დღეს ციფრული და ინფორმაციული ტექნოლოგიების განვითარების ხანაში მარტივად შეგვიძლია გავეცნოთ სამედიცინო სიახლეებს, როგორიცაა მაგალითად, თუ რა სახის ინოვაციური მედიკამენტი გამოჩნდა ბაზარზე. ფარმაცევტული კომპანიები კი ცდილობენ ახალი, ინოვაციური პრეპარატები ხელმისაწვდომი იყოს საზოგადოებისთვის.
ფარმაცევტული კომპანია „ევროფარმა ჯორჯია“ 11 წელია ქართულ ბაზარზე წარმატებით ოპერირებს. კომპანიას, დაარსების დღიდან დღემდე, ალისა არსლანი მართავს. როგორც ის აღნიშნავს, კომპანიამ მალევე შეძლო თავის დამკვიდრება ბაზარზე და საზოგადოების ნდობის მოპოვება, რაც მარტივი არ ყოფილა.
იმის გათვალისწინებით, რომ ფარმაცევტულ ბაზარზე დიდია კონკურენცია, „ევროფარმა ჯორჯია“ მუდმივად ორიენტირებულია განვითარებასა და ხარისხზე. ასევე, აღსანიშნავია კონკურენტუნარიანი ფასები, რომელსაც კომპანია მომხმარებელს სთავაზობს. „ევროფარმა ჯორჯია“ 2011 წლიდან უზრუნველყოფს როგორც თერაპიული, ასევე პრევენციული ფარმაცევტული და მცენარეული საშუალებების იმპორტსა და მარკეტინგს. მისი პრიორიტეტი მოსახლეობის ცხოვრების ხარისხის გაუმჯობესებაა − რაც შეიძლება მეტი ინოვაციური პრეპარატი იყოს ხელმისაწვდომი პაციენტისთვის.
აღსანიშნავია, რომ „ევროფარმა ჯორჯია“ იყო პირველი, რომელმაც ინოვაციური ფორმულები შესთავაზა მომხმარებელს, რაც მანამდე არ არსებობდა საქართველოში. ასეთი იყო მაგალითად „ნემოლიქსი C3“, „ცინკონეტი C“, „კოენზა QL“ და ა.შ.
კომპანიის მთავარი მიზანია, მომხმარებელთა მოთხოვნების გამოვლენა და მათზე ორიენტირებული, უანალოგო, სანდო და ინოვაციური პროდუქციის შეთავაზება.
დღეს „ევროფარმა ჯორჯია“ წარმოადგენს პრეპარატებს, რომელთა რეალიზაცია წარმატებით ხორციელდება მსოფლიოს სხვადასხვა ქვეყანაში. მათ შორის არის პრეპარატები, რომელთა ანალოგები არ მოიპოვება ქართულ ფარმაცევტულ ბაზარზე. აღსანიშნავია, რომ კომპანიის პრიორიტეტია მომავალი თაობის ჯანმრთელობა. სწორედ ამიტომ პრეპარატების ერთ-ერთ მთავარ ხაზს პედიატრიული ჯგუფი წარმოადგენს.
აღსანიშნავია, რომ 2015 წლიდან 2021 წლის ჩათვლით, „ევროფარმა ჯორჯიას“ თითქმის ყოველ წელს აქვს მიღებული შვეიცარიის სარეიტინგო ასოციაციისა და საქართველოს ნაციონალური ბიზნესრეიტინგების კავშირის ჯილდო − Leader of The Year. 2021 წელს კი „ბიზნეს ოსკარად“ წოდებულ Golden Brand-ის ნომინაციაში: „ბავშვთა ვიტამინების კომპლექსი − ნომერ პირველი ოქროს ბრენდი“ გახდა „ევროფარმა ჯორჯიას“ პრეპარატი „სიმბავიტი სიროფი“.
„ევროფარმა ჯორჯიას“ ქმნის პროფესიონალთა გუნდი, რომლისთვისაც მნიშვნელოვანია ერთსულოვნება და საზოგადოების მოთხოვნების გათვალისწინება. თავის მხრივ, კომპანია ზრუნავს თანამშრომლების პროფესიულ ზრდასა და განვითარებაზე. როგორც „ევროფარმა ჯორჯიაში“ ამბობენ, მათი კომპანიის წარმატება საერთო ღირებულებების, საერთო ინტერესების, შეუპოვრობის, სიყვარულის, ერთგულებისა და გუნდური მუშაობის შედეგია.
„ევროფარმა ჯორჯია“ არის Vefa Ilac-ის ოფიციალური წარმომადგენელი და ექსკლუზიური დისტრიბუტორი საქართველოში. Vefa Ilac-ი არის უდიდესი და ერთ-ერთი ლიდერი ქარხანა თურქეთში. ქარხანა აღჭურვილია უახლესი, თანამედროვე ტექნოლოგიებით და ახორციელებს წარმოებას საერთაშორისო სტანდარტის მიხედვით. მწარმოებელი ქარხნის − Vefa Ilac-ის პროდუქცია აკმაყოფილებს ხარისხის ყველა მოთხოვნას, რასაც ასაბუთებს ხარისხის დამადასტურებელი საერთაშორისო GMP-სერტიფიკატი.
„ევროფარმა ჯორჯია“ სამომავლოდაც, მსოფლიოსა და ადგილობრივი სამედიცინო და ფარმაცევტული სექტორების თანამედროვე ტენდენციების კვალდაკვალ განაგრძობს მომხმარებლისთვის ინოვაციური ფარმაცევტული პროდუქციის შეთავაზებასა და საქართველოს ფარმაცევტულ ბაზარზე ასორტიმენტის გამდიდრებას.
