს ინტერნეშენალის“ და დიაბეტის მსოფლიო ფონდის ერთობლივ პროექტს. „ლაიონს ქლაბს ინტერნეშენალი“ არის მსოფლიოში ცნობილი არასამთავრობო საერთაშორისო ორგანიზაცია, რომელიც 1917 წლიდან დღემდე სხვადასხვა ქვეყანაში ახორციელებს ჰუმანიტარულ პროექტებს. „ლაიონს ქლაბს ინტერნეშენალი“ ამ სფეროში გლობალური ლიდერია. ორგანიზაციის შემოწირულებებით იქმნება ფონდები, რომლებიც გამიზნულია სხვადასხვა პროექტის განსახორციელებლად: დიაბეტისა და მისი გართულებების, ასევე, ბავშვთა ონკოლოგიური დაავადებების ადრეული პრევენცია და მართვა; სიბრმავის დაძლევა; სტიქიით დაზარალებული მოსახლეობის დახმარება; შიმშილთან ბრძოლა და მისი აღმოფხვრა; ახალგაზრდული, საგანმანათლებლო და გარემოს დაცვითი პროექტები და 2020 წლიდან „კოვიდ“-პანდემიით გამოწვეული პრობლემების მართვა;
დიაბეტის მსოფლიო ფონდი დამოუკიდებელი ორგანიზაციაა, რომელიც ახორციელებს დიაბეტის პრევენციისკენ მიმართულ პროექტებს დაბალი და საშუალო განვითარების მქონე ქვეყნებში. პროექტის განმახორციელებლები არიან „ლაიონსების თვალის დიაბეტური კლინიკა − საქართველო“ და „ველფეარ ფაუნდეიშენი“.
სამომავლო გეგმები.
დიაბეტის მსოფლიო დღესთან დაკავშირებით, „ლაიონსების თვალის დიაბეტური კლინიკა − საქართველო“ 8 ნოემბრიდან 26 ნოემბრის ჩათვლით იწყებს საყოველთაო საქველმოქმედო ოფთალმოლოგიურ და ენდოკრინოლოგიურ სკრინინგს თბილისსა და საქართველოს რეგიონებში.
საკონტაქტო ინფორმაცია:
„ლაიონსების თვალის დიაბეტური კლინიკა − საქართველო“ მდებარეობს გ. გეგეჭკორის ქუჩა #3-ში (ქ. თბილისი, საბურთალო, ე.წ. ახალი შანხაის დასახლება).
ტელ: 032 2 24 01 14
+995 571 24 14 01
FACEBOOK: LionsEyeDiabetClinicGeorgia
WEB: lionsgeorgia.ge
Email: Lionsdiabeteye@hotmail.com
ტექსტი: მარიამ მთივლიშვილი
ფოტო: მაკა მეგრელიძე
