ადამიანები, რომლებიც მოდის ინდუსტრიაში მიმდინარე მოვლენებს ყოველდღიურად ადევნებენ თვალს, შეამჩნევდნენ, რომ მოდის კვირეულების გასული სეზონი პალესტინელი წარმოშობის ამერიკელმა მოდელმა ბელა ჰადიდმა გამოტოვა. ახალგაზრდა ვარსკვლავი ლაიმის დაავადებას ებრძვის, რის გამოც, როგორც მან აღნიშნა დრო და ენერგია საკუთარი საქმისთვის სამწუხაროდ აღარ რჩება. მოდელმა სოციალური მედიის საშუალებით გამომწერებს გასული თვეების რთული და მისთვის ძალიან მნიშვნელოვანი პერიოდი გაუზიარა. ბელა ჰადიდმა მადლობა ოჯახის წევრებს და ახლობლებს გადაუხადა, რომლებიც მის გვერდით იმყოფებოდნენ მისთვის ყველაზე მძიმე წუთებში. როგორც მოდელის სიტყვებიდან ჩანს, ის ახლო მომავალში არ აპირებს პოდიუმზე დაბრუნებას, თუმცა მკურნალობს და გამოჯანმრთელების შემდეგ მოდის ინდუსტრიას აუცილებლად დაუბრუნდება.
