თბილისის ერთ-ერთი გამორჩეული ადგილის, Heritage Hotel & Suites-ის შესახებ უნდა გიამბოთ, რომელიც საზოგადოების წინაშე 2022 წლის 1 აგვისტოს გამოჩნდა და ამ დროის განმავლობაში შეძლო და დაიმკვიდრა საკუთარი ნიშა. უნდა აღინიშნოს, რომ ეს არის Luxury ტიპის ბუტიკ-სასტუმრო, რომელიც განთავსებულია 125 წლის უნიკალური კულტურული ძეგლის სტატუსის მქონე შენობაში, ულამაზესი ფასადით, პეტერბურგის ქუჩაზე, განახლებულ აღმაშენებელთან. როგორია სასტუმროს განლაგება, რას მოიცავს მისი მომსახურება, რა მიზნები აქვს და სხვა საინტერესო საკითხების შესახებ Heritage-ის გენერალური მენეჯერი გიორგი ყეინაშვილი და გაყიდვებისა და მარკეტინგის მენეჯერი, თამარ მოსიძე გვიამბობს.
უპირველესად, გაგვაცანით სასტუმრო. რამდენი ხანია, რაც ბაზარზე გამოჩნდა?
Heritage Hotel & Suites არის ახალი უნიკალური სტილისა და კონცეფციის მქონე სასტუმრო თბილისში, რომელიც 2022 წლის 1 აგვისტოს გაიხსნა. ნაგებობა, რომელიც აშენებულია 125 წლის წინ იმ პერიოდის საუკეთესო არქიტექტორების მიერ, აღიარებულია კულტურული მემკვიდრეობის ძეგლად და შენარჩუნებული აქვს პირვანდელი იერსახე. თანამედროვე და მინიმალისტურ დიზაინთან შერწყმა ამ ადგილს განსაკუთრებულ ელეგანტურობასა და კომფორტისა და ჰარმონიის შეგრძნებას ანიჭებს.
სად მდებარეობს Heritage Hotel & Suites?
სასტუმროდან რამდენიმე წუთის სავალ მანძილზე მდებარეობს აღმაშენებლის გამზირი, მეტროსადგური „მარჯანიშვილი“, სავაჭრო ცენტრები, რესტორნები, თეატრები, ისტორიული შენობები უნიკალური არქიტექტურითა და სხვა მრავალი ღირსშესანიშნაობა. თქვენ რჩებით ქალაქის ცენტრში და შეგიძლიათ გაისეირნოთ აბანოთუბნამდე, დატკბეთ ძველი თბილისის ხედებით, რაც სტუმრებს საშუალებას აძლევს, თავი მშვიდად და კომფორტულად იგრძნონ.
რა სახის მომსახურებებს სთავაზობს საზოგადოებას და რამდენ სტუმარს მასპინძლობს სასტუმრო?
სასტუმრო Heritage Hotel & Suites არის Luxury ტიპის დიზაინსასტუმრო, რომელიც შედგება 33 მაღალი კლასის ოთახისგან, ტექნოლოგიურად სრულად არის აღჭურვილი საერთაშორისო სტანდარტებით. კომფორტი, უნიკალური გარემო და მაღალი ხარისხის მომსახურება განსაკუთრებულ გამოცდილებას ჰპირდება როგორც ტურისტებს, ასევე ბიზნესკლიენტებს. სტუმრებს საშუალება აქვთ მიიღონ მაღალი დონის მომსახურება და სერვისები. ფიტნესი, ორთქლის საუნა, – ეს მხოლოდ მცირე ჩამონათვალია იმ სერვისებისა, რასაც სასტუმროს სტუმრებს ვთავაზობთ.
ქორწილები Heritage Hotel & Suites-ში.
წყვილების უმრავლესობისთვის ქორწილის დღე სასტუმროში იწყება. გრანდიოზული და დახვეწილი ქორწილისთვის Heritage Hotel & Suites შესანიშნავი არჩევანია. ძვირადღირებული დეტალები ავსებს თითოეულ ოთახს, რაც ბუნებრივად ქმნის შესანიშნავი ფოტოგრაფიის ფონს.
ეს ხომ ჩვენი ცხოვრების ერთ-ერთი ყველაზე მნიშვნელოვანი დღეა, ფოტოები კი ამ დღის აღბეჭდვის საუკეთესო საშუალება, რათა წარუშლელ მოგონებად შემოვინახოთ. შესაბამისად ფოტოსესიის ადგილი განსაკუთრებულად უნდა შევარჩიოთ. Heritage Hotel & Suites კი შთამბეჭდავ გარემოს ქმნის თქვენი ქორწილის აღსანიშნავად. სასტუმრო სრულად უზრუნველყოფს ყველა სახის მომსახურებას და მუდმივად მზად არის ბოლომდე მოერგოს მომხმარებლის სურვილებს და გემოვნებას.
დაახლოებით ერთი წლის მანძილზე 70-მდე წყვილმა აირჩია ჩვენი სასტუმრო. აღსანიშნავია, რომ საქორწინო წვეულების ჩასატარებლად ხშირად წყვილები უცხოეთიდანაც სწორედ Heritage Hotel & Suites-ს ირჩევენ, რაც ძალიან გვახარებს და გვაძლევს სტიმულს, კიდევ უფრო მეტი შევთავაზოთ.
რა არის Heritage Hotel & Suites-ის მიზანი?
გახსნის დღიდან განვითარებისა და ზრდის პროცესი არ შეგვიწყვეტია. Heritage Hotel & Suites-ის მიზანია გავაცნოთ ჩვენს მომხმარებლებს სასტუმროს უნიკალურობა. გავაგრძელოთ და დავნერგოთ მომსახურების ხარისხის უმაღლესი სტანდარტები. ჩვენი პერსონალური და ინდივიდუალური მიდგომა ჩვენი სტუმრების მიმართ, თბილი, ოჯახური ატმოსფერო, უზრუნველყოფს ჩვენს ლოიალურ სტუმრებს.
ჩვენ არ ვჩერდებით მხოლოდ სტანდარტული მიდგომებით, ამიტომ ყოველთვის ვმუშაობთ სხვადასხვა აქციაზე, სპეციალურ შეთავაზებებსა და აქტივობებზე, რადგან ეს ყველაფერი გვეხმარება ვიყოთ გამორჩეულები.
