დეველოპერული კომპანია აჭარაში
Decor Book-ი წარმოგიდგენთ დეველოპერულ კომპანია „ციტრონ გრუპს“, რომელიც უკვე 4 წელია წარმატებით ოპერირებს ქართულ სამშენებლო ბაზარზე და საზოგადოებას საკმაოდ ხელსაყრელ ფასად ხარისხიანი ბინების მრავალფეროვან არჩევანს სთავაზობს. პროექტები მდებარეობს ბათუმში, ახალ ბულვარში და ჩაქვში, სამომავლოდ კი ახალი მშენებლობების წამოწყებას გეგმავს, რომელიც იქნება კიდევ უფრო მასშტაბური. ჟურნალი OK! „ციტრონ გრუპის“ გაყიდვების მენეჯერს, ლანა ჯაფარიძეს ესაუბრა, რომელმაც უფრო ვრცლად გვიამბო კომპანიის საქმიანობის შესახებ.
გაგვაცანით კომპანია „ციტრონ გრუპი“. რამდენი ხანია, რაც ბაზარზე გამოჩნდა?
„ციტრონ გრუპი“ არის დეველოპერული კომპანია, რომელიც 4 წელია აჭარაში სამშენებლო ბაზარზე ოპერირებს. მშენებლობები გვაქვს ჩაქვში და ახალი ბულვარის ტერიტორიაზე. ჩვენთვის მნიშვნელოვანია ხარისხი და ვადები, რაც შეიძლება მეტი კმაყოფილი მობინადრე.
რას სთავაზობთ საზოგადოებას?
ჩვენ ვაშენებთ მოკლე ვადებში და ხარისხიანად, თუმცა ფასი ყველა სეგმენტისთვის მისაღებია. მშენებლობები გათვლილია როგორც უცხოელ მყიდველებზე, ასევე ქართველებზე და დიდ აქცენტს ვამახვილებთ ემიგრანტებზე. გვაქვს კარგი პირობები, რათა შეძლონ ბინის შეძენა და ასევე, გვაქვს რამდენიმეწლიანი შიდა უპროცენტო განვადება. ჩვენი მიზანია მოსახლეობის დიდმა ნაწილმა შეძლოს ხელსაყრელ ფასად შეიძინოს ბინა.
რატომ უნდა შევიძინოთ ბინა „ციტრონ გრუპში“?
ბევრი ფაქტორია, რისთვისაც „ციტრონ გრუპში“ ბინა უნდა შეიძინოთ. უპირველესად, კომპანიას აქვს დასრულებული პროექტები და არის სანდო. ასევე, სანდოობის გარანტია კომპანიის მშენებლობები, რომლებიც დაზღვეულია ბანკის მიერ, ანუ ეს იმას ნიშნავს, რომ თუ კომპანიამ ვერ ააშენა, ბანკი დაასრულებს მშენებლობას, მაგრამ ამის საჭიროება არ გვქონია და არ გვექნება კარგი პოზიციონირებისა და კარგი მენეჯმენტის პირობებში, რაც რა თქმა უნდა, ჩვენს კომპანიაში გამართულია. რაც მთავარია, ხელსაყრელი ფასი და გრძელვადიანი განვადება არის უმთავრესი პირობა, რის გამო ბინა „ციტრონ გრუპში“ უნდა შეიძინოთ.
სად მდებარეობს კომპლექსი?
ჩვენი პროექტები მდებარეობს ბათუმში, ახალ ბულვარში. სხვათა შორის, აქ ვიყავით პირველები, ვინც დაიწყო მშენებლობა. ჩვენ ბათუმის ბულვარის განაშენიანების პოტენციალი დავინახეთ და დღეს აქ ბევრი მშენებლობაა. ეს არის ტერიტორია, რომელიც უკვე საკმაოდ დატვირთულია და სამომავლოდ კიდევ უფრო მოთხოვნადი იქნება. ასევე, გვაქვს მშენებლობა ულამაზეს ჩაქვში, ბოტანიკურ ბაღთან ახლოს, ზღვის პირველ ზოლში − საოცარი ხედებით, საოცარი გარემოთი, გათვლილი ყველა სეგმენტზე. ჩაქვის პროექტის პრიორიტეტი იმაში მდგომარეობს, რომ მთისა და ზღვის სიახლოვე ქმნის ჰარმონიულ გარემოს, ხოლო ბოტანიკური ბაღის პლუსებზე საუბარს აღარ დავიწყებთ. რა თქმა უნდა, ჰაერი გაცილებით სუფთაა, ვიდრე ბათუმში.
მშენებლობა დასრულებულია?
გვაქვს რამდენიმე დასრულებული მშენებლობა. მართალია „კოვიდმა“, როგორც ალბათ ყველა სამშენებლო თუ სხვა კომპანიებს, ხელი შეგვიშალა, მაგრამ ჩვენ საკმაოდ რთულ პერიოდშიც ვაგრძელებდით მუშაობას, რასაკვირველია, ყველა წესის დაცვით და დიახ − გვაქვს დასრულებული პროექტები, გვყავს კმაყოფილი მობინადრეები, რომლებიც უკვე ცხოვრობენ ჩვენს აშენებულ სახლებში.
გვესაუბრეთ ხარისხსა და კომპანიის უპირატესობებზე.
ხარისხი ჩვენთვის უპირველესია. ჩვენ გავდივართ ყველა შემოწმებას, უპირველესად, ჩვენი თანამშრომლების, რომლებიც უშუალოდ მშენებლობებზე მუშაობენ − მათი უსაფრთხოებით დაწყებული, ასევე ცემენტისა თუ ბეტონის ხარისხით დამთავრებული. კარები იქნება ფანჯარა თუ ელემენტარული სამშენებლო წვრილმანი, გვაქვს მაღალი ხარისხის და ამით ნამდვილად შეგვიძლია ვიამაყოთ.
პოტენციურ მყიდველს ასევე ვთავაზობთ მაღალი ხარისხის რემონტს. „ციტრონის“ აშენებულ თითოეულ სახლს აქვს პარკინგი, ვინაიდან ვიცით, რომ ავტომობილის გაჩერება ზაფხულში საკმაოდ რთულია. ასევე, გვაქვს მიმღები, სადაც ჩვენივე კომპანიის თანამშრომელი მუშაობს. დაცვა, დასუფთავება, ვიდეოკონტროლი − ჩვენ ვზრუნავთ ჩვენი მობინადრეების დაცულობასა და კომფორტზე.
ბოლოს, სამომავლო გეგმები გაგვიზიარეთ.
რაც შეეხება სამომავლო გეგმებს, გვაქვს კარგი იდეები, მონდომება და კეთილსინდისიერება. მალე „ციტრონ გრუპი“ ახალ მშენებლობებს დაიწყებს, რომელიც იქნება გაცილებით მასშტაბური და ვფიქრობთ, ბაზარზე ჩვენი სახელი უფრო გაიზრდება. ასევე, სამომავლოდ მხოლოდ აჭარით არ შემოვიფარგლებით და მშენებლობები გვექნება თბილისში, სამთო-სათხილამურო კურორტ გოდერძიზე, სადაც გაიყიდება ჩვენი კომპანიის მიერ აშენებული ბინები. ჩვენი მიზანი საკუთარი მომხმარებლების კომფორტია, ასევე, პირობები იმისა, რომ შეძლონ ბინის შეძენა.
