„ცელსიუსი“ ჟურნალი OK!-ის მკითხველისთვის კარგად ნაცნობი კომპანიაა, რომელიც მუდმივად ზრუნავს მომხმარებელთა კმაყოფილებასა და მოთხოვნის შესაბამისი სერვისების მიწოდებაზე. ამ ეტაპზე განსაკუთრებული სიახლეა ახალი თაობის ენერგოეფექტური გათბობა-გაგრილების სისტემები, რომლებიც განკუთვნილია როგორც საცხოვრებელი, ისე კომერციული ფართებისთვის. ამ არაჩვეულებრივ სიახლესთან ერთად კომპანიას განსაკუთრებული შეთავაზებები აქვს მომხმარებლებისთვის საახალწლოდ. როგორი იყო გასული წელი „ცელსიუსის“ საქმიანობისთვის, როგორ შევარჩიოთ ჩვენთვის ხელსაყრელი პროდუქტი და სხვა საინტერესო და მნიშვნელოვან საკითხებთან დაკავშირებით კომპანიის დირექტორი, თამარ მაჩიტიძე გვიამბობს.
გათბობის სეზონი დაიწყო. როგორ შევარჩიოთ ხარისხიანი და ჩვენთვის ხელსაყრელი პროდუქტი? რას ურჩევდით მომხმარებლებს, რომლებსაც ჯერ კიდევ არ გადაუწყვეტიათ გათბობა-გაგრილების სისტემების შერჩევა?
პროდუქტის შერჩევისას მთავარია, ყურადღება გავამახვილოთ მის ენერგოეფექტურობაზე, უსაფრთხოებასა და მოხმარების ხანგრძლივობაზე. ჩვენი სპეციალისტები მომხმარებლებს სთავაზობენ კონსულტაციას, პროექტირებას და ხარჯთაღრიცხვას, რათა პროდუქტის შერჩევა მაქსიმალურად კომფორტული და ეფექტიანი გახდეს. გარდა ამისა, „ცელსიუსი“ სთავაზობს საერთაშორისო სერტიფიცირებულ პროდუქციას, რომელიც ტესტირებულია და სრულად აკმაყოფილებს თანამედროვე სტანდარტებს.
უპირველესად, აუცილებელია კონსულტაცია სპეციალისტებთან. სწორი გათვლების გარეშე შეიძლება სისტემა არც ფუნქციურად და არც ფინანსურად გამართლებული არ აღმოჩნდეს. ჩვენ ვთავაზობთ მომხმარებელს უფასო კონსულტაციას, რომ მას გადაწყვეტილების მიღება გაუადვილდეს.
როგორ შეაფასებდით 2024 წელს კომპანიის საქმიანობისთვის და რა შეთავაზებები გექნებათ მომხმარებლებისთვის საახალწლოდ?
2024 წელი „ცელსიუსისთვის“ პროგრესის წელი იყო. გაყიდვების ზრდა 15%-ს შეადგენს, რაც მიუთითებს ჩვენი მომსახურებისა და პროდუქციის მიმართ მომხმარებელთა მზარდ ინტერესზე. ჩვენ გავზარდეთ როგორც საცალო, ისე კორპორაციულ ბაზრებზე აქტივობა, ხოლო გუნდი გაიზარდა ახალი სპეციალისტებით, რაც მომავალში უფრო მეტ შესაძლებლობას გვაძლევს.
წინასაახალწლოდ, რა თქმა უნდა, ვგეგმავთ მომხმარებლისთვის სპეციალური ფასდაკლებების შეთავაზებას და სიურპრიზებს ცენტრალურ გათბობაზე, კონდიციონერებსა და სხვა პოპულარულ პროდუქტებზე. ასევე, მომხმარებლები ისარგებლებენ შეძენილი პროდუქციის ადგილზე უფასო მიტანით თბილისის მასშტაბით და შერჩეულ პროდუქტებზე გრძელვადიანი საგარანტიო პირობებით.
რა არის „ცელსიუსის“ მთავარი ღირებულება და როგორია თქვენი მიდგომა მომხმარებელთან ურთიერთობისას? ამასთან ერთად, როგორია „ცელსიუსის“ ყოველდღიური ცხოვრება? მოგვიყევით თქვენი გუნდის შესახებ.
„ცელსიუსის“ მთავარი ღირებულებაა მომხმარებელთან გრძელვადიანი და სანდო ურთიერთობის ჩამოყალიბება. ჩვენთვის მნიშვნელოვანია, რომ თითოეული მომხმარებელი კმაყოფილი დარჩეს როგორც ჩვენი პროდუქციის ხარისხით, ისე მომსახურების სტანდარტებით. ჩვენი მიზანია, ვიყოთ არა მხოლოდ ტექნიკის მომწოდებელი, არამედ მომხმარებლისათვის საიმედო პარტნიორი და შევუქმნათ მას კომფორტი ნებისმიერ ამინდში.
ჩვენი ყოველდღიური ცხოვრება დატვირთულია, მაგრამ საინტერესო. ჩვენი გუნდი 100-ზე მეტი მაღალკვალიფიციური თანამშრომლისგან შედგება, რომლებიც ყოველდღიურად შრომობენ, რომ კიდევ უფრო წარმატებული იყოს ჩვენი კომპანია და მეტად მიმზიდველები ვიყოთ მომხმარებლისთვის. თითოეული პროექტი, რაც მუშავდება ჩვენი გაყიდვების გუნდის მიერ, ინდივიდუალურ მიდგომას საჭიროებს და სწორედ ეს აქცევს ჩვენს ყოველდღიურობას მრავალფეროვნად.
როგორ უჭერთ მხარს ინოვაციებს და ახალი ტექნოლოგიების დანერგვას?
ჩვენ მუდმივად ვადევნებთ თვალს ტექნოლოგიურ სიახლეებს და ვცდილობთ, ეს ინოვაციები ჩვენს პროდუქციასა და მომსახურებაში ჩავნერგოთ. მაგალითად, ჩვენს ახალ გათბობის სისტემებში ენერგიის დაზოგვის უახლესი ტექნოლოგიებია გამოყენებული, რაც მომხმარებლებს ხარჯების შემცირების საშუალებას აძლევს.
„ცელსიუსი“ ეკოლოგიური ცნობიერებით გამორჩეული კომპანიაა. როგორია თქვენი წვლილი გარემოსდაცვით საკითხებში?
ჩვენთვის მნიშვნელოვანია, რომ ჩვენი პროდუქცია იყოს ეკოლოგიურად სუფთა და ენერგოეფექტური. ვცდილობთ, მინიმუმამდე დავიყვანოთ გარემოზე ზემოქმედება, ხოლო მომხმარებლებს ვთავაზობთ ისეთ სისტემებს, რომლებიც არა მხოლოდ ხარჯებს, არამედ გარემოს დაბინძურებასაც ამცირებს.
როგორ ახერხებთ კონკურენციის პირობებში ლიდერის პოზიციის შენარჩუნებას და რა გაძლევთ ყველაზე დიდ მოტივაციას თქვენს საქმიანობაში?
ჩვენთვის მთავარი სტრატეგიაა ხარისხიანი პროდუქცია, პროფესიონალური მომსახურება და მომხმარებელთან მუდმივი კომუნიკაცია. ბაზრის მოთხოვნების ანალიზი და ამ მოთხოვნებზე სწრაფი რეაგირება ასევე გვეხმარება ლიდერის პოზიციის შენარჩუნებაში.
ყველაზე დიდ მოტივაციას გვაძლევს კმაყოფილი მომხმარებლების გამოხმაურებები. ჩვენმა გუნდმა იცის, რომ თითოეული წარმატებული პროექტი უკეთესი ყოველდღიურობის შექმნისკენ გადადგმული ნაბიჯია.
როგორ აფასებთ მომხმარებელთა უკუკავშირს და როგორ ეხმარება ის კომპანიის განვითარებას?
როგორც უკვე აღინიშნა, ჩვენთვის, როგორც მომსახურების სფეროში მომუშავე კომპანიისთვის, აუცილებელია მომხმარებლის უკუკავშირი, რომ საზოგადოების გულისცემას მოვუსმინოთ და სწორად განვსაზღვროთ პრიორიტეტები საქმიანობაში. მომხმარებელთა აზრი გვეხმარება პროდუქციისა და სერვისის გაუმჯობესებაში, რაც საბოლოოდ ჩვენს საერთო წარმატებას განაპირობებს.
როგორია კომპანიის სამომავლო გეგმები?
მომდევნო 2025 წელი ჩვენი კომპანიისთვის არის საიუბილეო. მართალია, სულ რაღაც 5 წლის ვხდებით, მაგრამ გვაქვს ამბიცია, საქართველოს ბაზარზე ვიყოთ წარმატებული და მოწინავე კომპანია ჩვენი პროფილის კომპანიებს შორის. სამომავლო გეგმებიც ასევე, უკავშირდება კომპანიის კიდევ უფრო განვითარებას, გაფართოებასა და გაძლიერებას.
გმადლობთ საინტერესო ინტერვიუსთვის!
მადლობა თქვენ! ვიმედოვნებ, ჩვენი გამოცდილება და შეთავაზებები მკითხველისთვის საინტერესო იქნება.
ტექსტი: ციაკო ღამბაშიძე
ფოტო: ალექსეი სეროვი
