“K2 group” არის სამშენებლო-დეველოპერული კომპანია, რომელიც ბაზარზე 2007 წლიდან ოპერირებს. კომპანია ძირითადად ბაკურიანში მოღვაწეობს და ამ დრომდე აქვს ხუთი დასრულებული და ორი მიმდინარე პროექტი. “K2 Group”-ის ძირითადი მიმართულებაა მრავალბინიანი საცხოვრებელი სახლებისა და სასტუმროების მშენებლობა, რეალიზაცია და მენეჯმენტი. ამ და სხვა საინტერესო თემების შესახებ OK! K2 Group-ის ერთ-ერთი დამფუძნებელს ლაშა რობაქიძეს ესაუბრა.
მიმდინარე და განხორციელებულ პროექტებზე გვიამბეთ.
კომპანიას აქვს ხუთი დასრულებული და ორი მიმდინარე პროექტი. “K2 Group”-ის თითოეული დასრულებული პროექტი გამოირჩევა უმაღლესი ხარისხის მშენებლობით და იდეალური ლოკაციით, სწორედ ესაა განმსაზღვრელი იმისა, რომ ყველა ჩვენი პროექტი დღემდე საკმაოდ პრესტიჟულად მიიჩნევა. 2007-2008 წლებში კომპანიამ პირველი მაშტაბური პროექტი განახორციელა ბაკურიანში, რომელიც დღემდე ბაკურიანის ერთ-ერთ სავიზიტო ბარათად ითვლება. ამ პროექტით კომპანიამ სახელი გაითქვა ლოკალურ ბაზარზე და კიდევ ოთხი წარმატებული პროექტი დაასრულა ბაკურიანში.
რაც შეეხება მიმდინარე პროექტებს, ისინი ორ ლოკაციაზე – ბაკურიანსა და საგურამოში შენდება. “K2 Village” წარმოადგენს აპარტამენტებისგან და კოტეჯებისგან შემდგარ, მყუდრო და კომფორტულ დასახლებას ბაკურიანში, რომელიც მდებარეობს დიდველზე, თრიალეთის ქუჩაზე. კომპლექსიდან ულამაზესი ხედები იშლება მთელს ბაკურიანზე და დიდველის მთაზე. “K2 Village”, როგორც ჩვენი ყველა სხვა პროექტი შენდება უმაღლესი ხარისხის სამშენებლო მასალით. იგი დახვეწილი დიზაინითა და სტრატეგიული ადგილმდებარეობითაც გამოირჩევა. აქ ჩვენს მაცხოვრებლებს გარდა საკუთარი ეზოსი, შესაძლებლობა ექნებათ ისარგებლონ საერთო მოხმარების ტერიტორიით, სადაც განთავსდება პარკინგი, რეკრეაციული ზონა, გასართობი სივრცეები ბავშვებისთვის, მოპირკეთებული ეზო და ა.შ. ამ პროექტის პერსპექტივებზე და დადებით მხარეებზე კიდევ ბევრი შეგვიძია ვისაუბროთ, თუ დაინტერესდება ჩვენი მკითხველი შეუძლიათ დაგვიკავშირდნენ. პროექტი სრულდება მიმდინარე წლის დეკემბერში.
რაც შეეხება ჩვენს პროექტს საგურამოში – “K2 Saguramo”, იგი აერთიანებს 20 სახლს ერთ სივრცეში. აქ მაცხოვრებლები ისარგებლებენ გარე აუზით, კალათბურთის მოედნით, გასართობი სივრცეებით ბავშვებისთვის, გამწვანებული ლანდშაპური ტერიტორიითა და ინდივიდუალური პარკინგით. უკლებლივ ყველა სახლიდან ულამაზესი ხედები იშლება მყინვარზე, მცხეთის დაბლობსა და ზედაზნის მთაზე. საგურამოს ლოკაცია იდეალურია, როგორც სააგარაკედ, ასევე პერმანენტულად საცხოვრებლად, რადგან ის თბილისიდან მხოლოდ 15 კილომეტრითაა დაშორებული. ასე რომ ვისაც სურს თავი აარიდოს დედაქალაქის ქაოსს, “K2 Saguramo” იდეალური გადაწყვეტაა მათთვის. დღესდღეობით პროექტი თეთრი კარკასის კონდინციაშია და 2024 წლის მარტში დასრულდება.
რა არის კომპანიის ნიშა და უპირატესობა.
“K2 Group”-ის მიერ დასრულებული ყველა პროექტი გამოირჩევა უმაღლესი ხარისხით. ამაში დაგვერწმუნება ჩვენი ათობით მაცხოვრებელი, სხვადასხვა კომპლექსში. ჩემი აზრით სამშენებლო კომპანიის კეთილსინდისიერება და ხარისხი განისაზღვრება მისი მაცხოვრებლების დამოკიდებულებით კომპანიის მიმართ. გარდა ხარისხისა, ჩვენი უკლებლივ ყველა პროექტი იდეალურ ლოკაციაზეა განთავსებული. სწორეს ეს აირჩია კომპანიამ თავის ნიშად.
რატომ უნდა ავარჩიოთ k2?
უმაღლესი ხარისხის სამშენებლო მასალები, იდეალური ლოკაცია, პროფესიონალებით დაკომპლექტებული გუნდი, რომელიც მუდამ მზადაა დასახმარებლად და რა საკვირველია ფასისა და ხარისხის ერთმანეთთან მიმართება.
როგორია კომპანიის სამომავლო გეგმები?
კომპანია “კ2 გრუპი” არასდროს წყვეტს განვითარებას, იგი თავის გუნდთან ერთად ყოველვის კონცენტრირებულია პროგრესსა და განვითარებაზე. ესაა მიზეზი იმისა, რომ ჩვენ ყოველ წელს ვიზრდებით და მეტი და მეტი პროფესიონალი უერთდება ჩვენს გუნდს. კომპანია უახლოეს მომავალში თბილისსა და ბათუმში იწყებს მაშტაბური პროექტების მშენებლობას, ამაზე ცოტა მოგვიანებით მოგიყვებით.
