Elsesi Racha Glamping-ი უკვე რამდენიმე თვეა, რაც დამსვენებლებს ულამაზეს რაჭაში მასპინძლობს და დაუვიწყარი მოგონებებით აღსავსე დღეებს ჰპირდება. გლემპინგი ოთხივე სეზონზე იდეალური გამოსავალია ყოველდღიურობისგან თავის დასაღწევად და კომფორტულ გარემოში განსატვირთად. Elsesi მოქცეულია ზღაპრულ ბუნებაში, რაც აქ სტუმრობას კიდევ უფრო იდეალურს ხდის. ვიდრე ინტერვიუს წაკითხვას შეუდგებით, გირჩევთ აუცილებლად ეწვიოთ და საკუთარი გამოცდილება თავად გაგვიზიაროთ. მაშ ასე, გთავაზობთ ინტერვიუს Elsesi Racha Glamping-ის დამფუძნებელ ვასილ ომანიძესთან, რომელიც უფრო ვრცლად და დეტალურად გვიამბობს სასტუმროს შესახებ.
როგორ დაგებადათ Elsesi Racha Glamping-ის დაარსების იდეა?
სიმართლე გითხრათ, სრულიად მოულოდნელად გამიჩნდა Elsesi Racha Glamping-ის დაარსების იდეა. მანამდე მხოლოდ ფოტოებში მქონდა ნანახი მსგავსი ტიპის გლემპინგების შესახებ. ფაქტობრივად, ერთ დღეში მივიღე გადაწყვეტილება და განხორციელებასაც მაშინვე შევუდექი.
როგორი იყო განხორციელების ეტაპები?
დავიბადე თბილისში და მთელი ცხოვრება აქ გავატარე. 14 წელი სამხედრო სამსახურს მივუძღვენი, თუმცა დადგა ეტაპი, როდესაც გადავწყვიტე წამოვსულიყავი და სრულიად სხვა მიმართულებით გამეგრძელებინა საქმიანობა. რაჭაში მიწა გვქონდა ჩვენს ოჯახს, რომელიც სრულიად ეკალ-ბარდით იყო დაფარული. გავასუფთავე ტერიტორია და ამასობაში იაპონიიდან გამოწერილი გლემპინგებიც ჩამომივიდა. თავადვე ავაწყე ინსტრუქციის მიხედვით და უკვე რამდენიმე თვეა, რაც აქტიურად ვმასპინძლობთ დამსვენებლებს.
სულ რამდენ გლემპინგს მოიცავს Elsesi Racha Glamping-ი?
მაქვს 6 გლემპინგი, თუმცა ამ ეტაპზე 2 მათგანი მუშაობს, 4 კი ძალიან მალე უმასპინძლებს დამსვენებლებს. ვინაიდან ტერიტორია საკმაოდ დიდია, დაემატება აუზები და ფაცხები, რაც სტუმრებს კიდევ უფრო დიდ კომფორტს შეუქმნის და დაუვიწყარ მოგზაურობას აჩუქებს. გარდა ამისა, Elsesi Racha Glamping-ი გამოირჩევა საოცარი ხედით, რაც თითოეული დამსვენებლისთვის ერთ-ერთი უმნიშვნელოვანესი კომპონენტია.
რატომ Elsesi?
ბევრი არც მიფიქრია სახელწოდებასთან დაკავშირებით, მსურდა გაჟღერებისთანავე ადვილად აღსაქმელი და სასიამოვნო მოსასმენი ყოფილიყო. ამავდროულად, ჰქონოდა კონკრეტული, სიმბოლური დატვირთვა. ორი ძმისშვილი მყავს, რომლებსაც ელისე და სესილი ჰქვიათ, სწორედ აქედან გამომდინარე გადავწყვიტე გლემპინგის სახელწოდება Elsesi ყოფილიყო.
რამდენად დიდი პოპულარობით სარგებლობს მსგავსი ტიპის სასტუმროებში დასვენება?
საკმაოდ დიდი მოთხოვნაა მსგავსი ტიპის სასტუმროებზე. კონკრეტულად Elsesi Racha Glamping-ის შესახებ რომ ვისაუბროთ, სულ რამდენიმე თვეა, რაც გამოჩნდა და უკვე ძალიან დიდი პოპულარობით სარგებლობს, რაც რა თქმა უნდა უზომოდ მახარებს და მოტივაციას მძენს გავაკეთო უფრო მეტი და გავანებივრო ჩემი დამსვენებლები.
კვება შედის დღე-ღამის ღირებულებაში?
კვება დამსვენებლის სურვილზეა დამოკიდებული. ჩვენს გლემპინგთან ახლოს, სოფელ წესში მდებარეობს საოჯახო სამზარეულო, რომელთანაც ვთანამშრომლობთ. შესაბამისად, ჩვენი სტუმრებისთვის ამზადებენ საუზმეს ადგილზე მოტანით.
როგორია თქვენი სამომავლო გეგმები?
მინდა რაჭის ტური გავაკეთო, შევიძინო კვადროციკლები, ასევე დავამატო ცხენებით ჯირითი. ჩავდგა ჯაკუზიანი ხის კოტეჯები. ძალიან ბევრი გეგმა მაქვს და ვფიქრობ, უახლოეს მომავალში აუცილებლად განვახორციელებ.
მის: რაჭა, ამბროლაურის რაიონი, სოფელი კვაცხუთი
FB: Elsesi Racha Glamping • ელსესი რაჭა გლემპინგ
Tel: 599545031
