მილფეი
ამ ცნობილი ფრანგული დესერტის მოსამზადებლად ფრანგული ინგრედიენტები გამოვიყენეთ – Elle&Vire-ს უმაღლესი ხარისხის ნაღები და კარაქი, ამიტომ გემოც განსაკუთრებული მივიღეთ.
ფენოვანი ცომის ინგრედიენტები:
- 250 მლ თბილი წყალი;
- 1 ს/კ მარილი;
- 1 ს/კ შაქარი;
- 1 ს/კ არაყი;
- 1 ს/კ ძმარი;
- 1 ს/კ ზეთი;
- 1 კვერცხი;
- 3 ჭიქა ფქვილი;
- 250 გრ კარაქი.
ფენოვანი ცომის მომზადება:
წყალს შეურიეთ მარილი, შაქარი, არაყი, ძმარი, ზეთი და კვერცხი. გააერთიანეთ მასა, ბოლოს შეაზილეთ ფქვილი. როგორც კი მიიღებთ მყარი ცომის მასას, დაასვენეთ 1 საათი. გააბრტყელეთ და გადაუსვით კარაქი მთლიან ზედაპირზე, 50-70 გრ პირველ ჯერზე. დაკეცეთ ცომი და შედგით მაცივარში. გამოიღეთ 1 საათში, გააბრტყელეთ ცომი და კვლავ გადაუსვით კარაქი. ასე გაიმეორეთ 3-4 ჯერ, ბოლოს დაასვენეთ ცომი კიდევ 1 საათი და შემდეგ შეგიძლიათ გამოიყენოთ.
კრემის ინგრედიენტები:
- 4 კვერცხის გული;
- 150 გრ შაქარი;
- მწიკვი მარილი;
- ვანილი;
- გრ სიმინდის სახამებელი;
- 400 მლ რძე;
- 100 გრ კარაქი;
- 200 გრ ნაღები 35%.
კრემის მომზადება:
გათქვიფეთ გოგლიმოგლი გათეთრებამდე, დაამატეთ მარილი და სახამებელი. ცეცხლზე დადგით ქვაბით რძე, შეთბობისთანავე დაუმატეთ გოგლიმოგლი და ურიეთ განუწყვეტლივ. დაამატეთ კარაქი და ვანილი შესქელებამდე. დუღილის პირველივე ბუშტზე გადმოიტანეთ გაზქურიდან, გადაიღეთ თასზე და დააფარეთ სამზარეულოს პარკი, შედგით მაცივარში და გააგრილეთ.
მოგვიანებით, გათქვიფეთ ნაღები გამყარებამდე და ჩაამატეთ გაგრილებული კრემი ეტაპობრივად.
აწყობა:
მართკუთხა ან ოთხკუთხა ფორმებად ჭრით ფენოვან ცომს, გულში სვამთ კრემის ბურთებს, კვლავ ფენოვან ცომს და ასე იქცევით 3-ჯერ, თავზე ახვედრებთ კრემს და ცოცხალ ხილს – მარწყვი, ჟოლო, თქვენი გემოვნებით.
