ამერიკელი მსახიობი ჯონი დეპი და ინგლისელი სუპერმოდელი ქეით მოსი წლების გასვლის შემდეგაც კი არ კარგავენ ერთ-ერთი ყველაზე გამორჩეული ვარსკვლავური წყვილის სტატუსს. ჯონი დეპისა და ემბერ ჰერდის სასამართლო პროსესის და ქეით მოსის ჩვენების შემდეგ კი საზოგადოება უფრო მეტად დარწმუნდა იმაში, რომ წყვილს შორის წლების წინ დასრულებული ურთიერთობა კვლავ სიყვარულით, პატივისცემითა და მეგობრობით გრძელდება.
ჯონი და ქეითი ერთმანეთს პირველად 1994 წელს ნიუ-იორკში Café Tabac-ში შეხვდნენ.
1994-1995 წლებში ვარსკვლავური წყვილი გამუდმებით ჩნდებოდა ერთად არამხოლოდ საზოგადოებაში, არამედ სატელევიზიო შოუებში.
1997 წელს უცნობი მიზეზების გამო წყვილი ერთმანეთს დაშორდა.
1998 წელს კანის კინოფესტივალზე ჯონი და ქეითი ერთად გამოჩნდნენ, რის შემდეგაც ურთიერთობის აღდგენა საჯაროდ დაადასტურეს.
წყვილი რამდენიმე თვეში ისევ დაშორდა ერთმანეთს, რის მიზეზად ჯონის გადატვირთული გრაფიკი დასახელდა.
მსახიობის განცხადებით მას არ ჰქონდა საკმარისი დრო და ვერ იჩენდა ისეთ ყურადღებას, როგორსაც სუპერმოდელი იმსახურებდა.
მიუხედავად იმისა, რომ წყვილი მალევე დაშორდა, ისინი ჟურნალისტებთან ინტერვიუს დროს ყოველთვის დადებითად საუბრობდნენ ერთმანეთის შესახებ.
2005 წელს ჯონი დეპმა ქეით მოსი საჯაროდ დაიცვა, როდესაც ინტერნეტში მისი ნარკოდამიკუდებულების შესახებ სკანდალური კადრები გავრცელდა.
დღეს ჯონი და ქეითი კვლავ მეგობრობენ და ერთმანეთთან შესანიშნავი ურთიერთობა აკავშირებთ.
რამდენიმე დღის წინ სასამართლო პროცესზე 90-იანი წლების საკულტო სუპერმოდელმა და ჯონი დეპის ყოფილმა მეგობარმა ქალმა ქეით მოსმა აღნიშნა, რომ ბრალდებები, რომლებიც ჯონის წინააღმდეგ იყო წარდგენილი, არასწორია და მსახიობს მისთვის ხელი არასდროს დაუკარებია..
“როდესაც ოთახიდან გამოვდიოდით ჯონი ჩემზე წინ წავიდა, მე ამ დროს კიბიდან დავგორდი და ზურგი დავიზიანე. ვყვიროდი, ძალიან მტკიოდა და არ ვიცოდი რა მექნა, ჯონი სირბილით მოვიდა, ოთახში წამიყვანა და დამეხმარა”.“მას არასდროს დაურტყამს ჩემთვის და არც კიბიდან დავუგორებივარ”.
ასევე იხილეთ:
