ჯენიფერ ლოპესს ინტერვიუებში არაერთხელ აღუნიშნავს, რომ ვარჯიში მისი ცხოვრების განუყოფელი ნაწილია. ვარსკვლავის თქმით, ის სპორტდარბაზში წასასვლელად ყოველთვის ლამაზ სამოსს არჩევს, რაც მას მოტივაციის შენარჩუნებაში ეხმარება.
57 წლის ვარსკვლავი ხშირად აღნიშნავს, რომ კატეგორიული წინააღმდეგია ალკოჰოლისა და სიგარეტის, ის მაქსიმალურად ცდილობს არაჯანსაღი საკვები იშვიათად მიიღოს და არ მიირთვას კოფეინის შემცველი სასმელები, რომლებიც, მისი თქმით, კანის ნაადრევ დაბერებას უწყობს ხელს.
“18 წლის ასაკში ორ დერმატოლოგთან მივედი, ერთმა მითხრა, რომ მზისგან დამცავი კრემი დამატენიანებლის მსგავსად ყოველდღიურად გამომეყენებინა, მეორემ კი მირჩია, სახეზე არსებული მცირედი ნაოჭების გამო, რომელიც დღემდე მაქვს, ბოტოქსი გამეკეთებინა. მე არასდროს მიმიმართავს პლასტიკური ქირურგისთვის და არც ბოტოქსი გამიკეთებია.”
ვარჯიშისა და გადატვირთული გრაფიკის შემდეგ შემსრულებლის თქმით ის საზოგადოებაში ყოველთვის უმაკიაჟოდ გადის, თუმცა ერთადერთი პროდუქტები, რაც მისი ყოველდღიურობის განუყოფელი ნაწილია ეს არის ტუჩის ბალზამი და მასკარა, ეგრეთწოდებული “ტუში”.
“ბრწყინვალება ეს ის არის, რაც გარედან ჩანს, თუმცა შიგნიდან მოდის. ადრეულ ასაკში ვიყენებდი სახის მოვლის ძვირადღირებულ საშუალებებს, თუმცა ერთ რამეს მივხვდი, საკუთარი თავის მოვლა სხეულის მოვლიდან იწყება, აუცილებელია დაკავდეთ ფიზიკური აქტივობით, მიირთვათ ჯანსაღი საკვები და სვათ ბევრი წყალი. ეს არის ცხოვრების წესი, რაც სულიერ, გონებრივ, ემოციურ და ფიზიკურ სიამოვნებას გგვრის.”
