თბილისის ერთ-ერთი ქუჩის კედელზე დახატული, გრძელ, ვარდისფერ კაბაში ჩაცმული ქალი, რომელიც გაშლილი ხელებით სამყაროს ეგებება, ყველა იმ ქალის ისტორიას გვიყვება, რომლებმაც ძუძუს კიბოსთან ბრძოლაში გაიმარჯვეს. ის თავისუფალია, გამარჯვებულია, მისთვის ყოველი დღე განსაკუთრებულად ძვირფასია, მთელი არსებით ამაღლებულია და მიისწრაფვის ახალი, საინტერესო და, რაც მთავარია, ხანგრძლივი თავგადასავლებისკენ!
ძუძუს კიბო ქალთა ონკოლოგიურ დაავადებათა შორის პირველ ადგილზე რჩება. „თოდუას კლინიკას“ კიდევ ერთხელ სურს საზოგადოებას ამჯერად ქუჩის მხატვრობითაც შეახსენოს: „იცოდე დროულად – ეს შენი ძალაა!“ ყოველწლიური სკრინინგი კიბოს განვითარების რისკს მინიმუმამდე ამცირებს და, რაც მთავარია, ამართლებს სიტყვებს, რომ კიბო განაჩენი არ არის!
მსოფლიოში ოქტომბრის თვე ძუძუს კიბოს შესახებ ცნობიერების ამაღლების საერთაშორისო თვედ მიიჩნევა. მას სიმბოლურად„ვარდისფერ ოქტომბერს“ უწოდებენ. ცნობიერების ამაღლების კამპანიების მთავარი მესიჯი ერთია: ადრეულ სტადიაზე დიაგნოსტიკადა სწორად შერჩეული მკურნალობა გამარჯვების საწინდარია.
ანა მაზანიშვილი
ყოველ დილით მადლიერებით სავსე ვიღვიძებ. სამყაროს ვიხუტებ, თითოეულ დღეს ვაფასებ. ჩემმა დიაგნოზმა მასწავლა, რომცხოვრებაში არც ერთი წამის ნეგატივისთვის დაკარგვა არ შეიძლება, ყველა წამს თავად ვქმნით და თითოეული ბედნიერებით უნდაიყოს სავსე. მადლიერი ვარ ყოველი დღის, რომელიც თენდება და მადლიერება მაგრძნობინებს, რომ სამყარო არის ფერადი, ლამაზიდა საოცარი.
სოფია ჭკადუა
მაშინ, როდესაც კვანძი ვიპოვე, დაიწყო ბრძოლა. ბევრი ვიბრძოლე, მაგრამ წამითაც არ მიფიქრია, დავნებებოდი. მუდამ ვიცოდი, რომ კარგად ვიქნებოდი, თავიდანვე გამარჯვების მჯეროდა. ამ დიაგნოზმა უამრავი რამ გადამაფასებინა. ბევრ საკითხს სხვა თვალითშევხედე, დავაფასე დრო და სიცოცხლე. თურმე საჭირო ყოფილა ეს ეტაპი ჩემი პიროვნებისთვის. ყველას ვთხოვ, სისტემატურად, წელიწადში ერთხელ მაინც ჩაიტარონ სკრინინგი − ეს დიდ სირთულეებს აგარიდებთ.
ანა ჯაჭვაძე
ჩემი დიაგნოზიდან ათი წელი გავიდა. ყოველი წუთის მადლიერი ვარ, რომელიც მაქვს. ბევრი ვიბრძოლე, თუმცა არასდროს მიფიქრიადანებება. შემთხვევით აღმოვაჩინე დაავადება. გამიმართლა, რომ დროულად ჩავები ამ ომში. ძალიან მნიშვნელოვანია, სკრინინგისისტემატურად ჩავიტაროთ. დროული დიაგნოსტირება გამარჯვების გარანტია. ამაში საკუთარმა შემთხვევამ კიდევ ერთხელდამარწმუნა.
ნესტან ჩხიკვაძე
მეოთხე შვილის დაბადების შემდეგ აღმოვაჩინე, რომ კვანძი, რომელიც მესინჯებოდა, საშიში იყო. ჩემი მეუღლის დაჟინებულიმოთხოვნით ჩავიტარე კვლევა. ორჯერ დავამარცხე კიბო. იმედია, ამჯერად საბოლოოდ გავიმარჯვე. ახალი ნესტანი დაიბადა ამბრძოლაში, რომელმაც იცის, რომ სამყარო ძალიან ლამაზია. უნდა ვეცადოთ, კარგი დავინახოთ და ცუდს ადგილი არ დავუტოვოთ.ვიცი, რომ თუ გინდა გამარჯვება, ასეც იქნება.
