ჯონათან ანდერსონის ხელმძღვანელობით, 2026 წელს Dior-ის გაყიდვები შესაძლოა, 10%-ით გაიზარდოს. WWD-ის ინფორმაციით, HSBC-ის ანალიტიკოსები ამბობენ, რომ ბრენდმა ფასების პოლიტიკა შეცვალა და მომხმარებელს ახლა უფრო ხელმისაწვდომ კატეგორიებს სთავაზობს.
საუბარია აქსესუარებსა და სამკაულებზე 1000 ევროზე ნაკლები ფასით, Dioramour Mitzah-ის 200 ევროიანი შარფების ჩათვლით, რაც ახალი გაზაფხულის კოლექციის 43%-ს შეადგენს. Dior-ის პროდუქციის პირველი ნაკადი მაღაზიებში მარტში გამოჩნდება, რამაც შეიძლება უკვე პირველ კვარტალში ტრაფიკის ზრდა და გაყიდვების დადებითი დინამიკა გამოიწვიოს.
Louis Vuitton-ის გაყიდვების ზრდა, სავარაუდოდ, დაახლოებით 2.5%-ით გაიზრდება. სხვა პერსპექტიულ ბრენდებს შორისაა Rimowa, Loewe, Loro Piana და Fendi, სადაც Maria Grazia Chiuri წლის მეორე ნახევარში დაიწყებს მუშაობას.
შეგახსენებთ, რომ ირლანდიელი დიზაინერი ჯონათან ანდერსონი ფრანგული მოდის სახლის Dior ახალი კრეატიული დირექტორი 20255 წლის ივლისში გახდა. ის კრისტიან დიორის შემდეგ, მეორე დიზაინერია, რომელიც Dior-ის ყველა მიმართულებას ერთდროულად ხელმძღვანელობს. მას უკვე უწოდეს თანამედროვე მოდის ვუნდერკინდი. ბრიტანეთის მოდის საბჭომ ჯონათან ანდერსონი 2025 წლის დიზაინერად დაასახელა.
ასევე დაგაინტერესებთ
