City Event Georgia უკვე 12 წელია, რაც ქართულ ღონისძიებათა ინდუსტრიაში ქმნის გამოცდილებებს, რომლებიც მხოლოდ მომენტებად არ რჩება, არამედ ისტორიებად იქცევა. კომპანიას დღემდე 2000-ზე მეტი ღონისძიების ორგანიზება აქვს წარმატებით განხორციელებული, კონცერტებიდან და ფესტივალებიდან დაწყებული, კორპორაციული წვეულებებითა და პრივატული საღამოებით დასრულებული.
City Event Georgia ყოველი პროექტის უკან დგას, როგორც იდეის ავტორი, შემოქმედებითი ძალა და შესრულების გარანტი. პროფესიონალებით დაკომპლექტებული გუნდი ზრუნავს იმაზე, რომ თითოეული დეტალი – ლოკაციის შერჩევიდან სცენური გაფორმებითა და ტექნიკურ მხარდაჭერამდე – იყოს მაქსიმალურად მორგებული დამკვეთის მოთხოვნებსა და ბრენდის იმიჯზე. სწორედ ამიტომ კომპანიამ შეძლო გამხდარიყო ერთ-ერთი ყველაზე სანდო და ინოვაციური მოთამაშე ბაზარზე.
კომპანია მომხმარებელს სთავაზობს დეტალურად დაგეგმილ კონცეფციას, დამკვეთის იმიჯზე მორგებულ იდეას, ვიზუალურ გაფორმებას და უმაღლესი სტანდარტის მომსახურებას; ლოკაციის შერჩევიდან დაწყებული, ღონისძიების კულმინაციამდე გაწერილ კონცეფციას, შესრულებას და სრულ მომსახურებას.
City Event Georgia – ეს არის ჯგუფი, რომელიც კრეატიული საშუალებებით მაღალხარისხიან ღონისძიებებს ქმნის. პროფესიონალური და შემოქმედებითი მიდგომა, ხარისხი თითოეულ დეტალში, განსხვავებული ხედვა, თანამედროვე სტანდარტები და ტექნოლოგიები – ესაა კომპანიის მთავარი მახასიათებლები. რაც შეეხება უპირატესობას, ესაა გამოცდილება, მოქნილობა, ინოვაციურობა და კრეატიულობა.
გუნდი არის დაკომპლექტებული პროფესიონალი კადრებით, სადაც ყველა თანამშრომელს აქვს სხვადასხვა მიმართულებით ღონისძიების ორგანიზების დიდი გამოცდილება, ალბათ ეს ფაქტორიც აადვილებს თანამშრომლობას მომხმარებლებთან და კომუნიკაციის დროს სანდოობა ზუსტად ამ ნიშნულით იკვეთება.
კომპანიის დამფუძნებელი ზვიად შელიაა, რომელსაც წლების განმავლობაში უწევდა ღონისძიების ორგანიზებაში ჩართულობა სხვადასხვა სახით. ეს იყო კონცერტის ორგანიზება, ფესტივალის ორგანიზება, პრეზენტაცია, კორპორაციული საღამოები თუ პრივატული ღონისძიება, რაც გახდა მიზეზი იმისა, რომ დაეკომპლექტებინა გუნდი, ამ მიმართულებით პროფესიონალი ადამიანებით და დაეარსებინა კომპანია, რომელიც სრულ სერვისს შესთავაზებდა მომხმარებელს, ერთ სივრცეში ყოფილიყო ყველა იმ მოთხოვნის მომსახურება, რასაც დამკვეთი საჭირობს.
კომპანია მომხმარებელს სთავაზობს სრულ სერვისს, რაც მოიცავს: ღონისძიების კონცეფციის შექმნას, ლოკაციის შერჩევას მოთხოვნილი ღონისძიებიდან გამომდინარე, საიმიჯოდ მორგებული რომ იყოს. ღონისძიების ვიზუალური მხარე გადატანილია რეალურ სივრცეში 3D რენდერის საშუალებით, რაც მომხმარებელს აძლევს საშუალებას, რეალურად აღიქვას მოსალოდნელი შედეგი. ჩვენი მომსახურება მოიცავს – სცენას, გახმოვანებას, განათებას და სპეცეფექტებს, მსახიობებითა და მუსიკოსებით დაკომპლექტებას. მათი ტექნიკური რაიდერების გათვალისწინებით სცენის მოწყობას, მიღების ცერემონიას, არტინსტალაციებსა და დეკორაციებს. ქეითერინგ მომსახურებას, მენიუსა და გამაგრილებელი და ალკოჰოლური სასმელების შერჩევას.
კომპანია გეგმავს ყველანაირი ტიპის ღონისძიებას, ეს იქნება გარე ღონისძიება ღია ცის ქვეშ, ფესტივალი, ქალაქის დღესასწაული, კორპორაციული წვეულება, MICE ტურიზმი თუ პრივატული ღონისძიება.
ღონისძიების ორგანიზება მოიცავს სხვადასხვა მიმართულებით ცოდნას და გამოცდილებას. აღსანიშნავია, რომ კომპანიაში სწორედ ასეთი კადრები არის შერჩეული, რათა ყველანაირი საკითხი თუ პრობლემა არსებობის შემთხვევაში მარტივად მოგვარდეს.
City Event Georgia-ს უპირატესობაა ისევ და ისევ მოქნილობა და ოპერატიულობა, რაც მოაქვს პროფესინალ გუნდთან მუშაობის გამოცდილებას, ასევე აუთსორს პარტნიორი კომპანიების პროფესიონალიზმი და მათთან სწორი კომუნიკაცია. სწორი კომუნიკაცია ღონისძიების დაგეგმვისას დამკვეთთან, მოსალოდნელი ფორსმაჟორის გათვალისწინება და გათვლები. კომფორტის შექმნა დამკვეთთან.
რაც შეეხება სამომავლო გეგმებს, კომპანია გეგმავს განვითარებას ისევ და ისევ, სხვადასხვა მიმართულებით სერვისების დამატებას.
ტექსტი: ციაკო ღამბაშიძე
ფოტო: პირადი არქივი
