„მარიამორი“ ტანსაცმლის ქართული ბრენდია, რომელიც საზოგადოებას თავისუფალი სტილის სამოსს სთავაზობს. თქვენ აქ შეხვდებით როგორც სპორტულ, ასევე, კლასიკურ მიმართულებებს. ბრენდი გამოირჩევა უმაღლესი ხარისხით, რაც თითოეული მომხმარებლისთვის პირველსავე წუთებში ხდება თვალსაჩინო. თუ გსურთ იყოთ მოდური, თანამედროვე და ამავდროულად, თავი იგრძნოთ ძალიან კომფორტულად, სწორ ადგილას მოხვდით. მაშ ასე, წაიკითხეთ ინტერვიუ ბრენდის დამფუძნებელ მარიამ ჯანელიძესთან, რომელიც უფრო ვრცლად გვიამბობს ამ და სხვა მნიშვნელოვანი საკითხების შესახებ.
„მარიამორი“ პირველად არ არის ჟურნალ OK!-ის ობიექტივში. როგორ ფიქრობთ, რა განმასხვავებელი ნიშა და უპირატესობა აქვს ბრენდს?
დავიწყებ იმით, რომ ჯერ მხოლოდ ერთი წელია, რაც „მარიამორი“ ქართულ ბაზარზეა და საკმაოდ დიდი გამოხმაურება მოჰყვა ჩვენს კოლექციებს როგორც ტელეარხებიდან და ჟურნალებიდან, ასევე მომხმარებლებისგან, რაც ძალიან გვახარებს და უფრო თავდაჯერებულს გვხდის.
„მარიამორის“ მთავარი პირობა და ვფიქრობ, ის, რაც განსხვავებულს ხდის ბრენდს, არის კოლექციის სწორად ჩვენება მომხმარებლისთვის, თუ როგორ იხდენს მოდელი და ლოკაცია სამოსს. ჩემი აზრით, მომხმარებელმა არა მხოლოდ უნდა დაინახოს, არამედ უნდა წარმოიდგინოს საკუთარი თავი ჩვენს სამოსში. ეს არის ერთ-ერთი უპირატესობა, რომელსაც „მარიამორი“ ფლობს.
გვესაუბრეთ ბრენდის სტილზე. და ძირითადად, რა სახის სამოსს სთავაზობთ თქვენს მომხმარებლებს?
„მარიამორი“თავისუფალი სტილი გახლავთ, არ არის ერთი კონკრეტული მიმართულება − კლასიკური, სპორტული ან თუნდაც, ორივე ერთად. ვცდილობთ, კლასიკა და სპორტი გავაერთიანოთ და ერთი ლამაზი Look-ი მივიღოთ.
ამჟამად კოლექციაში პიჯაკები, შარვლები, სპორტული ორეული და ფერადი კომბინეზონები გვაქვს წარმოდგენილი, რაც ძალიან აქტუალურია დღეს.
რატომ უნდა აირჩიოს მომხმარებელმა „მარიამორი“?
მომხმარებლისგან უფრო საინტერესოა ამ შეკითხვაზე პასუხი. აქვე ვიტყვი, რომ უკმაყოფილო მომხმარებელი ჯერ არ გვყოლია, ეს კი ძალიან მახარებს და მეტ მოტივაციას მძენს.
სად შეგვიძლია თქვენი სამოსის შეძენა და გაქვთ თუ არა მიწოდების სერვისი?
ჩვენი სამოსის შეძენა მომხმარებელს შეუძლია ამჟამად მხოლოდ ონლაინ, როგორც instagram, ასევე Facebook-გვერდებზე. მიტანის სერვისი რა თქმა უნდა, გვაქვს თბილისში. ასევე ვაგზავნით როგორც რეგიონებში, ისე მთელი მსოფლიოს მასშტაბით.
რა სახის სიახლეებს სთავაზობთ მომხმარებლებს შემოდგომის სეზონისთვის?
შემოდგომის სეზონისთვის ბევრი სიურპრიზი ელოდება ჩვენს ერთგულ მომხმარებლებს. ბევრი სიახლე იქნება. ასევე, დავაანონსებთ, რომ ბრენდს დაემატება ფეხსაცმელები და მამაკაცის ხაზი. დანარჩენს უკვე მომხმარებელი თავად იხილავს.
როგორია ბრენდის სამომავლო გეგმები?
ბრენდის სამომავლო გეგმებზე საუბარი წინასწარ არ მხიბლავს, ამიტომ საიდუმლოდ დავტოვებ.
FB: MARIAMMOR
Insta: mariammor_official
Tel: 557 67 83 46
