29 წლის მოდელი, ემილი რატაკოვსკი არაჩვეულებრივი გემოვნებით და იმიჯით ნამდვილად გამოირჩევა. პაპარაცების ობიექტივში ის საკმაოდ ხშირად ხვდება, თუმცა ფანებს იმედებს არასოდეს უცრუებს და მუდამ შესანიშნავად გამოიყურება. გამონაკლისი არც უკანასკნელი შემთხვევა გამხდარა, როდესაც ის ნიუ-იორკის ქუჩებში შენიშნეს.
ემილიმ დახვეწილი და გემოვნებიანი იმიჯი მოიხდინა. მას ბრენდ Khaite-ს 2990 ფუნტის ღირებულების ყავისფერი ელემენტებით გაფორმებული, ბეჟი თრენჩი ეცვა, რომელსაც ფორთოხლისფერი, მაღალქუსლიანი ჩექმა შეუხამა.
